Genese 16:6 - MUKANDA WA MYIDI MUKULU

⁶ Abrame kuandamuna Sarayi ne: — Angata mupika webe, wenze nende muudi musue. Sarayi kukengesha Agare bikole too ne padinyemenaye kuya mu tshipela.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Kadi Abalama wakambila Salai ne, Mona, muena mudimu webe udi mu tshianza tshiebe, umuenzele bu mûdi musue Salai wakamuenzela bibi ne yeye wakanyema ku mesu kuandi.

Genese 16:6 Referans Kwoze

Yirmeya 38:5

Nanku, mukalenga Sedekiya kuandamuna ne: — Ee mbimpe! Numuenzele munudi basue. Bualu nansha meme mukalenga, tshiena ne bumfumu bua kunukandika to.

1 Petro 3:7

Nuenu kabidi, balume, nusombe bimpe ne bakaji benu. Numanye ne: badi ne butekete. Nanku nubanemeke, bualu nebapete nenu dipa dia muoyi kudi Mvidi Mukulu. Nuenze nanku bua tshintu nansha tshimue katshieledi ditendelela dienu nkila.

Muambi 10:4

Pikala mfumuebe mufike munda, kumbuki muaba uudi. Wewe mulame lutulu neakufuile luse bua bilema biebe biuvua muenze.

Nsumuinu 29:19

Kabena babela mupika ne miaku nkayayi, bualu, nansha yeye mumvue tshidibu bamuambila, kena witaba to.

Nsumuinu 27:8

Muntu udi wendakanangana kule ne muabu, udi bu nyunyi udi wendela kule ne disua diende.

Nsumuinu 15:1

Diandamuna dilenga didi dituyisha lonji. Kadi diyi dibi didi dilundula tshiji.

Nsumuinu 14:29

Muntu udi kayi ufika munda lukasa, udi ne lungenyi luvule. Kadi udi ufika munda lukasa, udi uleja bupote buende.

Yobe 2:6

Maweja-Nangila kuambila mufundianganyi ne: — Mbimpe umuenzele tshiudi musue. Kadi kumushipi to.

Ekesode 2:15

Mukalenga wa bena Ejipitu umvua bualu abu, kukebaye mua kushipa Moshe. Kadi Moshe kunyema, kuya mu ditunga dia Madiyane. Kuikishaye pabuipi ne tshiina tshia mayi.

Genese 24:10

Muena mudimu awu kuangata tumelu dikumi tua mfumuende ne bionsu bivuaye mumone ne mbilenga. Bavua benda batangile mu tshimenga muvua Nahore musombe mu tshitupa tshia ku mutu kua misulu mu ditunga dia Mezopotamiya.

Genese 16:9

Mutumibue wa Maweja-Nangila kumubela wamba ne: — Pingana anu kudi Sarayi, mfumuebe wa mudimu. Witabe bionsu bidiye ukuambila.

Yoshua 9:25

Mpindiewu tudi bantu benu. Nuenze netu munudi basue.