Genese 16:8 - MUKANDA WA MYIDI MUKULU

⁸ Awu kumukonka ne: — Agare, mupika wa Sarayi, udi ufuma penyi? Uyaya kuepi? Agare kuandamuna ne: — Ndi nnyema Sarayi, mfumuanyi wa mudimu.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Yeye wakebesha Hagâ, mukashi muena mudimu wa Salai, ne, Wakufuma kudi kunyi? Uyaya kudi kunyi? Yeye wakamuandamuna dî ne, Ndi munyeme ku mesu kua mukelenge wanyi mukashi Salai.

Genese 16:8 Referans Kwoze

Genese 3:9

Maweja-Nangila Mvidi Mukulu kubikila mulume, kumukonka ne: — Udi penyi?

Genese 4:10

Maweja-Nangila kuebeja ne: — Udi muenze nanku bua tshinyi? Muadi wa mashi a muanenu wafiki kundi ufumina pa buloba.

Muambi 10:4

Pikala mfumuebe mufike munda, kumbuki muaba uudi. Wewe mulame lutulu neakufuile luse bua bilema biebe biuvua muenze.

1 Samuele 26:19

Pikala Maweja-Nangila musue bua wewe kungenzela bibi, nanku Maweja-Nangila itaba mulambu bua kujikija tshiji tshiende. Kadi, pikalabu bakuenzeja bionsu ebi kudi bantu, Maweja-Nangila abatshipe. Bualu lelu badi bangipata, bua tshisombi mu ditunga didi Maweja-Nangila mupeshe bantu bende, bidi bu mudi muntu ungamba ne: “Uye kutendelela mvidie mikuabu.”

Genese 16:4

Abrame kumubuelela mu nzubu. Agare kuimita difu. Pavua Agare mujadike ne: ndi ne difu, kutekelaye Sarayi kapeja.

Genese 16:1

Sarayi, mukaji wa Abrame, kavua mulele muana to. Kadi uvua ne mupika wende, nsongakaji wa bena Ejipitu, dina diende Agare.

Genese 16:9

Mutumibue wa Maweja-Nangila kumubela wamba ne: — Pingana anu kudi Sarayi, mfumuebe wa mudimu. Witabe bionsu bidiye ukuambila.

1 Bakalenga 19:9

Eliya mumane kufika ku mukuna wa Sinayi, kubuelaye mu lubuebue, kulalamu. Ke Maweja-Nangila kumukonka ne: — Eliya, muaba ewu udi wenza tshinyi?

1 Bakalenga 19:13

Anu muambi Eliya umvua tshiona atshi, kudibuikilaye tshinkutu tshiende. Kupatukaye mu lubuebue, kuimana mu mbelu. Kumvuaye kabidi diyi dimukonka ne: — Eliya, muaba ewu udi wenza tshinyi?

Genese 21:17

Mvidi Mukulu kumvua muadi wa muana. Mutumibue wa Mvidi Mukulu kuela diyi difumine mu diulu, kuebeja Agare ne: — Tshidi tshikutonda nanku ntshinyi? Kutshinyi to. Mvidi Mukulu umvu muadi wa muana.

Balombodi 19:17

Mukulumpe awu kumona muntu muenyi musombe muaba awu. Kukonkaye muenyi awu ne: — Udi ufuma penyi? Uyaya kunyi?

2 Bakalenga 5:25

Ngeyazi kupingana muaba uvua mfumuende Elisha. Elisha kumukonka ne: — Ngeyazi, udi ufuma penyi? Ngeyazi kuandamuna ne: — Mfumuanyi, tshivua muye ku muaba to.