Genese 19:24 - MUKANDA WA MYIDI MUKULU

²⁴ Diba adi Maweja-Nangila kulokesha mu Sodome ne Ngomore mvula wa kapia kakole ka mfundanga, kela ndimi.

Mukanda wa Nzambi Dihungila Dikulukulu ne Dihungila Dihia-dihia 2003

²⁴ Hashishe, Yehowa wakamatshisha mu Sodoma ne Amola soufre ne kalua bia mu diulu kudi Yehowa.

Genese 19:24 Referans Kwoze

Dielulula 29:23

Nanku, bantu ba bisamba bikuabu bionsu, pamonabu bualu ebu, nebakeme, bebejangana ne: “Maweja-Nangila uvua ne tshiji tshikole nanku bua tshinyi? Uvua mukengeshe bena ditunga edi mushindu ewu bualu kaayi?”

Yeshaya 13:19

Bukalenga bua mu Babilone, budi bupite makuabu onsu ku buimpe. Bena Babilone badi babusankidila bikole. Kadi Mvidi Mukulu neabubutule, muvuaye mubutule kale Sodome ne Ngomore.

Yuda 1:7

Nuvuluke kabidi bimenga bia Sodome ne Ngomore, ne bikuabu bivua nabi mutumba. Bena bimenga abi bavua benza malu mabi, anu bu batumibue aba, bakeba kuenda buendenda ne bantu ba mushindu mukuabo. Badi babanyoka mpindiewu mu kapia ka kashidi, bua tshilejilu tshiabu tshidimuje bantu bonsu.

2 Petro 2:6

Mvidi Mukulu uvua mufundile tshimenga tshia Sodome ne tshia Ngomore tshibawu. Uvua mubinyoke, mubibutule ne kapia. Ke mudiye uleja bantu babi bidi ne bua kubenzekela.

Amosa 4:11

Meme mvua munyangakaje misoku mijima, mumvua muenze kale mu Sodome ne Ngomore. Nuenu kupatukamu amu bakese, bu tshishelele tshia lukunyi, tshidibu bapatule lukasa muiku. Kadi kanuena bapingane kundi. Meme Maweja-Nangila ndi ngamba nanku.

Yirmeya 50:40

Maweja-Nangila udi wamba ne: Nenyangakaje ditunga dia Babilone, mumvua munyange Sodome, Ngomore ne bimenga bivua nabi mutumba. Muntu kakuasa, kakusombamu kabidi to.

Sefanya 2:9

Meme Maweja-Nangila wa bukole buonsu, Mvidi Mukulu wa bena Izrayele, ndi nditshipa ne: bu mundi ne muoyi, ndi njadika bulelela ne: nebabutule ditunga dia bena Mowabe ne dia bena Amone, bu muvuabu babutule tshimenga tshia Sodome ne tshia Ngomore. Buloba buabu nebushale tshipela tshiendelele. Nemuikale amu meba ne bina bia luepu. Bantu banyi badi bashale ne muoyi, nebafike bua kubapawula, ne bua kukuata ditunga diabu.”

Muadi 4:6

Bubi bua tshisamba tshianyi mbupite bua bena tshimenga tshia Sodome, tshivuabu babutule diakamue, kakuyi bantu basumpakane bua kutshisungidila.

Yirmeya 20:16

Muntu ewu ikale bu bimenga bivua Mvidi Mukulu munyange kayi ne luse. Dinda muntu ewu umvue anu miadi! Munda munya umvue anu mitoyi ya mvita!

Yobe 18:15

Nzubu wende neashale munda mutupu, bantu bakuabu badi mua kusombamu. Kadi nebanji kuela buanga mu lupangu luende!

Osheya 11:8

Nuenu bena Efrayime, tshiena mua kunutekela to. Nuenu bena Izrayele, tshiena mua kunuelela meji mabi to. Tshiena mua kunubutula, mumvua mubutule bimenga bia Adma ne Seboyime to. Bualu meme muenze nanku, ndi mua kumvua bibi; nengikale ne kanyinganyinga kakole.

