Ekesode 34:7 - MUKANDA WA MYIDI MUKULU

⁷ Ndi mfuila bantu luse too ne ku ndelanganyi tshinunu, mbajimijila bubi buabu, buntomboji ne ditupakana diabu. Kadi, tshiena mbingisha muntu udi mupile. Ndi nnyoka bana ba ndelanganyi misatu nansha minayi bua buenzayi bua baledi babu.”

Mukanda wa Nzambi Dihungila Dikulukulu ne Dihungila Dihia-dihia 2003

⁷ udi ulesha binunu bia bantu luse lujalame, udi ubuikidila bantu malonga abo ne kusambuka kuabo kua mikenji ne malu mabi abo; kadi kena ubingisha muntu udi uhila; udi utumina bana ba tshikondo tshisatu anyi tshinai mibi ya batatuʼabo.

Ekesode 34:7 Referans Kwoze

Misambu 103:3

Yeye ke udi umbuikidila malu mabi anyi onsu, ondapa masama anyi onsu,

Efeze 1:7

Mvidi Mukulu mmutupikule ku bubi, mmutujimijile mibi yetu yonsu ku mulambu wa lufu lua Yezu Kristu. Ke muvuaye mutuleje ditunanga diende dia dikema.

Yirmeya 32:18

Udi unanga bantu too ne ku ndelanganyi yabu tshinunu. Kadi padi baledi benza tshilema, udi unyoka ne bana babu mene. Udi Mvidi Mukulu munene ne wa bukole. Dina diebe mMvidi Mukulu wa bukole buonsu.

1 Yone 1:9

Kadi tuetu batondele Mvidi Mukulu mibi yetu, tudi mua kutekemena ne: Mvidi Mukulu neakumbaje bivuaye mulaye. Neatujimijile mibi yetu; neatupikule ku bubi buonsu.

Danyele 9:9

Kadi wewe Maweja-Nangila, Mvidi Mukulu wetu, bu muudi utunanga, udi utufuila luse, nansha tuetu bakutombokele.

Misambu 130:4

Wewe udi ne luse, ke padi bantu bakunemeka.

Yobe 10:14

Uvua musue kujikidila ngenza bubi bua umone mua kunnyoka ku kalema konsu kandi naku!

Ekesode 23:7

Kanuteleji muena biakulakula. Kanushipi udi kayi ne bualu nansha muntu muakane, bualu meme nempishe bena buenzayi bua nanku.

Nahume 1:6

Padiye mufike munda, udi mua kukandamana nnganyi? Padiye ne tshiji, udi mua kushala ne muoyi udiku anyi? Tshiji tshiende tshidi tshilambuluka bu kapia, mbuebue mene idi ipandika kumpala kuende.

Danyele 9:4

Meme kutendelela Maweja-Nangila, Mvidi Mukulu wanyi, mmutondela mibi yanyi: “Eyi, Maweja-Nangila Mvidi Mukulu munene, udi ukuatshisha bantu bowa, udi ulama ndondu yebe ne bonsu badi batumikila mikenji yebe, udi ne diyi dimue kudi bonsu badi bakunanga.

Ebrewu 12:29

Bualu Mvidi Mukulu wetu udi kapia kadi kubutula.

Efeze 4:32

Kadi nuikale ne muoyi muimpe, nuambuluishangane. Nufuilangane luse, bu mudi Mvidi Mukulu munufuile luse mu Kristu.

Misambu 86:15

Kadi wewe, Maweja-Nangila, Mvidi Mukulu udi ufuila bantu luse, wa lutulu, muwule tente ne buimpe, ulama malaya ebe,

Mika 7:18

Kakuena mvidie nansha umue, udi mukufuane wewe Maweja-Nangila. Udi ufuila bantu bebe badi bashala ne muoyi luse, kuyi musue kuvuluka kashidi bilema biabu. Kuena ulama tshiji matuku onsu. Disanka diebe didi amu dia kutunanga, kutuenzela bimpe.

