Genese 19:37 - MUKANDA WA MYIDI MUKULU

³⁷ Muanabute kulela muana wa balume, kumuinyika dina ne: Mowabe. Yeye ke nkambua wa bena Mowabe batudi nabu lelu.

Mukanda wa Nzambi Dihungila Dikulukulu ne Dihungila Dihia-dihia 2003

³⁷ Muanʼa bute wakalela muana mulume, wakamulelela dina ne, Moaba, yeye wakadi nkambua wa Bena Moaba to ne lelu.

Genese 19:37 Referans Kwoze

Dielulula 2:9

Maweja-Nangila kunkandika ne: “Kanubundi bena Mowabe, kanuluanganyi nabu to. Tshiakunupesha kantu nansha kamue ka mu ditunga edi to. Bualu ditunga edi dia Are, ndi mumane kudipesha ndelanganyi ya Lote.”

Rute 4:10

Ndi mpiana kabidi Rute, muena Mowabe, uvua mukaji wa Malone, udi ushala mukajanyi. Nanku bintu nebishale mu dina dia mufue. Nanku dina diende kadiakujimina. Nebashale baditela mu bisombelu ne mu diabu ditunga.

Dielulula 23:3

Muana yonsu mulela kudi mukaji udibu kabayi mua kulela nende, kena mua kubuela muaba udi bantu ba Maweja-Nangila basangile, too ne ku ndelanganyi yende ya musangu wa dikumi.

Dielulula 2:19

Nenufike pabuipi ne ditunga dia bena Amone. Kadi kanubedi diyi, kanubabundi to, bualu bobu kabidi nndelanganyi ya Lote. Tshiakunupesha kantu nansha kamue ka mu ditunga diabu. Ndi mumane kubapesha ditunga edi.”

Dibadika 21:29

Nuenu bena Mowabe, diakabi kaayi! Nudi nutendelela Kemoshe! Nuabutuki! Balume bavua bapanduke, kabidi ne bakaji, bonsu mbabakuate, mbabafile kudi Sihone, mukalenga wa bena Amore.

Genese 19:36

Bana ba bakaji babidi ba Lote kuimita mafu a kudi tatuabu.

1 Samuele 14:47

Anu Shawule upeta bukalenga mu bena Izrayele, kuluishaye baluishi bende bavua ku nseke yonsu: bena Mowabe, bena Amone, bena Edome, bena mu bukalenge bua Soba, ne bena Peleshete. Miaba yonsu ayi, Shawule uvua anu utshimuna.

Misambu 83:9

Too ne bena Ashure mbadisangishe nabu, bua kuambuluisha ndelanganyi ya Lote.

Sefanya 2:8

Maweja-Nangila udi wamba ne: “Mvua mumvue bena Mowabe ne bena Amone, baseka bantu banyi, babapetula. Bayua babapenda, bamba ne: netununyenge buloba buenu, bua kudiundisha buetu.