Ekesode 8:15 - MUKANDA WA MYIDI MUKULU

¹⁵ Benji ba bilengulengu bamone nanku, kuambilabu mukalenga wa bena Ejipitu ne: — Ebi bidi bienzeka ku bukole bua Mvidi Mukulu. Kadi mukalenga wa bena Ejipitu uvua anu ne tshitunu. Kubengaye diyi dia Moshe ne Arone bu muvua Maweja-Nangila mudianjile kuamba.

Mukanda wa Nzambi Dihungila Dikulukulu ne Dihungila Dihia-dihia 2003

¹⁵ Kadi bakatangila Palô ne, Bualu buakushika, wakakolesha mutshima wandi, kakabinvuila, bu muakamba Yehowa.

Ekesode 8:15 Referans Kwoze

Yeshaya 26:10

Kadi padibu bafuile benji ba bibi luse, kabena balonga bidibu ne bua kuenza to. Nansha mu ditunga edi mudi bantu bakutshina, badi benza amu bibi, kabayi bavuluke muudi wewe Maweja-Nangila ne bukole.

Ebrewu 3:15

Bualu Mukanda wa tshijila udi wamba ne: “Lelu panudi numvua diyi dia Mvidi Mukulu, kanupapiji mioyi yenu, bu tshikondu tshinuvua bamutombokele.”

Ebrewu 3:8

kanupapiji mioyi yenu bu tshikondu tshinuvua bamutombokele, dituku dinuvua bamutete mu tshipela.

Muambi 8:11

Muntu udi wenza malu mabi kabena bamunyoka mpindiewu. Ke padi bantu benza malu mabi misangu yonsu.

Ekesode 7:4

Kadi kakuitaba to. Nanku nemmuenzeje malu ku bukole. Nemmunyoke, bua mmone mua kupatula tshisamba tshianyi tshia bena Izrayele balondangane bimpe mu bisamba biabu mu ditunga diende.

Ekesode 14:5

Mukalenga wa bena Ejipitu ne bena mu bukalenga buende kumvua ne: bena Izrayele mbamane kunyema. Nanku kuambabu ne: “Tudi benze bibi. Katuvua mua kuanyisha bua bapika betu bena Izrayele bumuke to.”

Ekesode 4:21

Maweja-Nangila kuambila kabidi Moshe ne: — Ndi nkupesha bukole bua kuenza bishima. Pawafika kudi mukalenga wa bena Ejipitu, wenze bishima bionsu bindi mukuleje. Kadi meme nemmupeshe muoyi wa tshitunu. Kakuanyisha bua bena Izrayele bumuke to.

Didimanyisha 16:9

Munya kuosha bantu bikole. Ke bantu kusendeka dina dia Mvidi Mukulu uvua ulongolola bipupu ebi. Kadi kabavua badilengeja, kabavua batumbisha Mvidi Mukulu to.

Osheya 6:4

Kadi Maweja-Nangila udi unukonka ne: “Bena Efrayime, nennuenzele tshinyi? Bena Yuda, nennuenzele tshinyi? Dinnanga dienu didi dijika lukasa, bu mudi dibungi dia mu dinda, nansha bu mudi lumuma, ludi luuma amu mpindiewu.

Nsumuinu 29:1

Muntu udi uteka mutu mukole padibu bamubela, dimue neabutuke kakuyi tshidi tshikandika.

Ekesode 8:8

Moshe ne Arone kushiyangana ne mukalenga wa bena Ejipitu. Moshe kutendelela Maweja-Nangila bua umushe ndimba iwaye mutumine mukalenga wa bena Ejipitu.

Ekesode 8:14

Benji ba bilengulengu ba bena Ejipitu kuidikija mua kuipata tumue atu, ku majimbu abu. Kadi kupangilabu. Tumue tuvua tusuma amu kusuma bantu ne nyama.

Ekesode 8:16

Maweja-Nangila kuambila Moshe ne: — Malaba dinda, padi mukalenga wa bena Ejipitu upatuka bua kuya ku musulu wa Nile, uye kumuambila ne: “Maweja-Nangila mmuntume bua ulekele bantu bende, baye kumutendelela.

Ekesode 8:28

Kadi mukalenga wa bena Ejipitu kuenza kabidi tshitunu. Kena muanyishe bua bena Izrayele bumuke to.

1 Samuele 6:6

Kanuenji tshitunu bu muvuabu benza kudi mukalenga wa bena Ejipitu ne bantu bende. Nuvuluke muvua Mvidi Mukulu ewu mukengeshe bena Ejipitu, too ne muavubu kuanyisha bua bena Izrayele bapatuke ku bupika.

Nsumuinu 26:11

Muntu mutshimbakane udi upingana ku bupote buende, bu mudi mbua udiululula biluishi biende.

1 Samuele 6:3

Batuangaji ne bena Mbuku kuandamuna ne: — Panuikala basue kupingaja mushete wa Mvidi Mukulu wa bena Izrayele, kanuena mua kuupingaja tshianana to. Mbimpe nulambuleku Mvidi Mukulu wa bena Izrayele mulambu wa didia tshibalu. Nanku masama enu neajike. Kabidi nenujadike tshivua Maweja-Nangila ewu unukengeshila anu kunukengesha, kayi ulekela kunuleja bukole buende.

1 Samuele 6:9

Nanku nenumone: pikala ngombe milonde njila udi muye mu ditunga dia bena Izrayele, luseke lua ku Bete-Shemeshe, nenujadike ne: Mvidi Mukulu wa bena Izrayele, ke udi munutumina makenga onsu aa. Kadi pikala ngombe kayiyi milonda njila ewu, netujadike ne: Maweja-Nangila wa bena Izrayele kena mututumina makenga aa to, kadi tudi bapeta makenga aa mu mpukapuka.

1 Samuele 6:12

Ngombe kuya buludi, ilonda njila wa ku Bete-Shemeshe, yenda idila, kayiyi yepuka ku dia balume nansha ku dia bakaji. Bamfumu ba bena Peleshete bavua benda balonda ditempu panyima too ne ku mukalu wa Bete-Shemeshe.