Genese 24:22 - MUKANDA WA MYIDI MUKULU

²² Nsongakaji mumane kunuisha tumelu tuonsu mayi, muena mudimu kumupa kakanu ka mpawungi kikale ne bujitu bu bua gramme isambombu. Kumupa kabidi bikanu bibidi bia ku maboku, tshikanu tshionsu tshivua ne bujitu bupite pa gramme lukama.

Mukanda wa Nzambi Dihungila Dikulukulu ne Dihungila Dihia-dihia 2003

²² Hakashikisha tumelo kunua mai, mulume eu wakahatula kakanu ka or ka bujitu bua tshituha tshia nshekele, ne nkanu ibidi ya ku maboko ya bujitu bua nshekele dikumi kabidi.

Genese 24:22 Referans Kwoze

Yirmeya 2:32

Nsongakaji udi mua kupua muoyi bilengejilu ne mabue a mushinga mukole anyi? Mukaji udi ku dibaka udi mua kupua muoyi mukaba muimpe muluka, uvuaye muvuale mu tshibilu tshia dibaka anyi? Nansha kakese. Kadi nuenu bantu banyi bena Izrayele, nudi bampue muoyi matuku a bungi kaayi mua kubala to.

Genese 24:47

Pashishe meme kumukonka ne: “Wewe udi muana wa nganyi?” Yeye kungandamuna ne: “Ndi muana wa Betuyele, ne kabidi muikulu wa Nahore ne Milka.” Ngunwua nanku, meme kumupesha bikanu bia ku maboku, kumuela ne kakanu ku diulu.

Genese 24:30

Uvua mumone kakanu ne bikanu bivua ku maboku a muanabu wa bakaji, mumvue kabidi nuwuaye ulonda bivua muena mudimu awu mumuambile. Nanku kusanganaye muntu awu ne tumelu tuende ku tshiina tshia mayi.

Estere 5:1

Matuku asatu a tshijila tshiende mamane kujika, Estere kuvuala bilamba biende bimpe bia mukalenga mukaji. Kuyaye mu lubanza lua munda mua nzubu wa mukalenga. Kuimanaye kumpala kua nzubu wa mukalenga. Mukalenga uvua mu nzubu wende, musombe mu nkuasa, mutangile ku mushiku wa tshibuelelu.

1 Petro 3:8

Mu tshikosu, bonsu buenu nuikale ne lungenyi lumue, kabidi ne muoyi umue. Nunangangane bu bana ba tatu ne mamu. Nuikale bantu ba muoyi mulenga, badi ne bupuekele munkatshi muabu.

1 Petro 3:3

Kanukebi kudilengeja amu pambidi, bu munudi nulukisha nsuki, nuvuala bilengejilu bia mpawungi, nansha bilamba bimpe.

Genese 24:10

Muena mudimu awu kuangata tumelu dikumi tua mfumuende ne bionsu bivuaye mumone ne mbilenga. Bavua benda batangile mu tshimenga muvua Nahore musombe mu tshitupa tshia ku mutu kua misulu mu ditunga dia Mezopotamiya.

Genese 24:23

Pashishe kukonkaye nsongakaji ne: — Ungambile: udi muana wa nganyi? Tudi mua kupeta muaba wa kulala ku mbelu kuenu ne batudi nabu anyi?

Genese 24:53

Pashishe kukangulaye bibuta biende, kupatulaye bilengejelu bia tshiamu tshitoke tshia mushinga mukole, bia mpawungi, kabidi ne bilamba. Kubipeshaye Rebeka. Kufilaye bintu bia mushinga mukole kudi Labane, ne kudi mamuende wa Rebeka.

Yirmeya 32:9

Nanku, meme Yirmeya kusumba budimi bua Anameyele buvua ku Anatote, kufuta nkanu dikumi ne muanda mutekete ya tshiamu tshitoke tshia mushinga mukole.

Yobe 28:1

Bantu mbamanye muaba udibu bumbula tshiamu tshitoke tshia mushinga mukole, miaba idibu basukula tshiamu tshia mpawungi.