Genese 19:8 - MUKANDA WA MYIDI MUKULU

⁸ Angatayi nansha nsongakaji yanyi ibidi eyi. Kayena mianji kumanyangana ne balume to. Nenyipatule pambelu, nuenze nayi bu munudi basue. Kadi bantu balume aba mbenyi banyi, bandi ne bua kulama bimpe. Kanubenzedi bibi to.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Tangilai, ndi ne bana bakashi babidi badi kabayi banze kumanya balume, binuitabusha, nendue nʼabo kunudi, nubenzele bu munudi basue, kadi kanuenji balume aba bualu, bualu bua bobo bakulua mu diledi dia nsubu wanyi.

Genese 19:8 Referans Kwoze

Balombodi 19:24

Telejayi, ndi ne muananyi, nsongakaji udi kayi muanji kumanya balume. Kabidi muena Levi ewu, udi ne mukajende mukuabu. Ndi musue kunupa bakaji abu, nuenze nabu munudi basue. Kadi kanuenzedi muena Levi ewu bualu bubi to.

Rome 3:8

Nanku diba adi katuena mua kuamba ne: “Tuenze malu mabi, bua bubi butupeteshe malu mimpe” anyi? Bualu bamue bantu bua kunjana, badi bansonguela, bamba ne: Polu udi ulongesha malu a nanku. Bantu aba Mvidi Mukulu neabanyoke dinyoka dibakumbanyina!

Marke 9:6

Kavua ne tshivuaye wamba mene to, bualu balongi bakuabu ne yeye bavua ne bowa buvule.

Yeshaya 58:7

kuabanyangana tshiakudia tshienu ne muntu udi ne nzala. Nubueje bapele, ne badi kabayi ne pa kulala mu nzubu muenu. Nuvuadike bantu badi kabayi bilamba. Kanubengi kuenzela muanenu bimpe.

Balombodi 9:15

Mutshi wa meba kuandamuna ne: ‘Panuikala basue kunsungula bu mukalenga wenu bulelela, imanayi muinshi mua dileji dianyi emu! Nuenu kanuyi benze nanku, kapia nekalakuke ku meba anyi. Nekoshe too ne mitshi ya sedre ya mu Lebanone!’ ”

Ekesode 32:22

Arone kuandamuna ne: — Mfumuanyi kumfikidi munda, bualu wewe nkayebe udi mumanye buenzayi bua bantu aba.

Genese 42:37

Rubene kuambila tatuende ne: — Mpesha Binyamine. Pangikala tshiyi mupingane nende, neushipe bana banyi ba balume babidi.

Genese 18:5

Nennutuadile kantu ka nuenu kudia. Nudie nupete bukole, numone mua kutungunuka ne luendu luenu. Bualu nudi bafike ku mbelu kua muntu wenu. Kuitababu ne: — Mbimpe, enza muwambi amu.

Genese 19:7

kubambila ne: — Bana betu, ndi nnusengelela ne: kanuenzedi bantu aba bibi nanku to.

Balombodi 19:23

Mukulumpe awu kupatuka, kuambila bena buenzayi abu ne: — Bana betu, ndi nnusengelela, kanuenji bualu bubi bua mushindu ewu to. Kanuenji bualu ebu to. Bualu muntu ewu mmuenyi wanyi.

Nsumuinu 9:7

Paudi ubela muena ditambisha, udi ukupetula; paudi ukanyina muntu mubi, udi ukupenda.