Genese 24:40 - MUKANDA WA MYIDI MUKULU

⁴⁰ Mfumuanyi Abrahame kungandamuna ne: “Maweja-Nangila undi mvuluka matuku onsu, neakuendeshe diakalenga. Mutumibue wende neakulombole. Neakuleje nsongakaji wa mu tshisamba tshietu, mu diku dia tatu wanyi, uudi mua kuselela muananyi.

Mukanda wa Nzambi Dihungila Dikulukulu ne Dihungila Dihia-dihia 2003

⁴⁰ Yeye wakungambila ne, Yehowa, undi ngendakana ku mpala kuandi, neatume muanjelo wandi nʼebe, neakuendeshe dikasa dimpe, ne wewe newangatshile muanʼanyi mulume mukashi kudi bana betu ne kudi ba mu nsubu wa tatu wanyi

Genese 24:40 Referans Kwoze

Ekesode 23:20

“Mutumibue wanyi neafike kunudi bua kunulama mu njila ne kunufikisha ku muaba undi munulongoluela.

Misambu 16:8

Ndi mvuluka Maweja-Nangila diba dionsu. Tshiena mua kuteketa, bualu udi nanyi

Ekesode 33:2

Nanku, nentume mutumibue wanyi bua kunulama. Nennuipatshile bena Kenaane, bena Amore, bena Iti, bena Perizi, bena Ivi ne bena Yebusa.

Genese 17:1

Abrame mumane kukumbaja bidimu makumi tshitema ne tshitema, Maweja-Nangila kumumuenekela, umuambila ne: — Ndi Mvidi Mukulu wa bukole buonsu. Witabe diyi dianyi, wikale muntu muakane.

Genese 5:24

Yeye mumane kudisanga ne Mvidi Mukulu nanku, Mvidi Mukulu kumuambula, kuya nende, Enoke kayi umueneka kabidi pa buloba to.

Didimanyisha 22:16

“Meme Yezu, mvua mutume mutumibue wanyi bua kunujadikila bionsu ebi mu Bisumbu bienu bia bena ditaba. Ndi wa ku ndelanganyi ya Davide. Ndi mutotu wa nkesha.”

Ebrewu 1:14

Batumibue ba Mvidi Mukulu mene mbanganyi? Buonsu buabu mmieyelu idi yenzela Mvidi Mukulu mudimu. Bobu ke badiye utuma bua kuambuluisha badi ne bua kupeta lupandu.

Danyele 3:28

Ke Nebukadnesare kuela lubila ne: — Mvidi Mukulu wa Shadrake, Meshake ne Abede-Nego atumbe! Udi mutume mutumibue wende bua asungidile bantu bende bavua bamueyemena, babenga kutumikila diyi dianyi dia bukalenga. Bavua basue bua babakengeshe pa mutu pa kutendelela ne kukukuila mvidie mikuabu pa muaba wa Mvidi Mukulu wabu.

Misambu 91:11

Bualu Maweja-Nangila neatumine batumibue bende diyi, bua bakulame kuonsu kuudi uya.

Misambu 1:3

Udi bu mutshi udi bantu bakuna ku muelelu wa mayi. Mutshi awu udi ukuama bimuma pa tshikondu tshiabi. Mabeji awu kaena mua kufubidila. Bionsu bidi muntu wa nanku wenza bidi amu ne tshipeta.

2 Bakalenga 20:3

— Eyi! Maweja-Nangila, uvuluke bionsu bimvua ngenza. Mvua mukuitabe ne muoyi mujima. Mvua anu ngenza malu mimpe bua kukusankisha! Pashishe, Izkiya kudila bikole.

1 Bakalenga 8:23

wamba ne: — Maweja-Nangila Mvidi Mukulu wa bena Izrayele, kakuena Mvidi Mukulu mukuabu bu wewe, nansha mu diulu nansha pa buloba. Wewe udi ukumbaja ndondu uuvua mutue ne bena mudimu bebe. Wewe udi anu mubanange ne muoyi umue, padibu bakuitaba ne muoyi wabu mujima.

Genese 48:15

Ke kuelaye Yozefe lupemba, wamba ne: Ndi ntendelela Mvidi Mukulu, uvua bankambua banyi, Abrahame ne Izake, bitabe, Ndi ntendelela Mvidi Mukulu, udi mundame too ne ku mpindiewu.

Genese 24:7

Bualu pavua Maweja-Nangila, Mvidi Mukulu wa diulu, mumpatule mu ditunga dietu ne mu diku dia baledi banyi, uvua mundaye bua kupesha ndelanganyi yanyi ditunga edi. Nanku, anu yeye neatume mutumibue wende kumpala kuebe, bua akuleje nsongakaji uudi mua kuselela muananyi Izake.

Genese 6:9

Ndelanganyi ya Nowa idi nunku: Nowa nkayende munkatshi mua bantu ba tshikondu atshi, uvua muntu muakane, witaba Mvidi Mukulu, udisanga nende mu malu onsu.

Genese 5:22

Kushalaye kabidi ne muoyi bidimu nkama isatu, witaba Mvidi Mukulu, udisanga nende mu malu onsu. Kulelaye balume ne bakaji.

Didimanyisha 22:8

Meme Yowanane, mvua mumvue bionsu ebi, mubimone kabidi. Meme mumane kubiu-mvua, mubimone bionsu, ke meme kudiela panshi ku makasa a mutumibue uvua mubideje, bua kumukukuila.

1 Bakalenga 2:3

Witabe Maweja-Nangila Mvidi Mukulu webe. Matuku onsu wenze amu tshidiye musue. Utumikile meyi ende ne mikenji yende. Ukumbaje bionsu bidiye wamba, ne bidiye ulongesha. Ukumbaje bionsu bidibu bafunde mu mikenji ya Moshe. Nanku, newikale muena diakalenga mu bionsu biudi wenza.

Genese 24:56

Muena mudimu wa Abrahame kubandamuna ne: — Maweja-Nangila mmumane kungendesha diakalenga. Kanuena mua kumpitshishila diba to. Mpeshayi mukaji, mpingane kua mfumuanyi.

1 Bakalenga 3:6

Shelomu kuandamuna ne: — Maweja-Nangila uvua muenzele tatu wanyi Davide, muntu webe malu mimpe a bungi, bualu Davide uvua mukuitabe muende muonsu, mukuenzele mudimu ne muoyi umue. Udi muenzele Davide bimpe, nansha kunyima kua lufu luende, bualu udi mumupe muana wa balume, udi mua kumupingana mu bukalenga. Ke mudibi bimueneka lelu.