Ekesode 34:15 - MUKANDA WA MYIDI MUKULU

¹⁵ Kanuena mua kutua ndondu ne bena ditunga dinudi nusomba to. Bualu palambabu biakudia biabu bia kuelela mvidie yabu, nebanubikile bua kudia nabu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁵ Kuhungi tshihungidi ne bena buloba; hendabo masandi ne mpingu yabo, ne hashihelabo nzambi yabo nyama, hakubikilabo bua kudia nʼabo munyinyi wa nyama mishiha;

Ekesode 34:15 Referans Kwoze

Balombodi 2:17

Kadi bena Izrayele kabavua batumikila balombodi abu to. Bavua amu batendelela mvidie ya bantu benyi, bayifuila mpala panshi. Bena Izrayele bavua bumuka lukasa mu njila uvua bankambua babu balonda. Bankambua bavua batumikila mikenji ya Maweja-Nangila, kadi bena Izrayele kabavua bidikija bankambua babu to.

1 Korente 8:4

Nuvua bangebeje ne: tudi mua kudia minyinyi ivuabu balambule mvidie anyi? Tudi bamanye bimpe ne: mvidie mikuabu kayenaku to. Mvidi Mukulu udi amu umue.

Misambu 106:28

Kudilamikabu kudi mvidie Baale ku Peyore, kudiabu milambu milambula bafue.

Dielulula 31:16

Maweja-Nangila kudianjila kumanyisha Moshe ne: — Ukadi pa kufua. Kunyima kua lufu luebe bena Izrayele nebatendelele mvidie idibu batendelela kudi bantu benyi badi mu ditunga dinuabuela. Bena Izrayele nebambenge. Nebanyangakaje ndondu umvua mutue nabu.

Dibadika 25:2

Bakaji abu kuibidija bena Izrayele bua kulambuila mvidie ya mu ditunga diabu. Bena Izrayele kudia nabu minyinyi milambuila mvidie, kukukuila ne mvidie yabu mene.

1 Korente 10:27

Pikala muntu udi kayi muena ditaba munubikile bua kudia kuende, nuenu banyishe bua kuyamu, nudie bionsu bidibu banulambila, kanuyi nupampakana. Kanuebeji mu kondu kenu ka munda ne: minyinyi eyi mmifume penyi?

1 Korente 8:10

Bualu muntu udi ne ditaba ditekete, udi mua kukumona wewe, udi wamba ne: ndi mumanye malu, udia mu nzubu wa kutendelela mvidie. Diba adi kuena umusaka bua adie munyinyi uvuabu balambule, udi kondu kende ka munda kabenga anyi?

1 Korente 8:7

Kadi bantu bonsu kabena bamanye bualu ebu to. Bamue badi bibidile ditendelela mvidie. Nanku too ne ku lelu, padibu badia minyinyi eyi, badi amu bela meji ne: tudi tunemeka mvidie ayi. Ke mudi kondu kabu ka munda kabapisha, padibu badia tshiakudia tshia nanku.

Yirmeya 3:9

Kuendaye tshiendenda ne mvidie ya mabue ne ya mitshi. Ke muvua Yuda munyangakaje ditunga.

Lewitiki 17:7

Nenku bena Izrayele nebalekele kulambula milambu yabu kudi mvidie ya dishima, idibu benzele mpingu mifuanangane ne mbuji ya mpumbu. Badi batendelela mvidie eyi mushindu mubi udi ukuatshisha bundu. Bena Izrayele balame mukenji ewu kashidi too ne ku ndelanganyi yabu yonsu.

Ekesode 34:12

Kadi, kuena mua kutua ndondu ne bantu ba ditunga dinuasomba to. Bualu nudi mua kulonda buenzayi buabu, nuenu kupeta diakabi.

Didimanyisha 2:20

Kadi bualu bundi nkudiwila mpaudi ulengulula malu a Izebele. Mukaji ewu udi udiamba mudiye muambi wa Mvidi Mukulu. Udi upambula bantu banyi, ubalongesha bua benze malu a bundu, badie minyinyi ya nyama milambula nwidie.

Osheya 9:1

Nuenu bena Izrayele, kanuena mua kuenza tshibilu, nansha kusanka, mudi bisamba bikuabu bienza. Bualu nudi balekela Mvidi Mukulu wenu, nutendelela mvidie ya patupu. Miaba yonsu idibu bashipule ntete ya bukula, nudi nukeba difutu dia ku buenzavi buenu.

Osheya 4:12

Bena Izrayele badi bakonka mpingu ya mitshi malu. Katupa ka mutshi ke kadi kabambila malu. Bena Izrayele mbapambuke mu njila, mbambenge, anu bu mudi mukaji wenda tshiendenda. mBatendelele mvidie mikuabu, bashiye Mvidi Mukulu wabu.

Misambu 73:27

Bantu badi bakubenga, nebajimine, badi bakuvila, nebabutuke butubutuu.

