Genese 10:25 - MUKANDA WA MYIDI MUKULU

²⁵ Ebere kulela bana ba balume babidi: muanabute dina diende Pelega, bualu mu matuku ende ke muvua ditapulukangana dituadija munkatshi mua bantu. Dina dia muana muibidi divua Yoktana.

Mukanda wa Nzambi Dihungila Dikulukulu ne Dihungila Dihia-dihia 2003

²⁵ Ebe wakalela bana balume babidi dina dia mukuabo diakadi Pelege, mu matuku andi bakabanyangana buloba, dina dia muanʼabo diakadi Yoketana.

Genese 10:25 Referans Kwoze

1 Kulondolola 1:19

Ebere uvua ne bana ba balume babidi: wa kumpala uvua Pelege, mmomumue ne: “Ditapuluka,” bualu tshikondu tshivua Pelege ne muoyi, bantu bavua batapuluka pa buloba. Dina dia muakunyende divua Yoktane.

Bienzedi 17:26

Udi mufuke bisamba bionsu, bifumine kudi muntu umue, mubitangalaje pa buloba bujima. Kufundilaye tshisamba tshionsu tshikondu tshia kusomba panu, ne mikalu ya miaba idi tshi mua kuasa.

Dielulula 32:8

Mvidi Mukulu wa bukole buonsu, mmuabanyine bantu matunga. Udi mushindike mikalu ya bisamba, muteke tshisamba tshionsu ku bumfumu bua muena mu diulu.

Genese 10:32

Ebi ke bisamba bionsu bidi bitumbisha Nowa biamba ne: Udi nkambua wetu, bilondeshile ku meku abu ne ku bisamba biabu. Bisamba bionsu bivua bimuangalaka pa buloba, mayi a tshipupu mamane kukama, mbifume anu kudi Nowa.

Genese 10:21

Sheme, mukulu wa Yefete, kulela bana. Udi nkambua wa bena Ebere bonsu.

Genese 10:26

Yoktana kulela bankambua ba bena Almodade, bena Shelefe, bena Asharmavete, Yera,

Genese 10:5

Bisamba bionsu bidi bitangalaka mu bidila nansha ku mielelu ya mayi manene mbifume ku ndelanganyi ya bana aba. Ke muvua ndelanganyi ya Yefete nanku. Muntu yonsu uvua musombe mu ditunga diabu, mu tshisamba tshiabu, wakula muakulu wa ditunga diabu.

Yobe 15:19

Mvidi Mukulu uvua mubape ditunga diabu nkayabu. Bantu ba bisamba bikuabu kabavua babatumina diyi to.