Genese 18:14 - MUKANDA WA MYIDI MUKULU

¹⁴ Kakuena tshidi mua kukolela Maweja-Nangila to. Tshidimu tshiavua, ngondu wa momumue, nempingane apa. Diba adi mukajebe Sara neikale mumane kulela muana wa balume.

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Tshintu tshidi mua kuhita Yehowa bukole, anyi? Ku dituku dinakasungula nempingane kûdi, hakumbana ngondo yandi, Sala nealele muana mulume.

Genese 18:14 Referans Kwoze

Luke 1:37

Bualu kakuena tshidi mua kukolela Mvidi Mukulu.

Matayi 19:26

Yezu ubatangila, kubambilaye ne: — Ebi bidi bikolela bantu. Kadi bionsu bidi biteketela Mvidi Mukulu.

Marke 10:27

Yezu kubatangila, kubambila ne: — Bantu kabena mua kubuenza nansha, kadi Mvidi Mukulu udi wenza. Bualu ku bionsu kakuena tshidi mua kukolela Mvidi Mukulu nansha.

Yirmeya 32:27

— Meme Maweja-Nangila Mvidi Mukulu wa bantu bonsu badi pa buloba, ndi mua kuenza bionsu bindi musue.

Efeze 3:20

Mvidi Mukulu udi ne bukole bua kuenza bipite ne bitudi tulomba, nansha ne bitudi tuelela meji. Bualu, bukole budiye ukuata nabu mudimu munda muetu mbupite.

Yobe 42:2

Ndi mumanye ne: kakuena tshidi mua kukukolela, udi mua kukumbaja tshionsu tshiudi musue.

Filipe 4:13

Bu mudi Kristu unkolesha, ndi mua kupitshila mu bionsu amu bimpe.

Yirmeya 32:17

— Eyi, Maweja-Nangila Mvidi Mukulu, uvua muleje bukole buebe ne meji ebe, pauvua mufuke diulu ne buloba. Wewe udi mua kuenza bionsu biudi musue.

Rome 4:21

Uvua mujadike menemene ne: Mvidi Mukulu udi ne bukole bua kukumbaja bivuaye mulaye.

Dibadika 11:23

Maweja-Nangila kuandamuna Moshe ne: — Meme ndi ne bukole bua kukumbaja bionsu abi. Wewe nkayebe neudimuene amu mpindiewu mundi mbikumbaja.

2 Bakalenga 4:16

Elisha kumuambila ne: — Tshidimu tshidi kumpala etshi, anu tshikondu etshi, neukongoloje muana wa balume mu maboku. Kadi, mukaji kuela diyi ne: — Kundingi to! Wewe udi muambi wa Mvidi Mukulu, lekela kungambila bualu bua dishima!

Dielulula 7:21

Kanutshinyi bisamba ebi to. Maweja-Nangila Mvidi Mukulu wenu udi nenu. Kakuena muntu udi mua kuambangana nende to.

Matayi 14:31

Diakamue Yezu kolola tshianza, kumukuata, wamba ne: — Akia! Ditaba diebe ndikese be! Udi upampakana bua tshinyi?

Zekâya 8:6

Pikala bena Izrayele badi bashale ne muoyi, bamona ne: ebi kabiena mua kuenzeka. Kadi meme Maweja-Nangila wa bukole buonsu, ndi mua kubikumbaja.

Mika 7:18

Kakuena mvidie nansha umue, udi mukufuane wewe Maweja-Nangila. Udi ufuila bantu bebe badi bashala ne muoyi luse, kuyi musue kuvuluka kashidi bilema biabu. Kuena ulama tshiji matuku onsu. Disanka diebe didi amu dia kutunanga, kutuenzela bimpe.

Misambu 95:3

Bualu Maweja-Nangila, udi Mvidi Mukulu munene. mMukalenga munene udi upita mvidie yonsu.

Dielulula 30:3

Maweja-Nangila Mvidi Mukulu wenu neandamune malu enu. Neamuenzele bimpe, neanumushe mu matunga onsu avuaye munutangalaje. Neanupingaje mu ditunga dienu.

Genese 18:10

Umue wa kudibu kulaya Abrahame ne: — Tshidimu tshialonda, ngondu wa momumue nempingane kuebe eku. Diba adi mukajebe Sara neikale mumane kulela muana wa balume. Sara uvua musombe mu mushiku wa mbelu wa ntenta, panyima pa bayende. Uvua muteleje bivuabu bamba abi.

