Genese 24:48 - MUKANDA WA MYIDI MUKULU

⁴⁸ Meme kutua binu panshi bua kuela Maweja-Nangila, Mvidi Mukulu wa mfumuanyi Abrahame, tuasakidila. Bualu uvua mungendeshe diakalenga, tshiyi mupete njiwu. Mmumfikishe ne mu diku dia mfumuanyi. Nanku ndi mua kuya ne nsongakaji ewu kudi muana wa mfumuanyi.

Mukanda wa Nzambi Dihungila Dikulukulu ne Dihungila Dihia-dihia 2003

⁴⁸ Nakuinyika mutu wanyi, nakutendelela Yehowa, nakutumbisha Yehowa, Nzambi wa mukelenge wanyi Abalahama, wakandombola mua kuya mu nshila muakane bua kuangatshila muana mulume wa mukelenge wanyi mukashi kudi muana wa muanʼabo.

Genese 24:48 Referans Kwoze

Misambu 48:14

Nukatshile mudi bimana biatshi! Numone muvuabu bakoleshe imue nzubu! Nanku, nenumone mua kumanyisha ndelanganyi yalonda ne:

Misambu 32:8

Maweja-Nangila udi wamba ne: — Nenkulongeshe, nkuleja njila wa kulonda. Nenutangile miaba yonsu iudi uya, nkubela ne:

Yeshaya 48:17

Wa tshijila wa bena Izrayele, Maweja-Nangila, uvua muangate bualu buenu ne manza abidi. Ke yeye udi ukuambila ne: “Meme Maweja-Nangila ndi Mvidi Mukulu webe. Meme ndi nkulongesha, malu adi ne bua kukulengelela. Meme ndi nya nebe mu njila uudi ne bua kulonda.

Genese 24:52

Muena mudimu wa Abrahame umvua nanku, kutuaye binu panshi, utendelela Maweja-Nangila, umuela tuasakidila.

Nsumuinu 4:11

Ndi nkulongesha mua kulonda njila wa meji. Ndi nkuleja muudi mua kusomba bimpe.

Misambu 107:7

Kubalombolaye mu njila mululame, wa kuya ku musoku udi bantu basombe.

Ezela 8:21

Ku muelelu wa mukidi wa Akaya, meme kuamba bua tuetu bonsu tajile biakudia. Ke mutavua ne bua kudipuekesha, kusengelela Maweja-Nangila bua atuendeshe mu ditalala ne meku etu, kabidi ne binta bietu.

Ekesode 18:20

Ulongeshe bantu meyi ne mikenji bia Mvidi Mukulu, bua babilame, bakumbaje bidiye musue.

Genese 22:23

tatuende wa Rebeka.” Ke bana muanda mukulu bavua Milka mulelele Nahore, muanabu ne Abrahame.