Filipe 4:19 - MUKANDA WA MYIDI MUKULU

¹⁹ Bilondeshile biuma biende ne butumbi buende, Mvidi Mukulu neanupeshe kudi Yezu Kristu bionsu binudi nukengela.

Mukanda wa Nzambi Dihungila Dikulukulu ne Dihungila Dihia-dihia 2003

¹⁹ Ne Nzambi wanyi neanukumbashile bintu bionso binudi nʼabi bualu bu mudi bubanshi buandi bua mu butumbi mu Kilisto Yesu.

Filipe 4:19 Referans Kwoze

Misambu 84:11

Bualu kusomba dituku dimue mu lubanza lua nzubu webe wa kutendelela, nkupite kusomba matuku tshinunu munga muaba. Mvidi Mukulu wanyi, kuimana kumbelu kua nzubu webe, nkupite kusomba mu ntenta ya bantu babi.

1 Petro 5:10

Mvidi Mukulu mmunubikile bua nudisange nende mu butumbi buende bua kashidi, panudi nudisanga ne Kristu. Nanku nuenu bamane kukenga tshitupa tshikese, Mvidi Mukulu, mpokolu wa dinanga dionsu, neanuenze bantu ba tshijila. Neanushindike, anukoleshe bua kanutenkakanyi.

1 Timote 6:17

Ambila bena biuma bia panu, bua kabaditambishi, kabatekemenyi biuma ebi bia lupitapita. Kadi batekemene kudi Mvidi Mukulu udi utupetesha bionsu bitudi tukengela bua tuetu kusanka nabi.

Mika 7:7

Kadi meme ndi ntangila kudi Maweja-Nangila. Bu mundi ntekemena Mvidi Mukulu, neansungidile. Mvidi Mukulu wanyi neumvue dilomba dianyi.

Malaki 3:10

Nanku nundambule mu nzubu wanyi tshia dikumi menemene tshia ku midimu inudi nukuata, bua biakudia bikale kashidi mu nzubu muanyi. Pa bualu ebu, nudi mua kunteta meme Mvidi Mukulu wa bukole buonsu, nenumone mundi nnunzuluila mayeba a mu diulu, nnuela lupemba, ndokesha mvula.

Nehemya 9:15

Pavuabu ne nzala, Wewe kubapesha biakudia bia mu diulu. Pavuabu ne nyota, wewe kubapesha mayi a mu lubuebue. Wewe kubatuma bua baye kukuata ditunga, diuvua mubalaye, mutshidipe.

2 Samuele 22:7

Mu dikenga dianyi, meme kubikila Maweja-Nangila. Mvua ngela mbila kudi Mvidi Mukulu wanyi. Mu nzubu muende, kumvuaye diyi dianyi, kumvuaye muadi wanyi.

Misambu 36:8

Mvidi Mukulu wanyi, wewe udi utunanga bikole; ke patudi tusokomena mu mapuapua ebe.

Kolose 1:27

Mvidi Mukulu uvua musue kubamanyisha meji masokome mimpe, a mushinga mukole, adiye nawu bualu bua bantu bonsu. Adi nunku: Kristu udi munda muenu. Bualu buende nudi mua kutekemena ne: netudisange ne Mvidi Mukulu mu butumbi buende.

Efeze 3:16

Ndi mmulomba se: anukankamike, bilondeshile buneme bua butumbi buende, anukoleshilemu munda muenu kudi Mueyelu wende.

Kolose 3:16

Muaku wa Kristu wase miji munda muenu muawu muonsu mudiwu. Longeshanganayi, belanganayi, ne meji onsu anudi nawu. Ne muoyi wenu mujima, imbilayi Mvidi Mukulu misambu, mitendu ne tusala, mudi Mueyelu wa Tshijila unusaka, kabidi ne muoyi wa dianyisha.

Rome 8:18

Ndi mumone ne: mutudi tukenga lelu emu, katuena mua kumufuanyikija ne butumbi buatupesha Mvidi Mukulu.

Efeze 1:7

Mvidi Mukulu mmutupikule ku bubi, mmutujimijile mibi yetu yonsu ku mulambu wa lufu lua Yezu Kristu. Ke muvuaye mutuleje ditunanga diende dia dikema.

2 Korente 4:17

Makenga atudi tumvua matuku aa adi amu makese, adi apita kabidi lubilu. Kadi neatupeteshe lumu luvule ludi lushala kashidi, ludi ne mushinga mupite wa makenga aa.

Rome 9:23

Butumbi buende bunene uvua musue kuteleja kabidi tuetu bantu badiye ufuila luse, badiye mudianze kulongolola bua tubuele mu butumbi buende.

Efeze 3:8

Meme ndi mushadile ku bantu bonsu badi bitaba Mvidi Mukulu. Kadi Mvidi Mukulu uvua muntutshishe diakalenga edi: bua mmanyishe bantu ba bisamba bikuabu Lumu lua Disanka lua bubanji bupite butudi tupeta kudi Kristu.

