Filipe 3:20 - MUKANDA WA MYIDI MUKULU

²⁰ Buetu tuetu, musoku wetu udi mu diulu. Tudi tuindila, tutekemena ne muoyi mujima, Musungidi wetu, Mfumu Yezu Kristu, udi ne bua kutuluka mu diulu.

Mukanda wa Nzambi Dihungila Dikulukulu ne Dihungila Dihia-dihia 2003

²⁰ Bualu bua kuetu mene kudi mu diulu, kutudi tuindila kabidi Musungidi, Mukelenge Yesu Kilisto;

Filipe 3:20 Referans Kwoze

Efeze 2:19

Nanku nuenu bantu ba bisamba bikuabu, kanutshiena benyi, nansha bantu bafume kule. Nukadi bena tshisamba tshia Mvidi Mukulu, bamane kubuela mu diku diende.

2 Korente 4:18

Bualu katuena tobokela bidi bimueneka, kadi bidi kabiyi bimueneka. Bidi bimueneka kabiena binenga, kadi bidi kabiyi bimueneka bidi bishala kashidi.

Ebrewu 12:22

Kadi nuenu nudi basemena pabuipi ne mukuna wa Siyone, kabidi ne tshimenga tshia Mvidi Mukulu wa muoyi, ke Yerushalayime wa mu diulu, muaba udi batumibue ba Mvidi Mukulu binunu ne binunu.

Kolose 1:5

Pavua Lumu lua Disanka, ludi lunuambila malu malelela, lufike kuenu musangu wa kumpala, batua banumanyishe ditekemena didilu lunupetesha. Nenku ditaba ne dinanga binudi nabi, bidi bishindamene pa binudi nutekemena, bidibu banulamine mu diulu.

Efeze 2:6

mMutubishe ku lufu pamue ne Kristu, bua kutusombesha mu nkuasa wa bumfumu mu diulu pamue nende.

2 Korente 5:8

Tudi bakole muoyi, tujinga kushiya mubidi ewu diakamue, bua kuya kusomba mu nzubu mudi Mfumu.

2 Timote 4:8

Mpindiewu tshidi tshinshadile tshidi amu bua meme kupeta nsala wa lumu. Mfumu, udi ukosa nsambu pa yoyi, neangele ka lumbandi dituku dia Tshilumbuluilu. Kakungela amu meme nkayanyi. Kadi neele kabidi bantu bonsu badi bindila ne dinanga diba didiye mua kumueneka.

1 Tesalonike 1:10

Nudi bindile Muanende Yezu, uvuaye mubishe ku lufu, udi ne bua kutuluka mu diulu. Yeye mene ke udi utusungidila ku tshilumbuluilu tshia Mvidi Mukulu tshikadi pabuipi.

Ebrewu 9:28

Ke muvuabu balambula Kristu musangu umue bua kujimija mibi ya bantu ba bungi. Neamueneke musangu muibidi, ki mbua kujimija mibi, kadi mbua kusungila badi bamuindila.

Ngalate 4:26

Kadi Yerushalayime wa mu diulu kena mu bupika; yeye ke mamuetu!

Tite 2:13

Ke mutudi mua kuindila dituku dia disanka ditudi tutekemena. Dituku adi butumbi bua Mvidi Mukulu wetu munene ne Musungidi Yezu Kristu nebumueneke patoke.

1 Korente 1:7

Ke munudi kanuyi bapange dipa dia Mvidi Mukulu nansha dimue, nuenu badi bindile tshikondu tshidi Mfumu wetu Yezu Kristu ne bua kumueneka mu butumbi buende.

Bienzedi 1:11

kubakonka ne: — Bena Ngalileya, munudi bimane apa batangile mulu nanku mbishi? Yezu ewu, udibu bumushe kunudi, bambule mu diulu, neapingane kabidi, mushindu unudi bamumone ubandamu.

Matayi 19:21

Yezu kumuandamuna ne: — Paudi musue kuikala muakane tshishiki, uye kupana bionsu biudi nabi, wambike bapele makuta abi. Nanku newikale ne biuma mu diulu. Pashishe ufike bua kundonda.

1 Tesalonike 4:16

Diba diatuma Mvidi Mukulu diyi, diela mutumibue wa mulongu mubandile lubila, muadi wa mpungi neumvuike. Mfumu neatuluke mu diulu. Nanku bantu bafue batekemene Kristu, nebadianjile kubiika ku bafue.

Luke 14:14

Nanku newikale ne diakalenga, bualu bobu kabena mua kukupingajilabi. Mvidi Mukulu neakupingajilebi diba didiye ubisha ku bafue bantu bavua benza malu mimpe.

Didimanyisha 1:7

Tangila: udi upueka mu mavuba! Bantu bonsu nebamumone, nansha bavua bamutubule mubidi. Bisamba bionsu bia pa buloba nebidile muadi bualu buende. Eyowa, nebikale nanku! Amene.

Nsumuinu 15:24

Muntu wa lungenyi udi ulonda njila udi lunupetesha muoyi. Udi wepuka njila udi upueka mu kandondu ka buloba.

Filipe 1:10

bua numone mua kujingulula bidi biakane. Nanku dituku diafika Yezu Kristu, nenuikale kanuyi kalema, kabayi mua kunudiwula.

Misambu 17:15

Meme nenkumone, bualu tshivua muenze bibi. Pangabika, nenkutangile, kabiyi bintonda!

Misambu 16:11

Udi undombola mu njila, bua mpete muoyi. Ndi nsanka bikole muaba uudi, diakalenga dianyi didi amu pabuipi nebe kashidi.

Luke 12:21

Ke Yezu kuamba kabidi ne: — Ke bidi bienzekela muntu udi uditekela biuma nkayende, kayi mubanji kumpala kua Mvidi Mukulu!

1 Korente 15:48

Ba pa buloba mbafuanangane ne udibu benza ne buloba. Kadi ba mu diulu mbafuanangane ne udi mufume mu diulu.

Filipe 1:27

Kadi nuenze amu malu adi umvuangana ne Lumu lua Disanka lua Kristu. Nanku nansha meme mufike bua kunumona, nansha tshiyi mufike, nengumvue munudi bashale bashindame, badisange ne meji amue, nuluangana bonsu ne muoyi umue, bua ditaba didi Lumu lua Disanka lunupetesha.