Ezela 6:9

Ku dituku dionsu, nuikale nupesha batuangaji ba mu Yerushalayime bionsu bidibu bajinga, mudibu balomba, nyama ya ngombe milume, mbuji ya mikoku ya bimpanga, ne bana ba mbuji ya mikoku, bua milambu ya kuosha, ya kulambula Mvidi Mukulu wa mu diulu. Nubapeshe kabidi ne ntete ya kuenza bukula, luepu, mabu a mvinyo, ne mafuta.

Dielulula 7:2

Neabafile kunudi, bua mbatshimune bonsu, nubabutule. Kanuena mua kutua nabu ndondu, kanuena mua kubafuila luse.

Dibadika 15:39

Nanku, nuvuale bilamba bitela ne malenda. Panuikala numona malenda awu, nenuvuluke mikenji yanyi bua kuyikumbaja. Kabidi kanuakutendelela mvidie, bua kulonda majinga enu mabi ne lukuka luenu.

Ekesode 34:10

Maweja-Nangila kuambila Moshe ne: — Ndi ntua nebe ndondu, nengenze malu a kukema munkatshi muenu, adi kaayi manji kuenzeka mu tshisamba tshikuabu pa buloba bujima. Bua bena Izrayele bonsu banudi nabu bajadike mudimu muimpe undi mubenzele pamue nebe.

Ekesode 23:32

Kanumvuanganyi ne bena matunga abu. Kanutendeledi mvidie idibu batendelela.

Bienzedi 15:20

Kadi tubafundile mukanda, tubambile ne: kanudi minyinyi ya nyama ivuabu balambule nwidie, bualu idi ne mikiya; nulekele buendenda; kanudi minyinyi ya nyama mishipa kayiyi mipatule mashi, nansha mashi mene.

Ekesode 22:20

“Kanutatshishi muenyi, kanumukengeshi. Bualu nuenu nuvua benyi mu ditunga dia Ejipitu.

Ekesode 32:8

Kabena bitabe tshimvua mubambile. Mbenze lupingu lua kana ka ngombe lua tshiamu tshia mpawungi. Badi balutuila binu, badiambula milambu, bamba ne: “Ke mvidie wetu uvua mutupatule mu Ejipitu ewu.”

Dibadika 25:1

Bena Izrayele kusomba mu Shitime. Muaba awu kutuadijabu kuenda buendenda ne bakaji ba bena Mowabe.

Dielulula 7:3

Kanusedianganyi nabu. Kanuseleshi bana benu ba bakaji kudi bana babu ba balume. Bana benu ba balume kabasedi bana babu ba bakaji.

Dielulula 32:37

Maweja-Nangila neebeje bena Izrayele ne: “Mvidie yenu inuvua batekemene idi penyi?

Dielulula 32:38

Nuvua bayilambule nyama, bayilambule maluvu a kunua. Nanku ileje bukole buayi, inupandishe, inulame ne muoyi!

Yoshua 23:12

Nuenu babenge Maweja-Nangila, bumvuangane ne bantu ba bisamba bikuabu batshidi bashale munkatshi muenu, nuenu basele bana babu ba bakaji, babuelakane nabu, bobu babuelakane nenu,

Balombodi 3:6

Bena Izrayele kusela bakaji ba mu bisamba ebi, kubaselesha bana babu ba bakaji, kutendelela ne mvidie yabu.

1 Kulondolola 5:25

Bena mu tshisamba tshia Rubene, tshia Ngade, ne bena mu tshitupa tshia tshisamba tshia Menashe bavua bapanga kutumikila Mvidi Mukulu wa bankambua babu. Kumulekelabu bua kukukuila mvidie ya bantu benyi, bavua Mvidi Mukulu mubutule diba divua bisamba ebi bifike mu ditunga. Nenku Mvidi Mukulu wa bena Izrayele kutuma Pule ne Tiglate-Pilesere, bakalenga babidi ba bena Ashure, bua babuele ne mvita mu buloba bua bisamba ebi, bakuate bena ditunga, baye nabu mu buloba bua Ala, bua Abore ne Ara ne bua pabuipi ne musulu wa Ngozane. Ke miaba idibu basomba too ne ku mpindiewu.

Ezela 9:12

Nanku, nsongakaji yenu, kabena mua kuyisela kudi nsongalume ya banb benyi abu to. Kabidi kanuena mua kubangila bana babu ba bakaji bua kubaselabu kudi bana benu ba balume to. Kanuena mua kuvudija diakalenga ne biuma bia bantu benyi aba to. Nanku nenuikale bantu ba bukole. Nenusanke ne bintu bimpe bia mu ditunga amu. Nenubishile ndelanganyi yenu kashidi!’

Ekesode 22:19

“Muntu yonsu udi utendelela mvidie ya bisamba bikuabu, uyilambula milambu, kayi ulambula amu Maweja-Nangila, numushipe.

Dielulula 31:18

Dituku adi, nembalekele bulelela, bualu mbenze malu mabi, batendelela mvidie.