Genese 19:5 - MUKANDA WA MYIDI MUKULU

⁵ Bavua bela mbila bamukonka ne: — Bantu balume bavua bafika kuebe dilolu edi badi penyi? Bapatula bualu tudi basue bikale bakaji betu.

Mukanda wa Nzambi Dihungila Dikulukulu ne Dihungila Dihia-dihia 2003

⁵ ba kabikila Lota, bakamukonka ne Balume aba bakulua kudi butuku ebu badi hanyi? Uluhuke nʼabo, bua tuetu tubamanye.

Genese 19:5 Referans Kwoze

Balombodi 19:22

Kadi pavua benyi abu badia, basanka mu nzubu, bena buenzayi ba mu Ngibeya kunyungulula nzubu awu, kukokola ku tshiibi. Kuambilabu mukulumpe muena nzubu ne: — Patula muntu mulume uudi muakidile kuebe eku. Tudi basue ikale mukajetu.

Yuda 1:7

Nuvuluke kabidi bimenga bia Sodome ne Ngomore, ne bikuabu bivua nabi mutumba. Bena bimenga abi bavua benza malu mabi, anu bu batumibue aba, bakeba kuenda buendenda ne bantu ba mushindu mukuabo. Badi babanyoka mpindiewu mu kapia ka kashidi, bua tshilejilu tshiabu tshidimuje bantu bonsu.

Yeshaya 3:9

Bu mudibu bakosa nsambu ne kansungansunga, nebabafunde ku tshilumbu. Bu muvua bantu ba mu tshimenga tshia Sodome benza, ke mudi bena Yuda benza buenzavi, munda munya, kabayi babusokoka. Eyowa, mbena diakabi, bualu badi badilongoluela kabutu kabu!

Lewitiki 18:22

“Kuena ne bua kubuelela mulume nebe mu nzubu, bu mudibu babuelela mukaji to. Nngenzelu mubi udibu bakandika kashidi.

1 Timote 1:10

bena buendenda, bakulumpe badi banyanga bana, bantu badi basumbishangana bapika, bena dishima, bantu badi baditshipa mitshipu ya dishima, ne bonsu badi benza malu adi abengangana ne dilongesha dilelela.

1 Korente 6:9

Nudi bamanye bimpe ne: bantu badi benza malu mabi, kabena mua kupeta muaba mu Bukalenga bua Mvidi Mukulu. Kanudishimi! Badi benza malu a bundu, batendeledi ba mvidie, banyangi ba mbanza ya bende, badi banaya ne bana manaya a bundu,

Yezekiyele 16:51

Kadi bubi buvua Samariya muenze mbukese. Kabuena nansha tshia bibidi tshia buuvua wewe muenze. Malu mabi auvua muenze mmapite abu bobu. Padibu babafuanyikija nebe, bobu bana benu bena Samariya ne Sodome, mbamueneke bu badi kabayi ne bualu.

2 Timote 3:13

Kadi bantu babi ne bena dishima nebatungunuke amu kutungunuka ne dienza bibi. Nebashimangane. Bantu bakuabu nebabashime.

Yezekiyele 16:49

Teleja, bilema bivuabu benze bobu mbiebi: bavua baditambisha, badia buukuta, kabayi ne lutatu. Kadi kabavua bambuluishe bapele ne bena dikenga.

Yirmeya 6:15

Bantu aba kabena banyingalala to. Kabena ne bundu nansha bukese bua buenzavi buabu, kabena nansha bamanye kutonda bubi buabu. Nebabutuke pamue ne bantu bakuabu bonsu. Nebajimine musangu umue ne bonsu bandi nnyoka.

Yirmeya 3:3

Nanku meme Maweja-Nangila, ndi mubenge bua mvula kaloki nansha ku ntuadijilu nansha ku ndekelu kua tshidimu. Kadi, wewe ne tshitunu udi wenda amu tshiendenda, kuyi utonda bubi buebe.

Yeshaya 1:9

Kadi bu Maweja-Nangila muena bukole buonsu, kayi mupandishe kasumbu kakese ka bantu, tuvua mua kubutuka bu tshimenga tshia Sodome, tuvua mua kujimina bu tshimenga tshia Ngomore.

Lewitiki 20:13

“Padi muntu mulume ulala ne mulume nende, bu mudibu balala ne mukaji, bonsu babidi mbenze bualu bupite bubi, budi kabuyi busankisha Mvidi Mukulu. Babashipe bonsu babidi. Bualu bobu nkayabu mbadikebele lufu.

2 Petro 2:2

Bantu ba bungi nebabalonde mu njila wa malu mabi. Bualu bua bidi balongeshi ba dishima aba benza, bantu nebajane njila wa bulelela.

2 Petro 2:7

Uvua musungidile Lote, muntu wa malu mimpe, uvua unyingalala bua malu mabi avua bantu bena buenzavi ba tshikondu tshiende benze.

Genese 19:6

Lote kupatuka mu nzubu, kuinjila tshiibi,

Dielulula 23:17

Adisunguile muaba udiye musue munkatshi muenu. Asombe mu tshimenga tshidiye ujinga. Kanumutatshishi to.

1 Bakalenga 14:24

Kabidi, balume ne bakaji ba mu ditunga adi dia bena Yuda bavua benda tshiendenda mu nzubu ya mvidie yabu. Mu tshikosu, bena Yuda bavua benza malu mabi onsu, avuabu benza kudi bena bisamba bivua Maweja-Nangila muipate, bua bashile bena Izrayele muaba.

1 Bakalenga 22:46

Malu makuabu a Yosafate, mbaafunde mu mukanda udibu babikila ne: Malu adi bakalenga ba bena Yuda benza. Mbafundemu kabidi bukitu buvua nabu Yosafate, mvita yonsu ivuaye muluangane,

Yezekiyele 16:50

Bavua ne kapeja, benza malu mabi andi tshiyi mua kuitaba. Nanku meme kubabutula pa buloba, bu muudi mumanye amu.