Misambu 130:7

Bena Izrayele, Tekemenayi Maweja-Nangila, bualu udi muimpe, udi mua kunusungidila mishindu yonsu.

Misambu 104:24

Maweja-Nangila, mudimu webe udi munene! Udi muenze bionsu ne dimanya dia kuenza bintu bia mpatshi! Buloba mbuwule ne bintu biudi mufuke.

Efeze 1:18

Ndi ndomba Mvidi Mukulu bua atokeshe lungenyi luenu, bua numanye tshinudi mua kutekemena kudi Mvidi Mukulu, bu mudiye munubikidile. Nanku nenumanye biuma bilenga bidiye mulamine bantu bende.

Efeze 2:7

Bionsu abi nebimueneke patoke mu matuku adi kumpala. Diba adi dinanga diende dinene dipite nedidileje patoke, bualu bua bidiye mutuenzele munda mua Yezu Kristu.

Rome 2:4

Udi upepeja dinanga dikole didi Mvidi Mukulu utuleja, lutulu luende, kabidi ne muoyi wende wa kalolu anyi? Kuena mumanye ne: dinanga didi Mvidi Mukulu ukuleja didi ne bua kukusaka bua udilengeje anyi?

2 Kulondolola 18:13

Kadi muambi Mika kuandamuna ne: — Bu mudi Maweja-Nangila ne muoyi, nemmuambile anu tshidi Mvidi Mukulu wanyi musue.

Genese 48:15

Ke kuelaye Yozefe lupemba, wamba ne: Ndi ntendelela Mvidi Mukulu, uvua bankambua banyi, Abrahame ne Izake, bitabe, Ndi ntendelela Mvidi Mukulu, udi mundame too ne ku mpindiewu.

Danyele 6:22

Daniyele kumuandamuna ne: — Mukalenga, kuata ku mundundu!

Rome 11:33

Bubanji bua Mvidi Mukulu mbunene be! Meji ende ne dimanya diende mbiondoke! Udi mua kumvuija bidiye wenza nnganyi? Udi mua kujingulula meji adiye nawu, udiku anyi?

1 Petro 5:1

Bindi ngakula mpindiewu, bidi bitangila bantu ba munkatshi muenu badi bakulu ba Tshisumbu tshia bena ditaba. Meme kabidi ndi mukulu. Mvua mumone ne anyi abidi makenga a Kristu. Nendisange kabidi nende mu butumbi buende bukadi pa kumueneka. Nanku ndi ngambila bakulu ne:

1 Tesalonike 2:12

Tuvua banukoleshe mu maboku, banubele. Tuvua banusengelele bikole, bua nuenze amu bidi Mvidi Mukulu musue. Yeye udi unubikila, bua nupete butumbi mu Bukalenga buende.

Rome 1:8

Bangabanga ndi ngela Mvidi Mukulu tuasakidila, mu dina dia Yezu Kristu, bualu buenu bonsu. Bualu mu buloba bujima badi bayukila bua ditaba dienu.

Yowanane 20:27

Pashishe kuambilaye Tomase ne: — Teka munu webe apa. Tangila bianza bianyi. Tuma tshianza tshiebe, utshibueje mu lubadi luanyi. Lekela kuela mpata, itaba!

Yowanane 20:17

Yezu kumuamba ne: — Kundami to, bualu tshiena muanji kubanda kudi Tatu. Kadi uye kudi bana betu, ubambile ne: Ndi mbanda kudi Tatu wanyi, udi Tatu wenu kabidi, kudi Mvidi Mukulu wanyi, udi Mvidi Mukulu wenu kabidi.

Filemone 1:4

Filemone musuibue, misangu yonsu indi ntendelela Mvidi Mukulu, ndi nkuvuluka, ngela Mvidi Mukulu tuasakidila.

2 Korente 12:21

Pangafika bua kumonangana nenu, ndi ntshina ne: Mvidi Mukulu wanyi neampuekeshe milongu ku mesu enu. Bualu nengase muadi, pandi mmona ba bungi bavua benze bibi kale, kabayi badilengeja lelu. Nanku nulekele buendenda, malu a bundu, ne bilema bikuabu binuvua benze.

Nehemya 5:19

“Eyi Mvidi Mukulu wanyi, umvulukeku, bua mudimu onsu undi muenzele bantu aba.”

Matayi 6:32

Anu bantu badi kabayi bamanye Mvidi Mukulu bimpe, ke badi bakeba amu kukeba bionsu abi nanku. Kadi Tatu wenu udi mu diulu mmumanye ne: nudi dijinga ne bintu bionsu abi.

Filipe 4:7

Bu munudi badisange ne Kristu, Mvidi Mukulu nealame mioyi yenu ne meji enu mu bupole buende, budi bupite bionsu bidi muntu mua kujingulula.

2 Kulondolola 31:8

Izkiya ne balombodi bamone bintu bia mu madimi bivua bantu bafile, kuelabu Maweja-Nangila tuasakidila, kuelabu kabidi ne bantu bende bena Izrayele kalumbandi.