Ekesode 6:1 - MUKANDA WA MYIDI MUKULU

¹ Maweja-Nangila kuambila Moshe ne: — Neudimuene nkayebe mundi ngenzeja mukalenga wa bena Ejipitu ku bukole bua kulekelaye bena Izrayele baye. Nemmuenzeje kabidi ku bukole bua abipate mu ditunga diende.

Mukanda wa Nzambi Dihungila Dikulukulu ne Dihungila Dihia-dihia 2003

¹ Yehowa wakambila Mose ne, Katataka wewe mutangile bu mundi ngenzela Palô, bualu bua yeye neabalekele ku tshianza tshikole, neabihate mu buloba buandi ne tshianza tshikole.

Ekesode 6:1 Referans Kwoze

Ekesode 12:33

Bena Ejipitu kuipata bena Izrayele mu ditunga diabu bamba ne: “Umukayi lukasa, bualu tudi mua kubutuka.”

Misambu 136:12

Kulejaye bukole buende, bualu dinanga diende ndia kashidi.

Ekesode 12:39

Nanku bena Izrayele kuenza mikata ne ditapi dia bukula buvuabu basopa kabuyi buanji kubanda, buvuabu bumuka nabu mu Ejipitu. Kabavua ne diba dia kulamba biakudia, nansha dia kuangata bintu bia luendu. Bualu bena Ejipitu bavua benda babipatshila.

Ekesode 12:31

Anu butuku abu mukalenga wa bena Ejipitu kubikila Moshe ne Arone kubambila ne: — Umukayi ne bena Izrayele mu ditunga dianyi, nuye kutendelela Maweja-Nangila bu munuvua bandombe.

Dielulula 32:39

“Nuenu bena Izrayele, nujadike lelu ne: meme Maweja-Nangila nkayanyi, ndi nnusungidila. Kakuena mvidie mukuabu to, anu meme. Meme ndi mfuisha bantu, mbalama ne muoyi. Ndi mbatapa mputa, mbondapa kabidi. Udi mua kunyenga muntu mu tshianza tshianyi udiku anyi?

Ekesode 11:1

Maweja-Nangila kuambila Moshe ne: — Ndi ntumina mukalenga wa bena Ejipitu ne bantu bende dinyoka dia ndekelu. Nanku neanulekele, anuipate mene kashidi mu ditunga diende.

Yeshaya 63:12

Ke yeye uvua wenda ku dia balume dia Moshe, umuambuluisha ne diboku diende dikole. Uvua mupandulule mayi, bena luendu batangile. Ke muvuaye mupete lumu kashidi.

Misambu 89:13

Wewe ke udi mufuke ku mutu kua ditunga, ne kuinshi kuadi, mukuna wa Tabore ne wa Ermone, idi isamuna dina diebe.

Misambu 12:5

“Tudi bamanye mua kuakula, bua tupete bionsu bitudi tujinga. Netuambe bionsu bitudi basue, katuyi tutshina muntu.”

2 Kulondolola 20:17

Kanuakuikala ne tshilumbu tshia kubaluisha muaba awu to. Nuenu bena Yerushalayime ne bena Yuda, nuimane amu muaba awu, numone mundi nnupikula. Kanutshinyi, kanupampakanyi. Malaba nuye kudibu. Nengikale nenu.”

2 Bakalenga 7:19

Muntu uvua wenda miaba yonsu ne mukalenga wa bena Izrayele uvua mubenge, wamba ne: “Nansha Maweja-Nangila mutunzuluile biibi bia mu diulu bua kututumina ntete, bualu buudi wamba ebu budi mua kuenzeka anyi?” Nanku, muambi Elisha uvua mumuandamune ne: “Eyowa, wewe neumone bualu ebu. Kadi kuakudia bintu abi to.”

