Ekesode 7:14 - MUKANDA WA MYIDI MUKULU

¹⁴ Maweja-Nangila kuambila Moshe ne: — Mukalenga wa bena Ejipitu udi ne tshitunu. Kena musue kulekela bena Izrayele bumuke ku bupika to.

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Yehowa wakambila Mose ne, Mutshima wa Palô udi ne tshitshu, yeye udi uhidia kulekela bantu.

Ekesode 7:14 Referans Kwoze

Ekesode 10:27

Mukalenga wa bena Ejipitu kena mulekele bena Izrayele to, bualu Maweja-Nangila uvua mumupeshe muoyi wa tshitunu.

Ekesode 10:20

Kadi mukalenga wa bena Ejipitu kena mulekele bena Izrayele to, bualu Maweja-Nangila uvua mumupeshe muoyi wa tshitunu.

Ekesode 10:1

Maweja-Nangila kuambila Moshe ne: — Uye kudi mukalenga wa bena Ejipitu. Meme ke udi mumupe muoyi wa tshitunu, yeye ne balombodi ba mu bukalenga buende bua mmone mua kuenza bishima bionsu ebi mu ditunga diende.

Ekesode 8:15

Benji ba bilengulengu bamone nanku, kuambilabu mukalenga wa bena Ejipitu ne: — Ebi bidi bienzeka ku bukole bua Mvidi Mukulu. Kadi mukalenga wa bena Ejipitu uvua anu ne tshitunu. Kubengaye diyi dia Moshe ne Arone bu muvua Maweja-Nangila mudianjile kuamba.

Ebrewu 12:25

Nanku nudimuke! Kanubengi kuteleja udi wakula nenu. Bantu bavua babenga kuteleja muntu uvua ubabela pa buloba mu dina dia Mvidi Mukulu, batata bapete dinyoka. Nanku tuetu nangananga nebatunyoke patudi tubenga udi utuambila diyi didi difume mulu.

Zekâya 7:12

Kupapishabu muoyi wabu bu dibue dia mbonge. Kabavua basue kumvua malongesha a Maweja-Nangila wa bukole buonsu, avua Mueyelu wende muakuile kale mukana mua bambi. Nanku Maweja-Nangila kufika munda bikole,

Yirmeya 9:6

Nanku, Maweja-Nangila wa bukole buonsu udi wamba ne: “Ndi musue kubengulula mu kapia. Nembatete mbalengeje. Ke tshindi ne bua kuenzela bantu bena Izrayele, bua tshikisu tshiabu.

Yirmeya 8:5

Kadi, bena mu Yerushalayime badi bapambuke mu njila, kabena bapingana mu njila bua tshinyi? Badi anu batungunuka ne kutendelela mvidie ya tshianana? Kabena basue kupingana kundi.

Yeshaya 1:20

Kadi panuikala bambenge, bantombokele, nenufue ku muele. Meme Maweja-Nangila ndi ngamba nanku.

Ekesode 10:4

Kadi pawikala ubenga anu kubenga bua kulekela bantu banyi, malaba ndi ntuma mpasu mu ditunga dijima dia Ejipitu.

Ekesode 9:2

Wewe mubenge bua kubatekela, wewe mubakandike amu kubakandika,

Ekesode 8:2

Arone kuolola diboku ku mutu kua mayi onsu mu ditunga dia Ejipitu. Ndimba kupatuka kubuela mu ditunga dionsu dia Ejipitu.

Ekesode 4:23

Nanku ndi nkutumina diyi ne: umulekele, aye kuntendelela. Kadi paudi ubenga bua kumulekela, ndi nshipa muanebe wa balume muanabute.”

Ekesode 7:13

Kadi mukalenga wa bena Ejipitu uvua anu ne tshitunu. Kubengaye diyi dia Moshe ne dia Arone, bu muvua Maweja-Nangila mumane kuamba.

Ekesode 7:15

Angata dikombu diebe divua diandamuka nyoka adi, uye nadi dinda dionsu ku muelelu wa musulu wa Nile, diba didi mukalenga upuekelamu. Uye kuimana kumpala kuende.

Ekesode 9:7

Mukalenga wa bena Ejipitu kukonka bantu bende bua kujadika tshivua tshienzeke. Kumuambilabu ne: bimuna bia bena Izrayele kabiena bifua nansha tshimue. Kadi mukalenga wa bena Ejipitu kena mutekete bena Izrayele to. Uvua anu ne tshitunu.

Ekesode 3:19

Ndi mumanye ne: mukalenga wa bena Ejipitu kakuitaba bua nuye, anu meme mumuenzeje ku bukole.

Ekesode 8:11

Mukalenga wa bena Ejipitu umona ne ndimba yajiki, tshitunu kumuenzatshi. Kena muitabe diyi dia Moshe ne Arone bu muvua Maweja-Nangila mudianjile kuamba.

Ekesode 9:34

Mukalenga wa bena Ejipitu umona ne: mvula wakamuki, kabidi makubakuba ne mabue a mvula biajiki, kutungunukaye amu ne tshilema tshiende. Yeye ne balombodi ba mu bukalenga buende kuenza kabidi amu tshitunu.

Dielulula 2:30

Kadi mukalenga Sihone ewu kubenga bua tuetu kupitshila mu ditunga diende. Maweja-Nangila kumupesha muoyi wa tshitunu, bua numone mua kumunyenga ditunga dinudi mpindiewu.

1 Samuele 6:6

Kanuenji tshitunu bu muvuabu benza kudi mukalenga wa bena Ejipitu ne bantu bende. Nuvuluke muvua Mvidi Mukulu ewu mukengeshe bena Ejipitu, too ne muavubu kuanyisha bua bena Izrayele bapatuke ku bupika.