Genese 22:8 - MUKANDA WA MYIDI MUKULU

⁸ Abrahame kuandamuna muanende ne: — Muananyi, Mvidi Mukulu nkayende neatupe muana wa mukoku. Bonsu babidi kutungunuka ne luendu.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Abalahama wakamba ne, Muanʼanyi, Nzambi nkayandi neatuhe muana wa mukoko wa kuosha ha kalua, nunku bubidi buabo bakaya hohamue.

Genese 22:8 Referans Kwoze

Yowanane 1:36

Umona Yezu upita, kuambaye ne: — Tangilayi Muana wa mukoku wa Mvidi Mukulu!

Yowanane 1:29

Butshia, Yowanane kumona Yezu ufika kudiye. Kuambilaye bantu ne: — Tangilayi Muana wa mukoku wa Mvidi Mukulu udi umbusha bubi bua bantu.

Didimanyisha 5:12

Bavua bimba ne diyi dikole ne: “Muana wa mukoku uvuabu bashipe, udi muakanyine kupeta bumfumu, bubanji, meji ne bukole, kanemu, lumu ne butumbi!”

Genese 18:14

Kakuena tshidi mua kukolela Maweja-Nangila to. Tshidimu tshiavua, ngondu wa momumue, nempingane apa. Diba adi mukajebe Sara neikale mumane kulela muana wa balume.

Didimanyisha 13:8

Bantu bonsu ba pa buloba nebamukukuile. Ke bonsu bavuabu kabayi bafunde mena abu, mu mukanda wa muoyi katshia bafuka buloba; ke mukanda udi Muana wa mukoku udibu bashipe nawu.

Matayi 19:26

Yezu ubatangila, kubambilaye ne: — Ebi bidi bikolela bantu. Kadi bionsu bidi biteketela Mvidi Mukulu.

Didimanyisha 7:14

Meme kumuandamuna ne: — Mfumu wanyi, tshiena mumanye. Amu wewe ke udi mua kumanya. Ke kungambilaye ne: — mBantu bavuabu bakengeshe bikole, kadi kabayi bateketa. Bavua basukule mintumpu yabu, bayitokeshe mu mashi a Muana wa mukoku.

Didimanyisha 5:6

Ke meme kumona Muana wa mukoku muimane munkatshi kumpala kua nkuasa wa butumbi, bamunyungulukila kudi Bia muoyi binayi ne kudi bakulu. Uvua mumueka bu mushipa. Uvua ne nsengu muanda mutekete, kabidi ne mesu muanda mutekete. Ke mieyelu muanda mutekete ya Mvidi Mukulu ivuabu batume pa buloba bujima.

2 Kulondolola 25:9

Amashiya kukonka muambi ne: — Makuta amvua mupe bena mvita aa neaye penyi? Muambi kuandamuna ne: — Maweja-Nangila udi ne bukole bua kukupesha makuta makuabu mapite bungi.

Genese 22:7

Izake kukonka Abrahame ne: — Tatu! Awu ne: — Muananyi. Izake ne: — Tudi ne nkunyi ne kapia, kadi muana wa mukoku wa kulambula udi penyi?

Genese 22:9

Bafika muaba uvua Mvidi Mukulu mumuambile, Abrahame kuenza tshilambuilu, kutekapu nkunyi. Pashishe kusuikaye muanende Izake, kumuteka pa tshilambuilu pamutu pa nkunyi.

Genese 22:14

Nanku Abrahame kuinyika muaba awu ne: “Mukuna wa Maweja-Nangila udi utupesha!” Mukuna awu batshidi baubikila too ne mpindiewu ne: “Pa mukuna ewu Maweja-Nangila neatupeshe.”

2 Bakalenga 2:6

Eliya kuambila kabidi Elisha ne: — Ushale muaba ewu. Maweja-Nangila mmuntume ku muelelu wa Yardene. Kadi Elisha kumuandamuna ne: — Bu mudi Maweja-Nangila ne muoyi, ne bu muudi wewe ne muoyi, ndi nditshipa ne: tshiena nkushiya to! Nanku, kuyabu bonsu babidi!