Genese 17:4 - MUKANDA WA MYIDI MUKULU

⁴ — Ndondu undi ntua nebe udi nunku: Newikale nkambua wa bisamba bia bungi.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Mona, tshihungidi tshianyi tshidi nʼebe, wewe newikale nkambua wa bisamba bia bungi.

Genese 17:4 Referans Kwoze

Genese 35:11

Kumuambila ne: — Ndi Mvidi Mukulu wa bukole buonsu. Utante, uvulangane, wikale nkambua wa bisamba bia bungi, bakalenga nebafume ku ndelanganyi yebe.

Genese 12:2

Nenkuele lupemba, wikale tatu wa tshisamba tshinene tshia bantu. Dina diebe nedikale ne lumu lunene. Kabidi bantu bakuabu nebapete diakalenga kuudi.

Genese 48:19

Tatuende kubenga, wamba ne: — Muananyi, ndi mumanye tshindi ngenza. Ndelanganyi ya Menashe neyikale tshisamba tshinene. Kadi ndelanganyi ya muakunyende Efrayime neyipite bungi, yenza bisamba bivule.

Genese 32:12

Nanku ndi nkutendakena ne: unsungidile kudi mukuluanyi Esawu. Ndi ne bowa, bualu udi mua kumbutula ne bakaji ne bana.

Genese 22:17

Nenkuele lupemba; nemvudije ndelanganyi yebe bungi bua mitotu ya mulu, nansha bu lusenga lua ku muelelu wa mayi manene. Ndelanganyi yebe neyinyenge misoku ya bena lukuna bayi.

Genese 16:10

Maweja-Nangila neavudije ndelanganyi yebe bungi budi muntu kayi mua kubala.

Genese 13:16

Nemvudije ndelanganyi yebe bungi budi muntu kayi mua kuyibala. Bu mudi muntu kayi mua kubala lusenga ludi pa buloba, ke mudibu kabayi mua kubala ndelanganyi yebe.

Genese 25:23

Maweja-Nangila kumuandamuna ne: Bisamba bia bantu bibidi bidi munda muebe, neulele bisamba bibidi bishilangane. Kadi tshisamba tshimue netshipite tshikuabu ku bukole. Muanabute neikale mupika wa muakunyende.

Ekesode 6:4

Mvua mutue nabu ndondu, mubalaye mua kubapesha ditunga dia Kenaane divuabu basombe bu bantu benyi.

Genese 28:3

Mvidi Mukulu wa bukole buonsu akuele lupemba mu dibaka diebe. Ulele bana ba bungi, ushale nkambua wa bisamba bivule.