Ekesode 5:2 - MUKANDA WA MYIDI MUKULU

² Mukalenga wa bena Ejipitu kubandamuna ne: — Maweja-Nangila nnganyi? Meme tshiena mumanye Maweja-Nangila bua meme kuitaba diyi diende. Tshiena ndekela bena Izrayele baye to!

Mukanda wa Nzambi Dihungila Dikulukulu ne Dihungila Dihia-dihia 2003

² Palo wakamba ne, Yehowa nganyi? Tshiena ngitabusha di diandi bua kulekela Bena Isalele. Meme tshiena mumanye Yehowa ne tshiena ndekela Bena Isalele.

Ekesode 5:2 Referans Kwoze

Ekesode 3:19

Ndi mumanye ne: mukalenga wa bena Ejipitu kakuitaba bua nuye, anu meme mumuenzeje ku bukole.

Yobe 21:15

Badi bakuinyika ne: wa bukole buonsu. Kadi tudi ne bua kuikala bapika bebe anyi? Patudi tukutendelela, tshitudi tupeta ntshinyi?”

2 Bakalenga 18:35

Ku mvidie yonsu eyi, kakuena nansha umue uvua munkandike bua meme kukuata ditunga diende to. Kadi, Maweja-Nangila neankandike bua meme kukuata Yerushalayime mushindu kaayi?”

2 Tesalonike 1:8

Neatulukile bu kapia kela ndimi, bua kunyoka badi kabayi banemeka Mvidi Mukulu, kabayi bitaba Lumu lua Disanka lua Mfumu wetu Yezu.

Rome 1:28

Bu muyuabu babenga kumanya Mvidi Mukulu, Mvidi Mukulu mmubafile ku butshimbakane, bua kuenzabu bivuabu kabayi mua kuenza.

Yowanane 16:3

Nebanuenze nanku, bualu kabavua bamanye Tatu, nansha meme.

Misambu 14:1

Bantu batshimbakane badi badiakuila ne: Mvidi Mukulu kenaku to. Bantu aba mbantu babi, badi benza malu mabi mapite. Nansha umue kena wenza tshidi Mvidi Mukulu musue.

Misambu 12:4

Maweja-Nangila, butula bena lubombu bonsu, puwisha badi baditemba, bamba ne:

Misambu 10:4

Muntu mubi udi wela mpala mulu, wamba ne: “Mvidi Mukulu kena unyoka muntu. Kenaku mene.” Ke meji onsu adi muntu mubi wela.

2 Kulondolola 32:19

Bavua batela Mvidi Mukulu wa Yerushalayime bu badi batela mvidie ya bisamba bikuabu, ya mitshi misonga kudi bantu.

2 Kulondolola 32:15

Nanku kanuena mua kuitaba, bua Izkiya ikale unushima, unulembakaja nenku. Kanumuitabi to! Ndi ngamba, ngambulula ne: mvi-die nansha umue wa tshisamba kampande, nansha wa ditunga kansanga, kena mupikule bantu bende ku bianza bia bankambua banyi, nansha ku bianza bianyi to. Nanku mvidie yenu kayena mua kunusungidila nansha kakese.”

1 Samuele 2:12

Bana ba balume ba mutuangaji Eli bavua bantu babi. Kabavua batshina Maweja-Nangila to.

Ekesode 7:17

Nanku Maweja-Nangila udi wamba ne: Mpindiewu neujadike bukole buanyi! Ndi ntuuta dikombu edi pa musulu wa Nile, bua mayi onsu andamuke mashi.

Balombodi 2:10

Pashishe bantu bonsu ba tshikondu tshia Yoshuwa kufua. Ndelanganyi yonsu ivua ilonda, kayivua mimanye Maweja-Nangila bimpe, kabidi kayivua mimanye bionsu bivuaye muenzele bena Izrayele.

2 Kulondolola 32:14

Kumvidie yamatunga onsu adi bankambua banyi banyanga, mvidie nansha umue ki mmupandishe bantu bende to. Nanku, Mvidi Mukulu wenu udi mua kunupikula kundi munyi?

Nehemya 9:10

Uvua muenze malu a kukema, bua kunyoka mukalenga wa mu Ejipitu, nebalombodi ba mu bukalenga buende, ne bantu bonsu ba mu ditunga diende. Bualu uvua mumanye muvua bena Ejipitu bakengesha bankambua betu. Ke muuvua mupete lumu lunene. Utshidi nalu ne lelu.

Yirmeya 42:13

Yirmeya kuamba kabidi ne: — Bumue nuenu nudi mua kubenga kuitaba meyi a Maweja-Nangila Mvidi Mukulu wenu. Nudi mua kuamba ne: Katuena mua kuya kusomba mu ditunga dietu edi to.

Yirmeya 48:26

Bena Mowabe mbatombokele Maweja-Nangila. Nembanuishe maluvu bua bakuatshike, baluke, badishinde mu bilushi, bantu bonsu kubaseka.

Danyele 3:15

Nenumvue kabidi mpindiewu bela mpungi, nshiba, nzenze, lunkombe, ne biombelu bikuabu bionsu. Nanku mpindiewu nenuiname panshi, nukukuile lupingu lundi muenzeje anyi? Kadi binuabenga kulukukuila, diakamue badi banuela mu tshikutu tshidi ne kapia kakole. Diba adi, mvidie kaayi udi mua kunusungidila kundi?

1 Samuele 25:10

Kadi Nabale kubakonka ne: — Davide wa Ishayi nnganyi? Matuku aa, bapika ba bungi badi batombokela bamfumu babu, babanyema.

Yobe 15:25

Bualu bantu aba bavua batonuena Mvidi Mukulu wa bukole buonsu mesu.

Yobe 15:26

Bantu babi aba badi banuluisha, binama, basokome muinshi mua ngabu, benda baluisha Mvidi Mukulu.

Misambu 12:5

“Tudi bamanye mua kuakula, bua tupete bionsu bitudi tujinga. Netuambe bionsu bitudi basue, katuyi tutshina muntu.”

Nsumuinu 30:9

Bualu meme ne bintu bipite bungi, ndi mua kukuvila ne: ‘Tshidi Mvidi Mukulu wenza ntshinyi?’ Kadi meme mupele menemene, ndi mufuane kuiba, bua kupepeja nanku Mvidi Mukulu wanyi.”