Genese 18:5 - MUKANDA WA MYIDI MUKULU

⁵ Nennutuadile kantu ka nuenu kudia. Nudie nupete bukole, numone mua kutungunuka ne luendu luenu. Bualu nudi bafike ku mbelu kua muntu wenu. Kuitababu ne: — Mbimpe, enza muwambi amu.

Mukanda wa Nzambi Dihungila Dikulukulu ne Dihungila Dihia-dihia 2003

⁵ nendue ne bintu bia kudia bikese, nukoleshe mitshima yenu hashishe nudi mua kuhita, bualu bua nuenu nuakulua kudi muntu wenu Bakamuambila ne, Enza biebe bu muwakuamba.

Genese 18:5 Referans Kwoze

Balombodi 13:15

Manowa kuambila mutumibue ne: — Bu wewe musue, unsombeshe katupa. Netukulambile muana mbuji.

Misambu 104:15

ne maluvu a mvinyo bua kubasankisha, ne mafuta bua kukenkesha mpala yabu, ne diampa bua kubapesha bukole.

Balombodi 19:5

Dituku dinayi, kujukabu diba dimpe. Muena Levi mumane kudilongolola bua kupingana kuende, tatuende muenu kumuambila ne: — Wanji kudia, bua upete bukole, pashishe nenuye.

Balombodi 6:18

Kuena mua kumuka muaba ewu, amu meme mumane kupingana ne mulambu undi musue kukulambula. Maweja-Nangila kuandamuna ne: — Ndi amu muaba ewu, too ne pawapingana.

Genese 33:10

Yakobe kutendakena Esawu ne: — Bu wewe musue, umfuile luse. Angata mulambu undi mukutuadile ewu, bua kujadika muudi mumane kumfuila luse. Kabidi pandi nkutangila, ndi bu mumone Mvidi Mukulu wanyi bua luse lunene luudi mumfuile.

Genese 19:8

Angatayi nansha nsongakaji yanyi ibidi eyi. Kayena mianji kumanyangana ne balume to. Nenyipatule pambelu, nuenze nayi bu munudi basue. Kadi bantu balume aba mbenyi banyi, bandi ne bua kulama bimpe. Kanubenzedi bibi to.

Yeshaya 3:1

Mfumu munene, Maweja-Nangila muena bukole buonsu, neanyenge bena mu Yerushalayime, ne bena mu bukalenga bua Yuda, bionsu bidi mua kubambuluisha: biakudia ne biakunua bidibu nabi mu mayeba, ne bantu bonsu badi mua kubatua nyama ku mikolu.

Matayi 6:11

Utupe tshiakudia tshietu ku dituku ku dituku.

Genese 18:6

Abrahame kuya lukasa ku ntenta kuvua Sara, umuambila ne: — Kolesha, angata bukula buimpe, usope mikata isatu.

Balombodi 6:19

Ngideyone kuya, kulamba muana mbuji, ne mampa kaayi mela buanga, menza ne bukula kilo makumi asatu. Kutekaye munyinyi mu tshisaka, kuelaye nsupu mu luesu. Kuyaye nabi muinshi mua mutshi wa lusanga, kubipeshaye mutumibue wa Mvidi Mukulu.

Balombodi 13:16

Mutumibue kuandamuna ne: — Nansha meme musombe, tshiakudia biakudia binuampesha to. Kadi, pawikala musue, ulongolole mulambu wa kuosha, uulambule Maweja-Nangila. Manowa kavua muanji kumvua ne: mmutumibue menemene wa Maweja-Nangila to.

1 Bakalenga 17:11

Mukaji kuya bua kumuangatshila mayi. Kadi, muambi Eliya kumubikila kabidi, umuambila ne: — Untuadileku ne tshipese tshia diampa.