Ekesode 34:26 - MUKANDA WA MYIDI MUKULU

²⁶ Bintu bia tshianyi binudi nunowa mu madimi enu, nubilambule mu nzubu wa Maweja-Nangila Mvidi Mukulu wenu. Kadi, panudi nulamba munyinyi wa muana wa mukoku nansha wa muana wa mbuji, kanuedimu mabele a mamuende to.”

Mukanda wa Nzambi Dihungila Dikulukulu ne Dihungila Dihia-dihia 2003

²⁶ Bintu bia kumudilu binudi nuhuola biai nʼabi mu nsubu wa Yehowa, Nzambi wenu. Kanulambi muana wa mukoko ne mabele a mamu wandi.

Ekesode 34:26 Referans Kwoze

Ekesode 23:19

“Bintu bia kumpala binudi nunowa mu madimi enu, nufike nabi mu nzubu wanyi, bualu ndi Maweja-Nangila Mvidi Mukulu wenu. “Panudi nulamba munyinyi wa muana wa mbuji, kanuedimu mabele a mamuende to.

Dielulula 14:21

Nuenu bena Izrayele, nudi tshisamba tshisunguluke tshia Maweja-Nangila Mvidi Mukulu wenu. Nanku kanuena mua kudia munyinyi wa nyama midifuile to. Nudi mua kuupesha benyi badi munkatshi muenu, nansha kusumbisha benyi bakuabu. Kanuena mua kulamba munyinyi wa muana wa mbuji, mu mabele a mamuende to.

Dielulula 26:2

muntu yonsu wa kunudi angate tshitupa tshia biakudia bia tshianyi, bidiye mudime mu ditunga adi. Abiele mu tshisaka, atshiteke muaba wikala Maweja-Nangila Mvidi Mukulu wenu musungule bua kumonangana nenu.

1 Korente 15:20

Kadi Kristu mmubike ku lufu bulelela. Ke patudi mua kujadika ne: bafue bakuabu kabidi nebabike ku lufu.

Matayi 6:33

Nuenu bangabanga nuditatshishe bua Bukalenga bua Mvidi Mukulu; nukumbaje tshidi Mvidi Mukulu musue. Nanku Yeye neanusakidile bikuabu bionsu abi.

Dielulula 26:10

Ke pandi ndambula Maweja-Nangila biakudia bia tshianyi bia mu ditunga didiye mumpe.” Pashishe muntu awu neateke tshisaka tshia biakudia atshi panshi kumpala kua nzubu wa Mvidi Mukulu, adiele panshi bua kukukuila Maweja-Nangila Mvidi Mukulu wenu.

Yakobe 1:18

Ku disua diende mmutupe muoyi ku muaku wende mulelela, bua tupete muaba wa kumpala munkatshi mua bifukibua biende bionsu.

Lewitiki 23:10

bua amanyishe bena Izrayele mikenji idi ilonda eyi ne: “Panudi bamane kufika mu ditunga dindi munupe, nuye kudi mutuangaji ne biakudia bia tshianyi bia mu madimi enu binudi nunowa.

Lewitiki 23:14

Nenku biakudia bia tshianyi bia mu madimi enu binudi nunowa abi: nansha mampa, nansha midioku mibishi, nansha miosha, kanuena mua kubidia, kanuyi banji kubindambula. Nulame mikenji eyi kashidi miaba yonsu inudi nusomba.

Dibadika 15:20

Nusope tshitapitapi, nuenze mikata, bua kuyindambula bu mudibu bandambula ntete inudi nushipula, panudi bamane kunowa.

Dibadika 18:13

Bintu bionsu bidi bena Izrayele bandambula bia mu ditunga diabu mbiebe wewe ne bia bena diku diebe bonsu badi kabayi ne mikiya.

Nehemya 10:35

Nanku, tuetu batuangaji, bena Levi, bantu bakuabu, tuvua batshinke, babanyangane mu meku etu, mudimu wa kufila, munkatshi mua tshidimu, nkunyi bua nzubu wa Mvidi Mukulu wetu. Bualu mukenji udi wamba ne: ku tshidimu ku tshidimu, nufile nkunyi mikumbane bua kuosha milambu pa tshilambuilu tshia Maweja-Nangila Mvidi Mukulu wenu.