Genese 17:16 - MUKANDA WA MYIDI MUKULU

¹⁶ Ndi mmuela lupemba. Neakulelele muana wa balume. Neikale mamuende wa bisamba bia bungi. Bakalenga ba bisamba bishilangane nebapatukile ku ndelanganyi yende.

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ nemmuvudishile di sanka, yeye neakulelele muana mulume, nemmusankishe bulelela, yeye neikale nkambua wa bisamba bia bungi, ne bakelenge ba bantu nebaluhuke munda muandi.

Genese 17:16 Referans Kwoze

Genese 35:11

Kumuambila ne: — Ndi Mvidi Mukulu wa bukole buonsu. Utante, uvulangane, wikale nkambua wa bisamba bia bungi, bakalenga nebafume ku ndelanganyi yebe.

Yeshaya 49:23

Bana bebe nebabadishe kudi bakalenga bakaji ba mu matunga. Nebabakoleshe kudi bakalenga ba matunga. Nebatue mpala panshi kumpala kuebe. Nebakunemeke, balaka lupuishi lua ku makasa ebe. Nenku neumanye, mundi Maweja-Nangila, mudi bonsu badi batekemena kundi kabayi bafue bundu musangu nansha umue.

Genese 17:6

Nemvudije ndelanganyi yebe. Ku ndelanganyi aku nekupatuke bisamba bia bungi, nekupatuke kabidi bakalenga banene.

1 Petro 3:6

Ke muvua Sara wenza. Uvua utumikila Abrahame, umuinyika ne: “Mfumu wanyi”. Mpindiewu nenuikale bana bende ba bakaji, panudi nuenza malu mimpe, kanuyi nutshina kalu nansha kamue.

Rome 9:9

Bualu miaku ya dilaya, ivua Mvidi Mukulu muambe, ivua ya ne: “Pakumbana tshikondu, nempingane. Sara neikale ne muana wa balume.”

Genese 24:60

Baledi ba Rebeka kumuela lupemba, bamba ne: “Wewe muanetu wa bakaji, Ulele balume, ulele bakaji ba bungi. Ndelanganyi yebe inyenge bimenga bia bena lukuna bayi!”

Genese 12:2

Nenkuele lupemba, wikale tatu wa tshisamba tshinene tshia bantu. Dina diebe nedikale ne lumu lunene. Kabidi bantu bakuabu nebapete diakalenga kuudi.

Genese 1:28

Kubelaye lupemba, wamba ne: “Tantayi, nulelangane, nuvulangane buloba bujima. Nubukokeshe, nuikale bamfumu ba minyinyi ya mu mayi, nyunyi ya mulu, bimuna, bilandadi ne bionsu bidi pa buloba.”

Ngalate 4:23

Muana muabu bamulelele kudi Agare, mmulela bu bantu bonsu. Kadi muana muabu bamulelele kudi Sara, mmulela bualu bua dilaya divua Mvidi Mukulu mulaye.

Genese 17:15

Mvidi Mukulu kuambila Abrahame ne: — Kubikidi kabidi mukajebe ne Sarayi to. Umubikile ne: Sara.

Genese 17:19

Mvidi Mukulu kumuandamuna ne: — Nansha! Mukajebe Sara nealele muana wa balume. Neumuinyike ne Izake. Meme nentue nende ndondu wa kashidi kabidi ne ndelanganyi yende yonsu.

Genese 21:1

Maweja-Nangila kusankisha Sara, kumukumbaja bionsu bivuaye mumulaye.

Genese 25:23

Maweja-Nangila kumuandamuna ne: Bisamba bia bantu bibidi bidi munda muebe, neulele bisamba bibidi bishilangane. Kadi tshisamba tshimue netshipite tshikuabu ku bukole. Muanabute neikale mupika wa muakunyende.

Genese 36:31

Bena Izrayele kabayi banji kupeta bakalenga, bena Edome bakavua ne bakalenga, balondangane nunku mu bukalenga:

Genese 15:4

Maweja-Nangila kukolesha Abrame ku muoyi, umuambila ne: — Bintu biebe kabena babipiana kudi muena mudimu webe to. Nebishale anu kudi muana wa munda muebe.