Genese 14:1 - MUKANDA WA MYIDI MUKULU

¹ Mu tshikondu atshi, bakalenga banayi, Amrafele, mukalenga wabena Babilone, Ariyoke, mukalenga wa bena Elazare, Kedorlayomere, mukalenga wa bena Elame, ne Tidale, mukalenga wa bena Ngoyime,

Mukanda wa Nzambi Dihungila Dikulukulu ne Dihungila Dihia-dihia 2003

¹ Mu matuku a Amalafele, mukelenge wa Shinâ, ne Ayoka, mukelenge wa Elasa, ne Kedôlaome, mukelenge wa Elama, ne Tidala, mukelenge wa Goyima,

Genese 14:1 Referans Kwoze

Genese 10:10

Bimenga binene bia kumpala bivua ku bumfumu buende bivua: Bahele, Ereke, Akade ne Kalne mu ditunga dia Babilone.

Genese 11:2

Kadi bumuke ku luseke ludi diba dipatukila, kusanganabu mpata munene mu ditunga dia Babilone. Kuasabu muaba awu.

Genese 10:22

Bana ba balume ba Sheme badi: Elame, Ashure, Arpakshade, Lude ne Arame.

Yeshaya 37:12

Bakalenga bavua mu bukalenga kumpala kuanyi, bavua babutule bimenga ebi: Ngozane, Arane, Reshefe ne Telashare, tshimenga tshikulu tshia bena Edene. Mvidie ya matunga aa kayena mipandishe bimenga ebi to.

Yeshaya 11:11

Dituku adi Maweja-Nangila neenze tshiakabidi muende muonsu, bua kupikula bantu bende. Neapingaje kuabu bavua bashale ne muoyi mu ditunga dia Ashure ne dia Ejipitu, mu ditunga dia Patrose ne dia Kushe, mu Elame ne mu Babilone, mu Amate wa bena Arame, ne mu matunga a ku muelelu wa mayi manene.

Zekâya 5:11

Kungandamunaye ne: — Badi baya natshi ku Mezopotamiya. Nebatshiashile nzubu, pashishe nebatshienzele tshibumba, bua kutshitekapu.

Danyele 1:2

Maweja-Nangila kufila Yoyakime mu bianza bia Nebukadnesare, kabidi ne bintu bikuabu bia tshijila bia mu nzubu wa Mvidi Mukulu. Nebukadnesare kuya ne bena lukanu mu Babilone, kuteka bintu bia tshijila abi mu nzubu wa mvidie yende, mu tshibambalu tshia kulamina bintu.

Yezekiyele 32:24

“Mukalenga wa bena Elame udi muaba awu ne tshiluilu tshiende. Lukita luende ludi munkatshi mua nkita ya bena mvita bende bonsu bafuile mu mvita. Bantu aba, bavua bakuatshisha bantu bowa pa buloba, badi lelu mu kandondu ka bafue. Badi bumvua bundu, bualu badi balala pamue ne bantu bafue bakuabu ba patupu.

Yirmeya 25:25

— ke bakalenga bonsu ba mu Zimri, ba mu Elame, ne bena Madayi;

Yeshaya 22:6

Bena mvita ba bena Elame bisumbu ne bisumbu, badi bambula mata ne mikete; bakuabu badi babanda mu matempu, babanda pa nyama ya tubalu. Bena mvita ba bena Kire badi balongolola ngabu yabu.

Yeshaya 21:2

— Maweja-Nangila kundeja mu tshilota, bualu bua dikema, buenza bowa. Uvua wamba ne: “Bakengeshanganyi badi amu bakengeshangana, babutudianganyi badi amu babutulangana. Bena Elame, bangayi mvita! Bena Madayi, luishayi tshimenga! Tshiena musue bua bena Babilone batuishe kabidi bantu mikemu.”

Genese 14:9

Bavua baluisha Kedorlayomere, mukalenga wa bena Elame, Tidale, mukalenga wa bena Ngoyime, Amrafele, mukalenga wa bena Babilone, ne Ariyoke, mukalenga wa bena Elazare. Bakalenga aba bavua baluishangane banayi kua batanu.

Yoshua 12:23

Dore udi ku muelelu wa mayi manene, Ngoyime wa mu Ngalileya,

Danyele 8:2

Ke tshimvua mumone etshi: Mvua mu Shushane, tshimenga tshikulu tshia ditunga dia Elame, ku muelelu wa mukidi udi dina dia Ulayi.