Ekesode 9:29 - MUKANDA WA MYIDI MUKULU

²⁹ Moshe kumuandamuna ne: — Pangumuka mu musoku emu, nengele bianza mulu kudi Maweja-Nangila bua mvula wa makubakuba ne mabue akamuke. Nanku neujadike ne: buloba buonsu mbua Maweja-Nangila.

Mukanda wa Nzambi Dihungila Dikulukulu ne Dihungila Dihia-dihia 2003

²⁹ Mose wakamuambila ne, Hanaluhuka mu musoko eu, nengolole bianza bianyi kudi Yehowa, makubakuba neashike, mabue a nvula neashike kabidi, bualu bua kukumanyisha ne buloba budi bua Yehowa.

Ekesode 9:29 Referans Kwoze

1 Korente 10:26

Bualu Mukanda wa tshijila udi wamba ne: “Buloba ne bionsu bidipu mbintu bia Mfumu.”

Yeshaya 1:15

Panudi nuolola bianza bienu kulu bua kuntendelela, ndi mbuikila ku mesu bua tshimonyi. Nansha nuenu nuntendelela misangu ne misangu, tshiena musue kunuteleja to. Bualu bianza bienu bidi ne mashi a bantu tente.

Misambu 143:6

Ndi ngolola bianza kuudi, ndiumvua ku mesu ebe ne nyota bu buloba buume bukeba mayi.

1 Bakalenga 8:38

padi bantu bebe, bena Izrayele, badiunwue ne: tudi benza bibi, banyingalala, padibu bakutendakena, batangila ku nzubu eku, bela bianza mulu bua kukutendelela,

1 Bakalenga 8:22

Pashishe, Shelomu kuimana kumpala kua tshilambuilu tshia Maweja-Nangila, muele bianza mulu, bena Izrayele bonsu batangila. Uvua utendelela Maweja-Nangila,

Dielulula 10:14

Diulu dijima, buloba ne bionsu bidipu, mbintu bia Maweja-Nangila Mvidi Mukulu wenu.

1 Korente 10:28

Kadi pikala muntu unuambila ne: “Munyinyi ewu ngwa ku nyama uvuabu balambule mvidie,” kuudi to! Kadi unemeke muntu udi ukuambila nanku, unemeke kabidi kondu ka munda,

Misambu 135:6

Maweja-Nangila udi wenza bionsu bidiye musue, nansha mu diulu nansha pa buloba, nansha mu mayi manene, nansha mu kandondu ka buloba.

Misambu 50:12

Meme ne nzala, tshiena mua kukulomba tshintu, bualu buloba bujima ne bidipu mbianyi meme.

Yobe 11:13

Kadi wewe Yobe, olola bianza biebe kudi Mvidi Mukulu, umutendelele.

Ezela 9:5

Dilolu, diba dia kulambula milambu dikumbana, meme kumuka muaba umvua nsomba mubungame. Ntshivua ne tshinkutu tshianyi ne bilamba bianyi bimvua mupande. Meme kutua binu panshi, kuela bianza mulu kudi Maweja-Nangila Mvidi Mukulu wanyi,

Ekesode 19:5

Mpindiewu, nuenu bitabe tshindi nnuambila, balame ndondu wanyi, nenuikale tshisamba tshianyi tshindi musungule munkatshi mua bisamba bionsu bidi pa buloba. Bualu buloba bujima mbuanyi meme.

Ekesode 9:33

Moshe kumuka kudi mukalenga wa bena Ejipitu, kupatuka mu musoku. Kuelaye bianza mulu kudi Maweja-Nangila. Mvula kukamuka, makubakuba ne mabue a mvula kujika.

Ekesode 8:22

Moshe kuandamuna ne: — Kabiena mua kuenzeka to. Bualu nyama itudi tulambula Maweja-Nangila Mvidi Mukulu wetu, bena Ejipitu badi bayinemeka. Pamonabu tulambula nyama ayi, nebatuase mabue batushipa.

Ekesode 20:11

Bualu meme Maweja-Nangila ndi mufuke diulu, mayi manene ne bionsu bidimu, anu mu matuku asambombu. Meme kuikisha dituku dia muanda mutekete, kudijidila, bua dikale dituku dia Dikisha.

Ekesode 8:6

Mukalenga wa bena Ejipitu kumuambila ne: — Undombele malaba. Moshe kumuambila ne: — Nebikuenzekele muudi ulomba anu bua ujadike ne: kakuena utudi mua kufuanyikija ne Maweja-Nangila Mvidi Mukulu wetu.