Genese 21:16 - MUKANDA WA MYIDI MUKULU

¹⁶ Kuyaye kusomba pa nkayende mutantshi muipi udibu mua kuela muketa ufika. Uvua wamba ne: “Tshiena musue kumona mudi muananyi ufua to”. Agare kusomba ku mpenga, udila muadi.

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Yeye wakaya ha bule buludiludi buakadi muana bu mudi muntu wamba kuela mikete, bualu bua wakamba ne, Tshitangidi lufu lua muana Yeye wakashikama buludiludi buakadi muana, wakaula muadi, wakadila.

Genese 21:16 Referans Kwoze

Yeshaya 49:15

Kadi Maweja-Nangila udi wandamuna ne: Mukaji udi mua kupua muana udiye wamusha mabele muoyi anyi? Udi mua kubenga kunanga muana uvuaye muambule mu difu diende anyi? Bushuwa, misangu mikuabu udi mua kumupua muoyi, kadi meme tshiena nkupua muoyi to.

Estere 8:6

Mundi mua kumona bashipa bana betu, tshiyi ngenza bualu mbishi? Mundi mua kutangila ne mesu babutula bantu ba tshisamba tshietu mbishi?

1 Bakalenga 3:26

Kadi mamu muena muana uvua ne muoyi, bu muvuaye munange muanende bikole, kuambaye ne: — Mukalenga wanyi, ndi nkusengelela, kushipi muana. Mupesha nansha mukaji ewu! Kadi mukaji mukuabu kuamba ne: — To! Nukose muana bitupa bibidi, bua tumubule bonsu babidi.

Luke 15:20

Ke yeye kujuka bua kupingana kudi tatuende. Yeye mutshikale kule ne nzubu wabu, tatuende kumumona. Kumumvuilaye luse bikole. Kuyaye lubilu bua kusambakena nende. Kumupukilaye ne disanka, umutua mishiku.

Zekâya 12:10

Nempeshe ndelanganyi ya Davide, ne bena mu Yerushalayime, muoyi wa luse. Nebantendelele. Nebatangile kundi, bavuluka muntu uvuabu basompole. Nebamudile, bu mudibu badila muana wa balume umue mumane kufua. Nebase miadi mikole, bu mudibu basa miadi padi muanabute mufue.

1 Samuele 30:4

Davide ne bena mvita bende kudila bikole too, kupungila.

1 Samuele 24:16

Nanku, Maweja-Nangila neatulumbuluishe nebe. Yeye antangile, angakuile. Neakose tshilumbu tshianyi. Neansungidile mu bianza biebe.

Rute 1:9

Anuambuluishe, banusele tshiakabidi bua nupete muaba muimpe wa kusomba. Ke Nowemi kulayangana nabu. Kadi bobu kudila miadi,

Balombodi 2:4

Mutumibue wa Maweja-Nangila mumane kuambila bena Izrayele malu aa, bena Izrayele kutuadija kudila bonsu.

Genese 44:34

Meme tshiyi ne muana ewu, tshiena mua kupingana kudi tatu to. Tshiena mua kukengesha tatu bikole nanku to.

Genese 29:11

Pashishe Yakobe kupukila Rakele ne disanka, udila muadi, umuambila ne:

Genese 27:38

Esawu ukonka amu kukonka tatuende ne: — Udi mua kuela amu muntu umue lupemba anyi? Tatu wanyi, ungele ne meme panyi! Esawu uvua udila amu kudila.

Genese 21:15

Kadi mayi avuabu nawu mu kabulubulu kujika. Agare kushiya muana muinshi mua mutshi.

1 Bakalenga 17:12

Mukaji kuandamuna ne: — Bu mudi Maweja-Nangila Mvidi Mukulu webe ne muoyi, ndi nkujadikila ne: tshiena ne diampa to. Ndi mushale anu ne dianza dia bukula mu mulondu, ne mafuta makese mu kasu. Ndi mufike muaba ewu bua kuangula tukunyi, bua kuya kulamba biakudia bidi bishala abi, bua meme kudia ne muananyi wa balume. Patuadia biakudia abi netufue, bualu katuena ne bikuabu to.

Yirmeya 6:26

Bantu banyi bena Izrayele, nuvuale bilamba bia madilu. Nubunguluke mu butu. Nuase miadi, mudibu badila muana mulele umue. Nudile miadi bikole, bualu mushipi wa bantu, neafike kanuyi bamumone to.

Amosa 8:10

Nengandamune bibilu bienu bia masanka, bienza matuku a madilu a nuenu kudila. mMisambu inudi nuimba nutshionkomoka, neyandamuke yonsu misambu ya miadi ne mikemu. Nenuvuale bonsu bilamba bikayapale, nenukungule mitu yenu yonsu bu baledi badi mu madilu, badila nsongalume mulela anu umue. Dituku adi nedijike mu tshinyongopelu, mu kanyinganyinga kakole, kakuyi udi unusamba.