Genese 14:18 - MUKANDA WA MYIDI MUKULU

¹⁸ Nanku Melkisedeke uvua mukalenga wa bena Saleme, muikale kabidi mutuangaji wa bantu ne Mvidi Mukulu muena kulu. Kutuadilaye Abrame mampa ne maluvu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Melekisedeke, mukelenge wa Salema, wakalua ne mampa ne nvinyo. Yeye wakadi muakuidi wa Nzambi Mutambe Bunene wa mu Diulu.

Genese 14:18 Referans Kwoze

Ebrewu 6:20

Ke muaba uvua Yezu mubuele kumpala kuetu bua kutuleja njila. Udi mutuangaji munene bua kashidi mushindu wa Melkisedeke.

Misambu 110:4

Maweja-Nangila udi muditshipe, kena mua kuyila: “Wewe udi mutuangaji wa kashidi bu Melkisedeke.”

Ebrewu 5:6

Kaba kakuabu uvua muambe kabidi ne: “Newikale mutuangaji kashidi bu muvua Melkisedeke.”

Ebrewu 5:10

Ke Mvidi Mukulu kumuteka mutuangaji munene mushindu uvua Melkisedeke.

Misambu 76:2

Mvidi Mukulu mmudimanyishe mu Yuda. Dina diende nditumbe mu Izrayele.

Bienzedi 16:17

Kutulondaye tuetu ne Polu, wela mbila ne: — Bantu aba mbena mudimu wa Mvidi Mukulu, Muena kulu! Badi banumanyisha munudi mua kupanda!

Misambu 57:2

Mvidi Mukulu wanyi, umfuile luse, ungambuluishe, bualu ndi mutekemene kuudi. Ndi muimane mu mapuapua ebe, too ne muapita tshipupu etshi.

Misambu 7:17

Bubi buvuaye mulongoluele bakuabu, nebumupingene pa mutu, tshikisu tshidiye natshi netshimuimane mu mpala.

Rute 3:10

Bowaze umvua nanku, kuambilaye Rute ne: — Maweja-Nangila akuele lupemba, bualu waleji dilamata diebe dipite ne pa diuvua muenze kumpala kua mamuenebe. Bualu kuena muye kudi bansongalume babanji, nansha bapele, bua bakupiane.

Ngalate 6:10

Patutshidi ne diba, tuenzelayi bantu bonsu bimpe, kadi nangananga bena ditaba netu.

Bienzedi 7:48

Kadi Mvidi Mukulu wa mulu kena usomba mu nzubu miasa kudi bantu. Bambi bavua bajadika ne:

Mika 6:6

“Tufike ne mulambu kaayi, patudi tuya kutendelela Maweja-Nangila, Mvidi Mukulu Muena Kulu? Tufike ne milambu ya kuosha, ya bana ba ngombe ba tshidimu tshimue anyi?

Misambu 50:14

Tshindi ntekemena kuudi, ki mbiakudia nansha, kadi amu bua untumbishe, meme Mvidi Mukulu webe, ne bua ukumbaje malaya auvua mundaye meme, Muena kulu.

2 Samuele 2:5

kutumaye bantu bua bambila bena mu Yabeshe ne: “Maweja-Nangila anuele lupemba, bualu nudi bajike mfumuenu Shawule, baleje munuvua bamunange.

Ebrewu 7:1

Melkisedeke ewu uvua mukalenga wa Saleme, kabidi mutuangaji wa Mvidi Mukulu Muena kulu. Pavua Abrahame ufuma ku mvita mumane kutshimuna bakalenga, Melkisedeke kuya kusambakena nende, kumuela kabidi lupemba.

Misambu 104:15

ne maluvu a mvinyo bua kubasankisha, ne mafuta bua kukenkesha mpala yabu, ne diampa bua kubapesha bukole.

Dibadika 18:28

Ke munudi nuenu kabidi mua kundambula tshintu ku tshia dikumi tshinudi nupeta kudi bana benu bena Izrayele. Nuangate anu tshia dikumi, nutshifile kudi mutuangaji Arone bua kutshindambula.

Dibadika 24:16

Umvuayi diyi dianyi. Meme ndi ngumvua tshidi Mvidi Mukulu wamba. Ndi mmona bidi Maweja-Nangila wa bukole buonsu uleja. Yeye udi ummuenekela pandi mmukukuila.

Misambu 76:3

Nzubu wende wa ntenta udi mu Saleme. Muaba wende wa kulala udi mu Siyone.

Danyele 4:31

Nebukadnesare kuamba ne: — Bidimu muanda mutekete kupita, meme kutangila mu diulu. Meji anyi a bumuntu kumpingana. Meme kuela Mvidi Mukulu Muena kulu, udi ne muoyi tshiendelele tuasakidila. Meme kumutumbisha, ngimba butumbi buende. Bumfumu buende mbua kashidi. Bukalenga buende kabuena bujika.