Genese 1:11 - MUKANDA WA MYIDI MUKULU

¹¹ Mvidi Mukulu kuamba ne: “Bikunyibua bitoloke pa buloba, bisosa bidi biela nzeba ne mitshi idi ikuama bimuma bia mishindu yonsu.”

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Nzambi wakamba ne, Buloba bumeneshe bimenyi bionso, midioko idi yela ntete ne mitshi idi ikuama mamuma adi ne ntete yai, bu mudi mushindu wai. Bualu buakenjibua

Genese 1:11 Referans Kwoze

Ebrewu 6:7

Padi mayi a mvula abuela mu buloba misangu ne misangu, buloba bumeneshila badi babudima biakudia bimpe, Mvidi Mukulu udi ubuela lupemba.

Misambu 147:8

Yeye ke udi ubuikila diulu ne mavuba, ulokesha mvula pa buloba, umenesha bisosa pa mikuna.

Genese 1:29

Mvidi Mukulu kubambila ne: “Mbanupeshi midioku yonsu ya pa buloba idi ne ntete, ne mitshi yonsu idi ikuama bimuma, bikale biakudia bienu.

Genese 2:9

Maweja-Nangila Mvidi Mukulu kumenesha mitshi ya mishindu yonsu pa buloba, mitshi milenga kumona ne mesu, mimpe kudia mukana. Munkatshi mua lupangu muvua mutshi wa muoyi ne mutshi wa kujingulula malu mimpe ne mabi.

Marke 4:28

Buloba nkayabu ke budi bumenesha lutete: kumpala muonji wa lutete udi wanji kupatuka, pashishe muepu, ku ndekelu ntete imueneka ku muepu.

Matayi 6:30

Mvidi Mukulu udi uvuadika bisosa, bidi lelu mu mpata, maloba babiosha. Nanku kena mua kunuvuadika nuenu bantu bilamba bimpe bipite anyi? Kadi ditaba dienu ndikese be!

Yobe 28:5

Buloba budi bumenesha biakudia, kadi muinshi muabi bionsu mudi kapia kadi mua kubutula bionsu.

Misambu 1:3

Udi bu mutshi udi bantu bakuna ku muelelu wa mayi. Mutshi awu udi ukuama bimuma pa tshikondu tshiabi. Mabeji awu kaena mua kufubidila. Bionsu bidi muntu wa nanku wenza bidi amu ne tshipeta.

Genese 2:5

mitshi ne bisosa kabivua bianji kutoloka to. Bualu Maweja-Nangila Mvidi Mukulu kavua muanji kulokesha mvula, kabidi muntu kavuapu bua kudima buloba.

Yakobe 3:12

Bana hetu, mutshi wa mfiku kawena mua kukuama bimuma bia olive. Monji wa mvinyo kawena mua kukuama bimuma bia mfiku. Mpokolu wa mayi a luepu kena mua kupatula mayi kaayi ne luepu.

Matayi 3:10

Mbamane kulongolola kasuyi bua kukosela mutshi ku miji. Mutshi onsu udi kauyi ukuama tshimuma tshimpe, nebaukose, bawela mu kapia.

Yirmeya 17:8

Muntu awu neikale bu mutshi, udibu bakuna ku muelelu wa mayi. Miji yawu idi ifika ne ku mayi. Mutshi awu kawena utshina tshintu. Nansha mu munya mukole, mabeji awu adi amu mabishi. Nansha mu tshikondu tshia munanga mukole, mutshi awu kawena ufubidila. Udi ukuama amu kukuama bimuma.

Genese 2:16

Maweja-Nangila Mvidi Mukulu kuelela muntu mukenji ne: “Udi mua kudia bimuma bia mitshi yonsu idi mu lupangu.

1 Korente 15:38

Ku lutete alu, Mvidi Mukulu udi umenesha mutshi mudiye musue, ku lutete luonsu walu mutshi.

Genese 1:12

Pa buloba kutoloka bisosa bidi biela nzeba ne mitshi idi ikuama bimuma bia mishindu yonsu. Kuenzekabi nanku. Mvidi Mukulu kumona ne bionsu bidi bimpe.

Yeshaya 61:11

Bushuwa, Maweja-Nangila Mvidi Mukulu udi upatula lupandu ne lumu, kumpala kua bisamba bia bantu. Amu bu mudi mu buloba mutoloka mitshi, nansha bu mudi mu budimi bumena ntete idibu bamiaminamu.