2 Bakalenga 7:2

Kadi muntu uvua wenda ne mukalenga, kubenga, wamba ne: — Nansha Maweja-Nangila mutunzuluile biibi biamu diulu bua kututumina ntete, bualu buudi wamba abu budi mua kuenzeka anyi? Muambi Elisha kuandamuna ne: — Eyowa, wewe neumone bualu ebu. Kadi kuakudi a bintu ebi to.

Dielulula 4:34

Kudi mvidie ukadi mupatule tshisamba tshia bantu bende mu bupika, muleje bumfumu buende, ne bukole buende, bu munuvua nuenu badimuene anyi? Kudi mvidie uvua mukengeshe bantu, mutshimune mvita, muenze bishima ne malu a kukema, muenze kabidi ne malu adi akuatshisha bantu bowa, bu muvua Maweja-Nangila Mvidi Mukulu wenu munuenzele mu Ejipitu anyi?

Dibadika 23:23

Majimbu ne mbuku, kabiena biambuluisha bena Izrayele. Bionsu bidi Mvidi Mukulu musue kuenza, bena Izrayele badi babimanye pa diba.

Ekesode 14:13

Moshe kuandamuna bena Izrayele ne: — Nukoleshe muoyi. Kanutshinyi to! Nenumone mudi Maweja-Nangila unupandisha lelu. Bena Ejipitu banudi bamona aba, katshia kanuakubamona kabidi to.

Ekesode 13:3

Moshe kuambila bena Izrayele ne: — Nuvuluke dituku edi. Kanudi mampa adibu bela buanga to. Bualu ke dituku divua Maweja-Nangila muleje bukole buende, munupatule ku bupika mu Ejipitu.

Bienzedi 13:17

Mvidi Mukulu wa tshisamba etshi, Mvidi Mukulu wa Izrayele, mmusungule bankambua betu. Uvua muvu-dije tshisamba etshi, pavuatshi kua bende mu ditunga dia Ejipitu. Pashishe kubapatulaye mu Ejipitu ku bukole buende.

Ekesode 7:4

Kadi kakuitaba to. Nanku nemmuenzeje malu ku bukole. Nemmunyoke, bua mmone mua kupatula tshisamba tshianyi tshia bena Izrayele balondangane bimpe mu bisamba biabu mu ditunga diende.

Ekesode 7:5

Bena Ejipitu nebajadike ne: Meme ndi Maweja-Nangila, bualu nembenzeje ku bukole bua balekele bena Izrayele baye.

Ekesode 15:6

Maweja-Nangila, tshianza tshiebe tshia balume tshidi ne bukole, tshidi tshibutula baluishi bebe.

Ekesode 13:9

Tshibilu etshi netshikale bu tshimanyinu ku diboku nansha pa mpala yenu, bua kunuvuluija dipatuka dienu mu Ejipitu. Nanku, netshinuvuluije munudi ne bua kumanyisha bantu mikenji ya Maweja-Nangila, uvua munupatule mu ditunga dia Ejipitu.

Ekesode 13:14

Dituku dikuabu pikala bana benu banukonka tshinudi nuenzela nanku, nubambile ne: “Tudi tuvuluka bukole bua Maweja-Nangila, uvua mutupatule ku bupika mu Ejipitu.

Ekesode 13:16

Nanku, milambu eyi neinuvuluije bualu ebu, bu mudi tshimanyinu ku diboku nansha pa mpala. Neinuvuluije muvua Maweja-Nangila munupatule mu ditunga dia Ejipitu ku bukole buende.

Dibadika 11:23

Maweja-Nangila kuandamuna Moshe ne: — Meme ndi ne bukole bua kukumbaja bionsu abi. Wewe nkayebe neudimuene amu mpindiewu mundi mbikumbaja.

Misambu 12:6

Kadi Maweja-Nangila udi wamba ne: “Mpindiewu ndi mfika bua kuambuluisha bapele badibu bakengesha ne bena dikenga badi batua mikemu. Nempikule badibu badiombola.”