Ekesode 9:24 - MUKANDA WA MYIDI MUKULU

²⁴ Mvula mukole wa mabue ne makubakuba wa nanku katshia kavua muanji kuloka mu ditunga dia Ejipitu.

Mukanda wa Nzambi Dihungila Dikulukulu ne Dihungila Dihia-dihia 2003

²⁴ Mabue a nvula ne miele ya nvula biakabuelakana, biakatamba bikole, kabakatangila bualu abu mu buloba bua Ejipitu katshia bualua tshisamba tshia bantu.

Ekesode 9:24 Referans Kwoze

Matayi 24:21

Bualu tshikondu atshi, dikenga nedikale dikole, dipite makenga onsu avua menzeke ku ntuadijilu wa bukua bantu, too ne mpindiewu. Makenga a nanku kaakuenzeka kabidi to.

Ekesode 10:6

Mpasu neyuwule mu nzubu muebe tente, mu nzubu ya balombodi ba mu bukalenga buebe too ne mu nzubu ya bena Ejipitu bakuabu bonsu. Kabidi bankambua benu kabavua banji kumona tshipupu tshia mushindu ewu to.” Moshe kupatuka, kushiyangana ne mukalenga wa bena Ejipitu.

Ekesode 9:23

Moshe kuela dikombu mulu. Maweja-Nangila kulokesha mvula mukole wa makubakuba ne wa mabue.

Ekesode 9:18

Nanku, malaba pa diba edi, nendokeshe mvula mukole wa mabue, udi kayi muanji kuloka mu ditunga dijima dia Ejipitu too ne mpindiewu.’

Ekesode 9:25

Mabue a mvula awu kushipa bantu ne bimuna bia mu ditunga dia Ejipitu. Kunyangakajaye kabidi bikunyibua bivua mu madimi ne mitshi yonsu.

Yezekiyele 13:13

Meme Maweja-Nangila Mvidi Mukulu, ndi nnuambila ne: Tshiji tshianyi netshijule mvula wa tshipupu, difika dianyi dia munda nedijule mvula wa tshipepele tshikole. Pandi mfika munda, nendokeshe mvula wa mabue bua kunubutula.

Yobe 38:23

Mvua mubilamine mu tshikondu tshia makenga, bua matuku a mvita ne a ndululu.

Misambu 18:13

Mabue a mvula ne makala a kapia, avua apatuka bu butoke buvua kumpala kuende, apanda mavuba makuatakane.

Misambu 105:32

Kubatuminaye mvula wa mabue, nkuba kuosha ditunga.

Yeshaya 30:30

Maweja-Nangila neakule. Bantu nebumvue bukole bua diyi diende. Nealeje mudiye ne diboku dia bukole, dia kunyoka nadi bantu. Nealeje bantu patoke, mudi tshiji tshiende tshikole. Neabatumine kapia, kadi kosha kashidisha. Neabatumine mvula wa mudimbi, wa mabue, ne nkuba.

Yezekiyele 1:4

Bimvua mumone mbiebi: lupepele lukole lua mvunde, luvua lufumina ku mutu wa ditunga, lusaka dituba dinene dinyungulukila kudi bukenke. Mu divuba amu mutua mupatuka miele ya mvula. Munkatshi mua divuba edi, muvua kapia katema bu tshiamu tshiengelela.