Filipe 3:17 - MUKANDA WA MYIDI MUKULU

¹⁷ Bana hetu, ndondayi bonsu mu makasa. Tuvua banuleje tshilejilu. Nanku tangilayi bikole badi bidikija tshilejilu etshi.

Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Bana betu, nulue bienu bangidikishi banyi hohamue; nutangile bantu badi benda nunku bu munudi nʼetu bu tshidikishilu.

Filipe 3:17 Referans Kwoze

Filipe 4:9

Nukumbaje bimvua munulongeshe, binuvua bapete kundi, binuvua bumvue ngamba, binuvua bamone ngenza. Nanku Mvidi Mukulu, mutupi wa bupole, neikale nenu.

1 Korente 4:16

Ke pandi nnusengelela ne: ngidikijayi.

1 Petro 5:3

Kanukengeshi ne bumfumu bunudi nabu bantu badibu banupeshe bua nubalame. Kadi nubaleje tshilejilu tshimpe.

2 Tesalonike 3:9

Tuvua benze nanku, ki mbua se katuvua ne bukokeshi bua kupeta diambuluisha kunudi. Kadi tuvua basue kunuleja tshilejilu tshia nuenu kulonda.

Ebrewu 13:7

Vulukayi balombodi benu ba kale, bavua banumanyishe muaku wa Mvidi Mukulu. Nuvuluke muvuabu basombe panu, nuvuluke lufu luabu. Nuidikije ditaba diabu.

1 Timote 4:12

Muntu kakupetudi bua paudi nsongalume. Uleje bena ditaba malu mimpe a dinanga, a ditaba, ne a bunonoke, mu bionsu biudi wamba, ne bionsu biudi wenza.

2 Tesalonike 3:7

Nudi bamanye munudi mua kulonda tshilejilu tshietu. Bualu patuvua kuenu aku, katuvua bena lulengu to.

1 Korente 10:32

Kadi kanulenduishi nansha muena Yuda, nansha muntu wa mu tshisamba tshikuabu, nansha Tshisumbu tshia bena ditaba.

2 Tesalonike 3:14

Padi muntu kayi muitabe mikenji itudi bafunde mu mukanda ewu, numumanye. Kanuendakanyi nende, bua bundu bumukuate.

1 Tesalonike 1:6

Nuvua bidikije tshituvua benze, ne tshivua Mfumu wenza. Nansha banukengeshe bikole, nuvua bitabe muaku wa Mvidi Mukulu, ne disanka didi Mueyelu wa Tshijila ufila.

Rome 16:17

Bana hetu, ndi nnulomba ne: nudimukile bantu badi bajula ditapulukangana, bakeba kupambula bena ditaba mu njila, babenga bivuabu banulongeshe. Numuke kudi bantu ba nanku.

Misambu 37:37

Jooja muntu udi wenza malu makane, tangila muntu wa nsongu. Neumone ne: muntu wa nenku udi ne diakalenga mu bana bende.

1 Korente 11:1

Ngidikijayi, mundi ngidikija Kristu.