Genese 13:17 - MUKANDA WA MYIDI MUKULU

¹⁷ Juka, endakana mu ditunga, uditangile mu bule ne mu butshiama buadi, bualu nenkupadi.

Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Bika biebe, wendakana mu buloba buonso, mu bule buabu ne mu butshiama buabu, bualu bua nenkuhebu.

Genese 13:17 Referans Kwoze

Genese 13:15

Buloba ebu buonsu nenkupeshabu kashidi ne ndelanganyi yebe.

Genese 15:7

Pashishe Maweja-Nangila kuambila Abrame ne: — Meme Maweja-Nangila ke uvua mukupatule mu Ure wa bena Babilone, bua kukupesha ditunga edi, dishale diebe.

Genese 17:8

Ditunga edi dijima dia Kenaane diudi upitshila mpindiewu bu muenyi, nenkupeshadi kashidi. Nedishale bupianyi buebe ne bua ndelanganyi yebe. Meme nengikale Mvidi Mukulu wenu.

Genese 28:13

Kumonaye kabidi Maweja-Nangila muimane kumpala kuende, umuambila ne: — Yakobe, ndi Maweja-Nangila, Mvidi Mukulu wa kakuebe Abrahame, kabidi Mvidi Mukulu wa Izake. Ndi nkulaya ne: “Nenkupeshe, wewe ne ndelanganyi yebe, buloba buudi mulale ebu.”

Genese 50:24

Yozefe kulayangana ne bana abu, ubambila ne: — Meme nkadi mikolu ku tshiina. Kadi Mvidi Mukulu neanuambuluishe. Neanunuishe mu ditunga edi, anufikishe mu ditunga divuaye mulaye Abrahame, Izake ne Yakobe.

2 Bakalenga 13:23

Kadi, pashishe Maweja-Nangila kufuila bena Izrayele luse, kulekela bubi buabu, bua ndondu uvuaye mutue ne Abrahame, Izake ne Yakobe. Nanku, Maweja-Nangila kena mubutule bena Izrayele to. Kavua muanji kubatuma kule mu bupika to.

Genese 12:7

Maweja-Nangila kumuenekela kabidi Abrame, umuambila ne: “Ditunga edi nendipeshe ndelanganyi yebe.” Abrame kuashila Maweja-Nangila tshilambuilu muaba mene uvua Maweja-Nangila mumumuenekele.