Ekesode 34:21 - MUKANDA WA MYIDI MUKULU

²¹ “Nuenze mudimu anu matuku asambombu. Nuikishe dituku dia muanda mutekete, nansha mu tshikondu tshia kudima, nansha tshia kunowa biakudia.

Mukanda wa Nzambi Dihungila Dikulukulu ne Dihungila Dihia-dihia 2003

²¹ Nuenze mudimu wenu matuku asambombo, kadi nuikishe dituku dia muanda mutekete: nuikishe mu tshidimu tshia kukuna bintu ne mu tshidimu tshia kuhuola bintu.

Ekesode 34:21 Referans Kwoze

Ekesode 23:12

“Nuenze midimu yenu matuku asambombu. Kadi nuikishe dituku dia muanda mutekete, bua bapika benu ne benyi benu badi banukuatshila mudimu bamone mua kuikisha, kabidi bua nyama yenu ya mpunde ne ya ngombe imone mua kuikisha payi.

Luke 13:14

Kadi mfumu wa nzubu wa kutendelela kufika munda, bualu Yezu mua mujikije disama dia mamu awu dituku dia Dikisha. Ke kuambilaye bantu ne: — Kudi matuku asambombu anudi mua kukuata mudimu. Nufike bua kujikija masama a bantu matuku awu, kadi ki ndituku dia Dikisha nansha!

1 Samuele 8:12

Bana benu bakuabu nebikale balombola bena mvita tshinunu, balombola bena mvita makumi atanu. Mfumu awu, neangate bana benu nansha bakuabu bua kumudiminabu madimi, bua kunowa biakudia, nansha bua kumuenzela biamu bia kuluangana nabi, ne bintu bia kuteka mu matempu ende.

Dielulula 21:4

Nebaye nende pabuipi ne musulu udi ne mayi apueka amu kupueka, ku mielelu yawu kudibu kabayi banji kudima, nansha kukuna biakudia. Pafikabu ne muana wa ngombe muaba awu, nebamunyongoboje nshingu.

Ekesode 35:2

“Nuenze mudimu matuku asambombu. Kadi dituku dia muanda mutekete ndia Dikisha, bualu ndituku dia tshijila dia Maweja-Nangila. Muntu yonsu udi wenza mudimu dituku adi nebamushipe.

Luke 23:56

Pashishe kupinganabu kuabu. Kulongololabu mafuta ne manananshi bua kulaaba tshitalu. Dituku dia Dikisha, bakaji abu kuikisha, bilondeshile mikenji ya ditunga.

Yeshaya 30:24

Ngombe ne mpunde, idi isekuna buloba, neipete biakudia bivule, bisosa bimpe bidi ne luepu, bidibu bapepula, balandakaja panshi, ne kakasu kadi ne minu bu ya nsomu.

Genese 45:6

Mpindiewu tudi mu tshidimu tshibidi tshia tshiyole. Kumpala eku kutshidi bidimu bikuabu bitanu, bidi bantu kabayi mua kudima nansha kunowa.

Ekesode 31:15

Nuenze mudimu mu matuku asambombu, kadi dituku dia muanda mutekete nuikishe, bualu ndituku dia tshijila dia kunnemeka meme Maweja-Nangila Mvidi Mukulu wenu. Muntu yonsu udi wenza mudimu dituku dia Dikisha, nebamushipe.

Lewitiki 23:3

“Nuenze mudimu matuku asambombu, kadi dituku dia muanda mutekete dikale dituku dia Dikisha, dia tshijila. Nuikishe, nudisangishe bua kuntumbisha meme Maweja-Nangila, miaba yonsu inudi basombe. Kanuena ne bua kukuata mudimu dituku adi to.

Nehemya 13:15

Matuku awu, meme kumona mu ditunga dia bena Yuda, bakama tumuma tua mvinyo dituku dia Dikisha. Bakuabu bavua bame pa nyama ya mpunde ntete ya kuenza bukula, maluvu a mvinyo, tumuma tua mvinyo, tumuma tua mfiku, ne bintu bikuabu, bua kuya nabi mu Yerushalayime. Meme kubabela, dituku divuabu bapana bintu biabu.