Nehemya 9:32

Wewe, Mvidi Mukulu wetu, udi munene, wa bukole buonsu ne wa kutshina. Udi ulama bimpe ndondu iuvua mutue netu. Vuluka dikenga divua dikuate bantu bebe, dikuate bakalenga betu, ne bamfumu betu, batuangaji betu, ne bambi betu, bankambua betu, ne tuetu mene, biangatshile tshikondu tshia bakalenga ba bena Ashure, too ne mpindiewu.

Nehemya 1:5

kumuambila ne: — Ndi nkusengelela Maweja-Nangila Mvidi Mukulu wa mu diulu, Mvidi Mukulu munene wa kutshina! Wewe udi ukumbaja ndondu webe ne bantu badi batumikila mikenji yebe. Kabidi bantu bonsu badi bakunanga, kuena ubalekela to.

Bienzedi 13:38

Nenku, bana betu, tudi tunumanyisha se: Yezu ke udi ujimija mibi yenu.

Bienzedi 5:31

Mvidi Mukulu mmumuzanjike ku dia bukole diende; mmumuteke Mfumu ne Mupandishi, bua bena Izrayele badilengeje. Nanku Mvidi Mukulu neabajimijile mibi yabu.

Yoshua 24:19

Ke Yoshuwa kuambila bena Izrayele ne: — Kanuena ne mushindu wa kuenzela Maweja-Nangila mudimu to. Bualu udi Mvidi Mukulu wa tshijila. Mmusue bua ikale nkayende Mvidi Mukulu wenu. Kakunufuila luse bua dimutombokela dienu ne buenzayi buenu.

Dielulula 32:35

Dituku dia kabutu, nembasombuele, bua bapete difutu dia buenzayi buabu. Dituku dia kubutula baluishi ba bena Izrayele, dikadi pabuipi, bukole buabu nebujimine.”

Ekesode 23:21

Kadi, nudimuke! Pafika mutumibue wanyi, nuitabe bionsu bidiye unuambila. Kanumufikishi munda, kanumutombokedi. Bualu kena mua kunufuila luse ku bubi buonsu bunudi nuenza. Bionsu bidiye wenza, udi ubienza mu dina dianyi.

Didimanyisha 21:8

Kadi bena bukata, bantu badi bavila Mvidi Mukulu, bamutombokela, bashipianganyi, benji ba malu a bundu, benji ba malu a majimbu, batendeledi ba nwidie, ne bena dishima bonsu, nebabele mu mayi manene atema kapia ka mvuanda. Mayi manene aa ke lufu luibidi.

Didimanyisha 20:15

Muntu yonsu uvua kayi ne dina diende mu mukanda wa muoyi, bavua bamuela mu mayi manene atema kapia.

Luke 7:48

Ke Yezu kuambila mukaji awu ne: — Mibi yebe mmijimine.

Luke 7:42

Bu muvuabu kabayi ne mushindu wa kumufuta, yeye kubalekela mabanza bonsu babidi. Nanku wa ku babidi aba, udi mua kupita kumunanga nnganyi?

Matayi 12:31

Ke pandi nnuambila ne: badi mua kujimijila bantu mibi yabu yonsu, nansha bipendu bidibu bapendangana. Kadi udi upenda Mueyelu wa Tshijila, kabena mua kujimija mibi yende to.

Mika 6:11

Ndi mua kuhingisha, bantu badi ne bipimu bisendame, ne badi bela bujitu bua dishima, mu bibombu biabu anyi?

Yeshaya 45:21

Buelayi mu bipangu, nukebe tshinudi mua kuamba bua kudibingisha! Kadi uvua munumanyishe ku kale bidi bienzeka lelu nnganyi? Uvua mubisokolole bangabanga ne kuenzekabi nnganyi? Ki mmeme Maweja-Nangila anyi? Kakuena Mvidi Mukulu mukuabu to, amu meme. Mvidi Mukulu wa diyi dimue, Mvidi Mukulu udi usungidilangana, kenaku, amu meme.

