Ekesode 6:26 - MUKANDA WA MYIDI MUKULU

²⁶ Arone ne Moshe ke bavua Maweja-Nangila muambile ne: “Nupatule bena Izrayele bonsu balondangane bimpe mu bisamba biabu mu Ejipitu.”

Mukanda wa Nzambi Dihungila Dikulukulu ne Dihungila Dihia-dihia 2003

²⁶ Bantu aba Mose ne Alona mbantu bakambila Yehowa ne, Hatulai Bena Isalele mu buloba bua Ejipitu ku misumba yabo.

Ekesode 6:26 Referans Kwoze

Ekesode 12:51

Anu dituku adi. Maweja-Nangila kupatula bena Izrayele mu Ejipitu, balondangane mu bisamba biabu.

Ekesode 12:17

“Misangu yonsu mwuluke tshibilu tshia kudia mampa kaayi mela buanga. Bualu tshidi tshinuvuluija dituku dimvua mupatule bantu benu mu Ejipitu. Mukenji ewu nuulame kashidi ku ndelanganyi ne ku ndelanganyi yenu yonsu.

Ekesode 7:4

Kadi kakuitaba to. Nanku nemmuenzeje malu ku bukole. Nemmunyoke, bua mmone mua kupatula tshisamba tshianyi tshia bena Izrayele balondangane bimpe mu bisamba biabu mu ditunga diende.

Ekesode 6:13

Maweja-Nangila kuambila Moshe ne Arone ne: “Nunganyishe bena Izrayele ne mukalenga wa bena Ejipitu malu onsu aa bua bena Izrayele bamone mua kumuka mu Ejipitu.”

Dibadika 33:1

Bena Izrayele bamane kupatuka mu Ejipitu, kulondabu Moshe ne Arone, benda bikisha miaba mishilangane.

Mika 6:4

Nudi nuntompuela, bualu mvua munupatule mu Ejipitu, munupikule mu bupika, munutumine Moshe, Arone ne Miriyame bua kunulombola anyi?

Misambu 99:6

Moshe ne Arone, ba munkatshi mua batuangaji bende, Samuwele wa munkatshi mua bavua babikila dina diende, bonsu aba kubikilabu Maweja-Nangila. Yeye uvua ubitaba.

Misambu 77:20

Mvidi Mukulu uvua mupande njila mu mayi manene, uvua wendela muinshi mua mayi manene muntu kavua mua kumona dikasa diebe.

1 Kulondolola 6:3

Bana ba balume ba Kekate badi nenku: Amrame, Ishare, Ebrone ne Uziyele.

1 Samuele 12:8

Yakobe ne bena diende bonsu bamane kuya mu Ejipitu, bankambua benu kukenga bikole. Kubikilabu Maweja bua abambuluishe. Maweja-Nangila kutuma Moshe ne Arone bua kupatula bena Izrayele mu Ejipitu, ne bua kubafila mu ditunga ditudi edi.

1 Samuele 12:6

Samuwele kubambila kabidi ne: — Maweja-Nangila ke mujadiki wa bualu ebu. Yeye ke uvua musungula Moshe ne Arone bua kupatula bankambua benu mu Ejipitu.

Yoshua 24:5

Bidimu bia bungi bimane kupita, meme kutuma Moshe ne Arone. Meme kukengesha bena Ejipitu ne bipupu bia mishindu yonsu, bangabanga ne meme kupatula tshisamba tshienu tshia bena Izrayele tshivua mu ditunga adi.

Ekesode 32:11

Moshe umvua nanku, kutendakenaye Maweja-Nangila Mvidi Mukulu wende, wamba ne: — Bantu aba mbantu bebe, wewe ke uvua mubapatule mu Ejipitu ku bukole buebe. Lekela kubafikila munda nanku,

Ekesode 32:7

Maweja-Nangila kuambila Moshe ne: — Tuluka lukasa, bualu bantu bauvua mupatule mu Ejipitu mbenze bualu bubi bupite.

Ekesode 32:1

Bena Izrayele bamona ne: Moshe wapitshi kujingakana ku mukuna, kuambilabu Arone ne: — Utuenzele mvidie, afilele kumpala kuetu. Bualu muntu ewu Moshe, uvua mutupatule mu Ejipitu, katuena bamanye tshidi tshimuenzekela to.

Ekesode 20:2

— Meme ndi Maweja-Nangila, Mvidi Mukulu webe, uvua mukupatule mu ditunga dia Ejipitu, muvuabu bakukuate ku bupika.

Ekesode 13:18

Nanku, Mvidi Mukulu kunyungulula bena Izrayele. Kulondabu njila wa mu tshipela bua kuya luseke ludi Mayi manene makunze. Bena Izrayele kupatuka mu Ejipitu, balondangane mu bisamba biabu.

Ekesode 6:20

Amrame uvua musele tatuende mukaji Yokebede. Mukaji ewu kulela Moshe ne Arone. Amrame wakashala ne muoyi bidimu lukama ne makumi asatu ne muanda mutekete.

Ekesode 6:7

Nenuikale bantu banyi, nengikale Mvidi Mukulu wenu. Nenujadike ne: meme Maweja-Nangila ndi Mvidi Mukulu wenu. Ndi munumushe ku midimu mikole inuvua nuenzela bena Ejipitu.

Genese 2:1

Ke muvua Mvidi Mukulu mujikije diulu, buloba ne bintu bionsu bidipu.

Ekesode 12:41

Bidimu abi nkama inayi ne makumi asatu bikumbana, dituku dia tshivulukilu, bisamba bionsu bia bena Izrayele kupatuka mu Ejipitu balondangane bimpe mu milongu.