Ekesode 4:15 - MUKANDA WA MYIDI MUKULU

¹⁵ Neumumvuije tshidiye mua kuamba. Nennuambuluishe wewe ne muanenu Arone bua nuakule bimpe. Nennumanyishe tshinudi mua kuenza.

Mukanda wa Nzambi Dihungila Dikulukulu ne Dihungila Dihia-dihia 2003

¹⁵ Wewe neuyikile handi, neuteke mei mukana muandi, meme nengikale ne mukana muebe ne mukana muandi, nenkuyishe malu anudi mua kuenza.

Ekesode 4:15 Referans Kwoze

Yeshaya 51:16

Ndi mbalula tshiakabidi diulu, ndi nshindika kabidi buloba. Nengambile bena mu Yerushalayime ne: “Nuenu nudi bantu banyi. Ndi nnupesha mikenji yanyi. Nennusokoke mu tshianza tshianyi.”

Luke 21:15

Meme nennupeshe miaku ne meji bidi nansha umue wa ku bena lukuna benu kayi mua kutontolola, nansha kubenga.

Dielulula 18:18

Nanku nembatumine muambi wa munkathi mua bana babu, bu muudi wewe Moshe. Nengikale mmuambila malu, yeye umanyisha bena Izrayele bionsu bingikala mumumanyishe.

Dibadika 23:16

Maweja-Nangila kuyukila ne Balaame, kumumanyisha malu a kuambila Balake, kumupingaja kudiye.

Dibadika 23:12

Balaame kuandamuna ne: — Mudimu wanyi udi amu wa kuamba tshidi Maweja-Nangila ummanyisha. Ki mmomumue anyi?

Dibadika 23:5

Maweja-Nangila kumanyisha Balaame malu a kuambila Balake, kumupingaja kabidi kudiye.

Yirmeya 1:9

Pashishe kuololaye tshianza kundengaye mukana, ungambila ne: — Wewe, newambile bantu miaku yanyi.

Yeshaya 59:21

Maweja-Nangila kuamba kabidi ne: “Monayi ndondu undi ntua nenu: Mueyelu wanyi neunutulukile. Ndi nnulongesha malu anyi bituadije ku mpindiewu ne kashidi. Tshiena ngumusha dilongesha edi kunudi, nansha kudi bana benu, nansha kudi biikulu benu. Meme Maweja-Nangila ndi njadika nanku awu.”

Matayi 28:20

Nubalongesha kabidi mua kukumbaja bionsu bimvua munuambile. Manyayi ne: Meme nengikale nenu matuku onsu, too ne ku ndekelu kua bidimu.

2 Samuele 14:3

Pashishe uye kudi mukalenga Davide, umumanyisha malu onsu andi nkuambila. Yowabe kuambila mukaji bionsu bivuaye mua kumanyisha mukalenga Davide.

Dibadika 22:38

Balaame kuandamuna ne: — Mbafiki! Kadi tshiena ne tshia kuamba to! Nenkuambile amu bualu budi Mvidi Mukulu ummanyisha.

Ekesode 4:12

Nanku, kuajiki! Ndaku. Nenkuambuluishe bua wakule bimpe. Nenkumanyishe malu a wewe kubambila.

1 Korente 11:23

Telejayi bimvua mupete kudi Mfumu, kabidi bimvua munulongeshe. Mfumu Yezu, butuku buvuabu ne bua kumukuata, uvua muangate diampa.

Dielulula 5:31

Kadi wewe Moshe ushale pabuipi nanyi, bua nkuambile meyi ne mikenji bionsu bia kumanyisha bena Izrayele, bua babikumbaje mu ditunga dindi mbapesha.”

1 Korente 15:1

Bana hetu, mpindiewu ndi musue kunuvuluija Lumu lua Disanka lumvua munulongeshe. Nuvua baluitabe, baluangate bu nshindamenu wa ditaba dienu.

Ekesode 3:12

Mvidi Mukulu kumuandamuna ne: — Meme ndi nebe. Ndi nkupa tshimanyinu tshidi tshileja ne: Meme ke udi mukutume. Wewe mumane kupatula bena Izrayele mu ditunga dia Ejipitu, nenuntendelele pa mukuna wa Sinayi ewu.

Ekesode 4:28

Moshe kuambila Arone bionsu bivua Maweja-Nangila mumuambile. Kumumanyishaye kabidi bishima bivuaye mumuleje bua kuenza.

Ekesode 4:30

Arone kubambuluila bionsu bivua Maweja-Nangila muambile Moshe. Moshe kubaleja bishima.

Dibadika 16:28

Moshe kuamba ne: — Nenujadike mundi tshiyi ndienzela malu nkayanyi to, kabidi mudi Maweja-Nangila nkayende muntume bua kukumbaja bionsu ebi.

1 Samuele 16:3

Ubikidishe Ishayi ku mulambu awu. Meme Maweja-Nangila nenkuleje tshiudi mua kuenza. Muntu ungikala mukuleje awu, neumujidile mukalenga, bua kungenzelaye mudimu. Amuwele kuitaba, kuya ku Betleyeme. Bakulu ba mu tshimenga bamumona, kupampakanabu bikole. Kuyabu kumuakidila, bamukonka ne: — Udi mufike munemu bua kutuambilaku bualu bua disanka anyi?

Misambu 51:15

Badi bakutombokela, nembalongeshe mudibu mua kukulengelela, bua badilengeje, bitabe ku diyi diebe.

Yirmeya 36:32

Nanku, Yirmeya kuangata muvungu mukuabu wa tshiseba, kuupesha Baruke mufundi. Awu kufunda bionsu bivua Yirmeya umuambila, ke malu onsu avuabu bafunde mu mukanda uvuabu boshe kudi mukalenga Yoyakime, ne malu makuabu a bungi a mushindu wa momumue.

Misambu 25:12

Maweja-Nangila nealeje muntu udi umunemeka, njila udiye ne bua kusungula.