Genese 21:33 - MUKANDA WA MYIDI MUKULU

³³ Abrahame kuya mu Bersheba, kukunamu mutshi wa kampanga-nzevu. Ke muvuaye utendelela Mvidi Mukulu wa kashidi, utela dina dia Maweja-Nangila.

Mukanda wa Nzambi Dihungila Dikulukulu ne Dihungila Dihia-dihia 2003

³³ Abalahama wakakuna mutshi ku Be-sheba, wakabikilaku dina dia Yehowa, Nzambi wa Kashidi.

Genese 21:33 Referans Kwoze

1 Timote 1:17

Lumu ne butumbi bikale kashidi tshiendelele kudi Mukalenga wa kashidi, udi kayi ufua, kayi umueneka, udi Mvidi Mukulu umue epele! Amene.

Yeshaya 40:28

Kuena mumanye anyi? Kuena mumvue bamba ne: Maweja-Nangila udi Mvidi Mukulu wa tshiendelele. Uvua mufuke buloba bujima. Katshia kena uteketa, kena upungila. Meji ende kabena mua kuajingulula.

Misambu 90:2

Diambedi mikuna kayiyi mianji kuikalaku, diambedi buloba mene kabuyi buanji kufuka, ku kale kuonsu aku, wewe ke udi Mvidi Mukulu, newikale Mvidi Mukulu matuku onsu.

Yirmeya 10:10

Kadi, Maweja-Nangila udi Mvidi Mukulu mulelela. Udi Mvidi Mukulu wa muoyi ne mukalenga wa kashidi. Padiye ne tshiji, buloba budi buzakala. Padiye mufike munda, bisamba bia bantu kabiena mua kumutuila nkanana.

Rome 16:26

Kadi mpindiewu bavua baaleje patoke. Mikanda ya bambi idi ijadika nanku. Mvidi Mukulu mmufume diyi bua bamanyishe bisamba bionsu meji masokome aa, bua bitabe Lumu lua Disanka, bitamikile Mvidi Mukulu.

Genese 12:8

Abrame umbuka aku, kuyaye ku mikuna ivua ku dia balume dia tshimenga tshia Betele. Kuasaye mitanda yende pankatshi pa Betele ne Ayi. Betele uvua ku luseke ludi diba dibuelela, Ayi ku luseke ludi diba dipatukila. Muaba awu kuenzaye tshilambuilu tshikuabu, utendelela Mvidi Mukulu, utela dina dia Maweja-Nangila.

Genese 4:26

Shete kulela muana wa balume, kumuinyika dina dia Enoshe. Tshikondu atshi ke tshivua bantu batuadija kutendelela Mvidi Mukulu, batela dina dia Maweja-Nangila.

Dielulula 33:27

Matuku onsu Maweja-Nangila udi unulama, udi ne bukole bunene pa buloba bujima, uvua nabu kale, udi nabu lelu. Udi unuipatshila baluishi benu, nuenu batangile, unuamba bua kubabutula.

Rome 1:20

Bualu katshia Mvidi Mukulu ufuka buloba, bilenga biende bidi kabiyi bimueneka ku mesu, — nkuamba ne: bukole buende bua tshiendelele, ne bu-Mvidi Mukulu buende, — bidi bimueneka mu midimu ivuaye muenze. Ke muaba udi bantu mua kubimanya. Nanku badi bapila ku mesu kuende.

Amosa 8:14

Bonsu badi baditshipa, mu dina dia mvidie ya dishima, ya bena Samariya, bamba ne: “Mu dina dia mvidie Dane udi ne muoyi…” nansha ne: “Mu dina dia njila udi utufikisha ku Bersheba…”, bonsu abu nebadishinde panshi, kabayi mua kujuka kabidi to.

Yeshaya 57:15

Udi ku mutu kua bintu bionsu, udi usomba mu nzubu wa kashidi, udibu binyika ne: Wa Tshijila, ke yeye udi wamba ne: “Meme Mvidi Mukulu wa tshijila, ndi nsomba mulu. Kadi ndi ngenda kabidi ne bantu badi mu makenga, badi ne muoyi wa bupuekele. Nanku nempingajile muena bupuekele muoyi, nempingajile mukengi disanka.

Balombodi 3:7

Bena Izrayele kuenza malu mabi avua Mvidi Mukulu wabu mubenge. Kupuabu Maweja-Nangila muoyi. Kutendelelabu mvidie Baale ne Ashera.

Dielulula 16:21

Kanuena mua kuasa dikunji, nansha kukuna mutshi, bua kutendelela mvidie mikuabu, pabuipi ne tshilambuilu, tshinudi benzela Maweja-Nangila Mvidi Mukulu wenu to.

Genese 26:33

Izake kuinyika tshiina atshi dina ne: “Mutshipu.” Ke padibu babikila tshimenga atshi too ne ku lelu ne: Bersheba. Mmumue ne: tshina tshidi muaba utudi baditshipila.

Genese 26:25

Izake kuenza tshilambuilu, kutendelela Mvidi Mukulu, utela dina dia Maweja-Nangila. Kuibakaye ntenta yende. Bena mudimu bende kumbula tshiina tshia mayi tshikuabu.

Genese 26:23

Izake kumuka kabidi muaba awu, kuya ku Bersheba.

Ebrewu 13:8

Yezu Kristu udi momumue makelela, lelu ne tshiendelele.

Genese 21:32

Bobu bamane kutua ndondu nanku, Abimeleke ne Pikole, mulombodi wa bena mvita bende, kupingana mu ditunga dia bena Peleshete.

Ekesode 15:18

Maweja-Nangila, udi mfumu wa kashidi ne kashidi tshiendelele!

Dielulula 32:40

Meme Maweja-Nangila ndi nditshipa, ngela tshianza mulu, ngamba ne: ‘Ndi ne muoyi kashidi ne kashidi.

Misambu 93:2

Maweja-Nangila, nkuasa webe wa bumfumu mmujadika katshia ku kale, wewe udi Mvidi Mukulu matuku onsu.

Abakuke 1:12

Wewe udi Maweja-Nangila wa kale ne kale. Udi Mvidi Mukulu wanyi wa tshijila, wa kashidi ne kashidi. Maweja-Nangila, muena bukole utudi tutekemena, Wewe kusungula bena Babilone, kukolesha baluishi betu, bua bamfuishe, batunyoke.