Genese 2:16 - MUKANDA WA MYIDI MUKULU

¹⁶ Maweja-Nangila Mvidi Mukulu kuelela muntu mukenji ne: “Udi mua kudia bimuma bia mitshi yonsu idi mu lupangu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Yehowa Nzambi wakamuelela mukenji ne, Udi mua kudia mamuma a mitshi yonso ya mu budimi, bu mûdi musue,

Genese 2:16 Referans Kwoze

1 Samuele 15:22

Samuwele kukonka Shawule ne: — Maweja-Nangila udi usanka bua milambu ya bungi idibu bamulambula, anyi udi usanka bua mikenji yende idibu batumikila? Milambu kayena imusankisha to. Bualu, kutumikila Maweja-Nangila, kuenza tshidiye muambe, nkupite milambu ya nyama, nansha yoyi ne mafuta a bungi.

1 Timote 4:4

Bionsu bidi Mvidi Mukulu mufuke, bidi bimpe. Kakuena tshintu tshibi nansha tshimue. Nanku udi mua kudia bionsu, wela Mvidi Mukulu tuasakidila.

1 Timote 6:17

Ambila bena biuma bia panu, bua kabaditambishi, kabatekemenyi biuma ebi bia lupitapita. Kadi batekemene kudi Mvidi Mukulu udi utupetesha bionsu bitudi tukengela bua tuetu kusanka nabi.

Genese 2:9

Maweja-Nangila Mvidi Mukulu kumenesha mitshi ya mishindu yonsu pa buloba, mitshi milenga kumona ne mesu, mimpe kudia mukana. Munkatshi mua lupangu muvua mutshi wa muoyi ne mutshi wa kujingulula malu mimpe ne mabi.

Genese 2:15

Maweja-Nangila Mvidi Mukulu kuteka muntu mu lupangu lua Edene bua kudimamu ne kulama bintu bionsu bivuamu.

Genese 3:3

Kadi bua bimuma bia mutshi udi munkatshi mua lupangu, Mvidi Mukulu mmutukandike ne: kanudi, kanulengi bua kanuvu kufua.

Genese 1:29

Mvidi Mukulu kubambila ne: “Mbanupeshi midioku yonsu ya pa buloba idi ne ntete, ne mitshi yonsu idi ikuama bimuma, bikale biakudia bienu.