Yirmeya 49:18

Maweja-Nangila udi wamba ne: Kabutu kabu nebafuanangane ne ka tshimenga tshia Sodome, tshia Ngomore, ne tshia bimenga bidibu nabi mutumba. Muntu nansha umue kakusomba kabidi mu Edome.”

Yeshaya 1:9

Kadi bu Maweja-Nangila muena bukole buonsu, kayi mupandishe kasumbu kakese ka bantu, tuvua mua kubutuka bu tshimenga tshia Sodome, tuvua mua kujimina bu tshimenga tshia Ngomore.

Misambu 11:6

Bena tshikisu neabalokeshile makala a kapia ne bikanganya. Neabanyoke ne lupepele lua mvunde.

Luke 10:12

Ndi nnujadikila ne: dituku didi Mvidi Mukulu ukosa nsambu, kakunyoka bena Sodome, mudiye ne bua kunyoka bena tshimenga atshi nansha.

Didimanyisha 14:10

Mvidi Mukulu neamunuishe maluvu a tshiji tshiende, avuaye muele mu dikopu dia tshiji tshiende, kayi musakidile mayi! Bonsu badi bakukuila nyama, nebabakengeshe mu kapia ne mu mvuanda, batumibue ba tshijila ne Muana wa mukoku bamone.

Genese 13:10

Lote ukenzakana, kumona muvua mpata ya Yardene mimpe mitambe, bualu ivua ne mayi. Maweja-Nangila kavua muanji kubutula Sodome ne Ngomore to. Nanku mpata ayi too ne ku Soware ivua bu lupangu lua Paradizu, mifuanangane ne tshibanda tshia Nile.

Genese 13:12

Abrame kushala mu ditunga dia Kenaane. Lote kuya kuasa mitanda yende mu bimenga bia mu mpata wa Yardene, wendakana ne bimuna biende too ne ku Sodome.

Genese 18:17

Maweja-Nangila kuamba mundamunda muende ne: — Tshiena mua kusokoka Abrahame bualu bundi nya kuenza to,

Genese 19:23

Butshia, Lote kufika mu Soware.

Ekesode 9:23

Moshe kuela dikombu mulu. Maweja-Nangila kulokesha mvula mukole wa makubakuba ne wa mabue.

Yobe 1:16

Muntu awu utshivua wakula, muena mudimu mukuabu kufika kabidi bua kumanyisha ne: “Nkuba mmushipe mikoku ne bena mudimu bebe, mmubioshe bionsu. Amu meme nkayanyi ke udi munyeme bua kukumanyisha bualu ebu.”

Yeshaya 30:33

Mbamane kulongolola tshioshelu kale. Mbalongolole muaba udibu ne bua kuoshela mukalenga wa bena Ashure. Tshioshelu etshi tshidi tshinene, kabidi tshile. Bavua belamu nkunyi ya bungi. Nanku, Mueyelu wa Maweja-Nangila udi utemeshamu kapia. Nkunyi eyi idi bu kapia ka mu tshingoma kadi katema.

Dielulula 28:24

Maweja-Nangila kakunulokeshila mvula mu madimi enu to. Kadi neanutumine anu butu ne lupuishi, too ne panuabutuka bonsu.

Dielulula 29:22

“Ditunga dijima edi ndimane kunyanguka ku kapia, kabidi ne luepu. Kakuena mushindu wa kumiaminamu nansha wa kukunamu biakudia. Nansha bisosa mene kabiena bitolokamu. Bualu ditunga edi ndifuanangane ne bimenga bia Sodome ne Ngomore, Adma ne Seboyime, bivua Maweja-Nangila mubutule pawaye ne tshiji tshikole.”

Yirmeya 23:14

Kadi bindi mumone kudi bambi ba mu Yerushalayime, bidi bibi bipite. Badi benza malu a tshiendenda, badi bashimangana. Badi bakolesha bena buenzavi ku muoyi, badi bakandika muntu yonsu bua kadilengeji. Badi amu bu bena Sodome. Bena Yerushalayime badi amu bu bena Ngomore.”