Misambu 136:15

kadi kuinamu tshiluilu tshia mfumu wa bena Ejipitu, bualu dinanga diende ndia kashidi.

Misambu 136:10

Kushipaye banabute ba bena Ejipitu, bualu dinanga diende ndia kashidi.

Matayi 6:12

Utufuile luse ku malu etu mabi, bu mutudi tufuila badi batuenzela bibi luse.

Genese 19:16

Kadi Lote uvua anu ujingakana. Bantu abu kumukuata ku tshianza, kukuata kabidi ne mukajende, ne bana bende ba bakaji babidi kubapatula mu tshimenga. Bualu Maweja-Nangila uvua musue kusungidila Lote.

Ekesode 33:19

Maweja-Nangila kuandamuna Moshe ne: — Nenkuleje buakane buanyi, nenkuambile kabidi dina dianyi dia “Maweja-Nangila”. Muntu undi musue kunanga, ndi mmunanga, kabidi muntu undi musue kufuila luse, ndi mmufuila luse.

Ekesode 34:9

wamba ne: — Maweja-Nangila wanyi, ndi mujadike ne bena Izrayele mbantu ba tshitunu, kadi bu muudi munnange, ndi nkusengelela bua wikale munkatshi muetu. Utufuileku luse ku bionsu bitudi bakuenzele, bualu tudi bantu bebe.

Dielulula 7:9

Nuenu bena Izrayele, numanye ne: Maweja-Nangila Mvidi Mukulu wenu nkayende ke Mvidi Mukulu wa bushiwa. Yeye udi ulama ndondu wende too ne ku ndelanganyi tshinunu. Udi unanga amu kunanga bantu bonsu badi bamunanga, bamutumikila.

Dielulula 7:10

Kadi badi bamubenga, udi ubanyoka lukasa, ubabutula.

1 Bakalenga 8:30

Teleja mundi nkubikila, ne mudi bantu bebe bena Izrayele bakubikila, batangila ku nzubu eku. Nanku, Maweja-Nangila, mu diulu muudi musombe, ututeleje, utujimijile mibi yetu.

2 Kulondolola 30:9

Nuenu bapingane kudi Maweja-Nangila, bantu bonsu bavua bakuate bana benu, ne bena meku enu, nebabafuile luse. Nebabalekele bua bapingane mu ditunga edi. Nanku, nuenu bapingane kudiye, Maweja-Nangila Mvidi Mukulu kakunulekela to, bualu udi muena luse ne dinanga.

Yirmeya 9:24

Maweja-Nangila udi wamba ne: Dituku nedifike dindi nnyoka bantu bonsu badibu bateka panshi, kadi kabayi badilengeja,

1 Bakalenga 8:32

Nanku Maweja-Nangila, mu diulu wikale muteleje. Ukose tshilumbu tshia bantu bebe, bua muena tshibawu apete dinyoka, kabidi bua udi mubinge amueneke ne kena ne bualu to.

Misambu 25:11

Maweja-Nangila, wewe udi Mvidi Mukulu. Mibi yanyi mmipite bungi! Umfuile luse!

Misambu 99:8

Maweja-Nangila Mvidi Mukulu wetu, uvua ubitaba, wewe ke Mvidi Mukulu uvua ubaleja lutulu, kadi uvua mubanyoke bua malu mabi abu.

Misambu 109:14

Bavuluije Maweja-Nangila bilema bia tatuende ne bia kakuende wa balume, kababuikidi malu mabi a mamuende nansha!

Yirmeya 30:11

Ndi mufike bua kunusungidila. Meme Maweja-Nangila ndi ngamba nanku. Ndi musue kubutula matunga onsu, miaba yonsu imvua munutangalaje. Kadi tshiena imubutula nuenu to. Bushuwa, ndi amu ne bua kununyoka. Tshiena mua kunutangila bu bantu badi kabayi ne bualu.