Luke 1:13

Kadi mutumibue kumuambila ne: — Zekarya, kutshinyi nansha. Mvidi Mukulu mmuitabe ditendelela diebe. Mukajebe Elisabete neakulelele muana wa balume. Neumuinyike dina dia Yowanane.

Yobe 36:5

Nansha Mvidi Mukulu ne bukole bupite, kena upetula muntu to. Udi Mfumu muena diyi dimue.

Genese 17:21

Kadi nentue ndondu ne Izake, muana walelabu kudi mukajebe Sara tshidimu tshidi kumpala etshi.

Ebrewu 11:19

Abrahame uvua wela meji ne: Mvidi Mukulu udi ne bukole bua kubisha Izake ku lufu. Ke muvua Abrahame mupete tshiakabidi Izake bu muntu mubike ku bafue.

Luke 8:50

Kadi Yezu umvua nanku, kuambilaye Yayire ne: — Kuzakadi to. Ikala amu ne ditaba. Muana neapande.

1 Samuele 14:6

Yonatane kuambila nsongalume wende ne: — Luaku tuye too ne ku tshisumbu tshia bena mvita ba bena Peleshete, badibu kabayi bateke panshi. Misangu mikuabu Maweja-Nangila udi mua kutuambuluisha. Bualu kakuena tshidi mua kupumbisha Maweja-Nangila bua atupeteshe ditshimuna, nansha tuetu ba bungi nansha tuetu bakese.

Filipe 3:21

Yeye neakudimune mubidi wetu wa butekete, wa lufu, bua ufuanangane ne wende wa lumu, udiye nawu katshia wabiika ku lufu. Bualu udi ne bukenji bua kuteka bionsu ku bumfumu buende.

Luke 1:18

Kadi Zekarya kuebeja mutumibue ne: — Bionsu ebi nenjadike ne: mbilelela, ku tshinyi? Bualu meme nkadi mukulakaje. Mukajanyi kabidi ukadi tshikunda.

Matayi 3:9

Kadi lekelayi kuela meji ne: “Tudi mua kupanduka ku dinyoka, bualu Abrahame nnkambua wetu.” Bualu ndi nnujadikila ne: mabue aa, Mvidi Mukulu udi mua kuandamuna ndelanganyi ya Abrahame!

Misambu 93:1

Maweja-Nangila udi mukalenga, udi mudijingile butumbi bu mudibu badijingila tshilamba, udi muvuale bukole, bu mudibu bavuala mukaba. Buloba budi bushindame, kabuena mua kunyunga.

Misambu 90:13

Maweja-Nangila neutulondakaje musangu bule munyi? Tangila kutudi, utufuile luse, tuetu bena mudimu bebe.

Genese 18:13

Maweja-Nangila kukonka Abrahame ne: — Mukajebe Sara udi useka tshinyi? Bua tshinyi udi wamba ne: “Bukole bunkadi ebu tshiena mua kulela kabidi to!”

Genese 18:15

Sara kumvuaye buowa, kuyila wamba ne: — Tshiena museke to. Maweja-Nangila kumujadikila ne: — Bulelela uvua useka.

Genese 21:1

Maweja-Nangila kusankisha Sara, kumukumbaja bionsu bivuaye mumulaye.

Genese 21:2

Sara kuimita, kulelela Abrahame muana wa ku bukunda, mu tshikondu tshivua Mvidi Mukulu mujadike.

Yeshaya 50:2

Pamvua mufike bua kunusungidila, tshivua musangane muntu bua tshinyi? Pamvua mubabikile, kabavua bangandamune bua tshinyi? Maboku anyi mmatambe buipi anyi? Tshiena ne mushindu wa kunuambuluisha anyi? Ndi mupange dikanda bua kunusungidila anyi? Kadi vulukayi ne: meme muakule amu muaku umue, ndi ngumisha mayi manene, ndi ngandamuna misulu yenza tshipela. Nenku, mishipa neipange mayi, neifue nyota, neituadije kubola.

Danyele 6:20

Patshiatshia, pakavua panshi patoke, mukalenga wa bakalenga kujuka, kuya lukasa ku buina bua nyama ya ntambue.

Genese 17:16

Ndi mmuela lupemba. Neakulelele muana wa balume. Neikale mamuende wa bisamba bia bungi. Bakalenga ba bisamba bishilangane nebapatukile ku ndelanganyi yende.

Balombodi 13:3

Dituku dikuabu, mutumibue wa Maweja-Nangila kumuenekela mukaji awu, umuambila ne: — Ndi mumanye ne: kuena mulele, udi nkumba. Kadi newimite difu, neulele muana wa balume.