Genese 12:9 - MUKANDA WA MYIDI MUKULU

⁹ Pashishe kuyaye wenda utula mu bitupa bishilangane too ne kuinshi kua ditunga dia Kenaane.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Abalama wakatshidi uya ku Sude.

Genese 12:9 Referans Kwoze

Genese 13:3

Abrame kumuka mu tshitupa tshia kuinshi mu ditunga dia Kenaane, wenda wikisha too ne ku Betele, too ne ku muaba uvuaye mumane kuikisha matuku makese kale, pankatshi pa Betele ne Ayi,

Genese 24:62

Izake uvua musombe mu tshitupa tshia kuinshi tshia ditunga dia Kenaane. Uvua mumane kumuka ku tshiina tshia mayi tshia Lahayi-Royi.

Genese 13:1

Abrame kumuka mu Ejipitu, kupingana kabidi mu ditunga dia Kenaane mu tshitupa tshia kuinshi. Uvua ne mukajende Sarayi ne Lote muana wa muanabu ne bintu biende bionsu.

Misambu 105:13

Bavua baya ku tshisamba ne ku tshisamba tshikuabu, ku bukalenga ne ku bukalenga bukuabu.

Genese 20:1

Abrahame umbuka ku Mambre, kuyaye kuasa kuinshi, mu ditunga dia Kenaane, pankatshi pa Kadeshe ne Shure. Umuke aku, kuyaye kusomba mu Ngerare.

Dibadika 13:17

Bangabanga ne Moshe kutuma batentekedi aba, kubambilaye ne: — Nubuele mu ditunga dia Kenaane amu ku luseke lua kuinshi kua ditunga. Pashishe nuye too ne ku muaba udi mikuna.

Dielulula 1:7

Mpindiewu bangayi luendu tshiakabidi. Nuye luseke ludi ne mikuna, muaba udibu base kudi bena Amore. Nuye kabidi mu buloba budi mutumba ne bena Amore, budibu base kudi bena Kenaane: ke ku mpata ya Yardene, ku mikuna, mu mpata ya luseke lua Mayi manene, mu tshitupa tshia kuinshi tshia ditunga, ne ku luseke lua muelelu wa Mayi manene. Nutungunuke ne luendu too ne ku mikuna ya Lebanone, ne ku musulu munene wa Perate.

Yeshaya 30:6

Nyama idi yambula bintu bia bungi, idi yenda ipitshila kuinshi kua ditunga. Mu buloba bua dikenga ne dibungama, mudi bintu bia bungi bidi bikuatshisha bowa, mudi nyama ya ntambue ikungula, mudi nyoka ya ntoka ne nyoka idi ibuka, nyama ya mpunde ne ya tumelu idi ipitshilamu, yambula bubanji ne bintu bia mushinga mukole. Balombodi ba mu ditunga badi baya nabi kudi bantu ba tshisamba, tshidi katshiyi mua kubambuluisha nansha kakese.

Genese 20:13

Mvidi Mukulu mmumane kungumusha mu nzubu mua baledi banyi, meme kuambila mukajanyi Sara ne: “Miaba yonsu itudi tupitshila nebe, ambila bantu ne: Abrahame udi muanetu wa balume, bua kabanshipi bualu buebe.”