Genese 18:2 - MUKANDA WA MYIDI MUKULU

² Abrahame ukenzakana, kumona bantu balume basatu bimane pabuipi nende. Kujukaye lubilu bua kubakidila. Kuinyikaye mutu panshi.

Mukanda wa Nzambi Dihungila Dikulukulu ne Dihungila Dihia-dihia 2003

² Yeye wakabandisha mesu andi, wakatangila balume basatu bimane ku mpala kuandi, hakabatangileye, wakabika ku mbelu kuandi, wakaya lubilu bua kubakidila, wakabakukuila,

Genese 18:2 Referans Kwoze

Ebrewu 13:2

Nuvuluke ne: nudi ne bua kuakidila bimpe benyi badi bamvuila. Bualu bamue bavua benze nanku bavua bakidile batumibue ba Mvidi Mukulu kabayi bamanye.

Genese 18:22

Benyi babidi kutungunuka ne luendu kuya ku Sodome. Kadi Maweja-Nangila kushala muaba uvua Abrahame.

Genese 19:1

Batumibue babidi kufikamu Sodome dilolu. Kusanganabu Lote musombe ku tshibuelelu tshia tshimenga. Lote ubamona, kujukaye bua kubakidila. Kuinyikaye mutu panshi, wamba ne:

Balombodi 13:3

Dituku dikuabu, mutumibue wa Maweja-Nangila kumuenekela mukaji awu, umuambila ne: — Ndi mumanye ne: kuena mulele, udi nkumba. Kadi newimite difu, neulele muana wa balume.

Genese 23:7

Abrahame kujuka, kuinyika mutu panshi, wambila ndelanganyi ya Ete bavua base mu buloba abu,

Yoshua 5:13

Dituku dikuabu, Yoshuwa uvua pabuipi ne Yeriko. Diakamue kumonaye muntu muimane kumpala kuende. Muntu awu uvua ne muele mupatula mu tshibubu, mukuata ku tshianza. Yoshuwa kutantshila kudiye, umuebeja ne: — Udi ku luseke luetu anyi, udi ku lua baluishi betu?

Genese 44:14

Yuda ne bana babu kufika ku mbelu kua Yozefe, kumusangana amu, muaba awu. Kudielabu panshi kumpala kuende.

Genese 43:28

Kumuandamunabu ne: — Tatu, muntu webe, udi anu bimpe. Udi ne muoyi. Kudielabu panshi tshiakabidi.

Genese 43:26

Yozefe ufika ku nzubu kuende, kudielabu panshi kumpala kuende, kumulambula bintu biabu.

Genese 32:24

Kusabulaye ne bintu bionsu bivuaye nabi.

Genese 18:16

Bantu abu kujuka batangile ku Sodome. Abrahame kuya kubashindikija.

Rute 2:10

Rute kuinyika mutu panshi, ukema, umukonka ne: — Mmunyi muudi mungangate ne musangelu, bu muntu mumane kummanya kuonsu eku, panyi muikale muntu muenyi?

1 Petro 4:9

Nuakidilangane mu nzubu yenu, kanuyi nusodia.

Rome 12:13

Ambuluishayi bana benu ne bidibu bakengela. Akidilayi bimpe badi bafika ku nzubu yenu.

2 Bakalenga 2:15

Bantu ba mu tshisumbu tshia bambi bavua mu tshimenga tshia Yeriko bavua batangila pa bule, bamone bionsu bivua Elisha wenza. Kuambilanganabu ne: “Mueyelu wa muambi udi ulombola Elisha.” Kuyabu kusambakena ne Elisha. Kumutuilabu mpala panshi,

Genese 17:3

Abrame kudiela mutu panshi. Mvidi Mukulu kumuambila ne:

Genese 18:3

Abrahame kuambila umue wa kudibu ne: — Mukalenga wanyi, pangikala mukutokele ku muoyi, kupitshi kumbelu kuanyi to.

Genese 24:63

Dimue dituku dilolu uvua muye kuendakana mu mpata. Ukenzakana, kumonaye tumelu tuye kudiye.

Genese 23:12

Abrahame kuinama panshi kumpala kua bonsu bavua muaba awu,

Genese 42:6

Bafika mu Ejipitu, kudielabu mpala panshi kumpala kua Yozefe, bualu yeye ke uvua utangila ditunga adi dijima, usumbisha bantu benyi bonsu biakudia.

Genese 48:12

Yozefe kumbusha bana pambidi pa tatuende, kuinyikaye mutu panshi.