Ekesode 33:9 - MUKANDA WA MYIDI MUKULU

⁹ Nanku, pavua Moshe ubuela mu ntenta amu, divuba divua dibuikila mu mushiku wa mbelu wa ntenta. Maweja-Nangila uvua wakula mu divuba amu uyukila ne Moshe.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Hakabuela Mose mu tshitendelelu, difutu diakahueka, diakimana ku mbelu kua Ntenta ne Yehowa wakayikila ne Mose.

Ekesode 33:9 Referans Kwoze

Misambu 99:7

Mvidi Mukulu uvua ubambila meyi ende mu dikunji dia muinshi, bavua batumikila meyi ende ne mikenji ya nsombelu muakane bivuaye ubelela.

Ekesode 31:18

Nanku, Maweja-Nangila mumane kujikija diyuki ne Moshe ku mukuna wa Sinayi, kupeshaye Moshe mabue abidi ne mikenji ivuaye mudifundile nkayende.

Yezekiyele 3:22

Bukole bua Maweja-Nangila kuntulukila kabidi. Kungambilaye ne: — Juka, uye mu tshibandabanda, nenkuambilemu bualu.

Dibadika 11:17

Meme nempueke muaba awu bua kuyukila nebe. Bukole bua Mueyelu wanyi buudi nabu, nembuabanyine kabidi bakulu abu tshitupa. Nanku kuakuikala nkayebe ne mudimu wa kulama bantu. Bakulu abu nebakuambuluishe.

Ekesode 34:9

wamba ne: — Maweja-Nangila wanyi, ndi mujadike ne bena Izrayele mbantu ba tshitunu, kadi bu muudi munnange, ndi nkusengelela bua wikale munkatshi muetu. Utufuileku luse ku bionsu bitudi bakuenzele, bualu tudi bantu bebe.

Ekesode 34:3

Kadi, wikala anu nkayebe. Muntu mukuabu kena mua kupitshila ku mukuna aku. Nansha nyama kena mua kupitshilaku. Kabidi mukoku, mbuji, ngombe kayena mua kupitshilaku bua kudia to.

Ekesode 33:11

Maweja-Nangila uvua wakula ne Moshe bitangilangane bu muntu wakula ne mulunda wende. Kadi pavua Moshe upingana muaba uvua bantu bonsu basombe, Yoshuwa muana wa Nune, uvua umuambuluisha, uvua mushale anu mu ntenta.

Ekesode 25:22

Netumonangane nebe anu pa tshibuikidiji tshia mushete awu. Pankatshi pa Bakerubine abu, ke pandi nkupela mikenji idi itangila bena Izrayele.

Genese 18:33

Bajikija kuakula, Maweja-Nangila kumuka, Abrahame kupingana kuende.

Genese 17:22

Mvidi Mukulu ujikija kuakula ne Abrahame, kulayanganabu.

Ekesode 33:8

Misangu yonsu ivua Moshe uya ku ntenta, bena Izrayele bavua bajuka, muntu yonsu wimana mu mushiku wa mbelu wa mutanda wende, mutangile mudi Moshe ubuela mu ntenta wa kusambakena.

Ekesode 33:10

Bantu bonsu bavua batua binu panshi mu mishiku yabu ya mbelu, pavuabu bamona divuba adi ku tshibuelelu tshia ntenta wa kusambakena.

Ekesode 34:5

Nanku, Maweja-Nangila kupueka mu divuba dia kapia, kuimanaye pamue ne Moshe, kudisamunaye nkayende dina diende dia “Maweja-Nangila”.

Dielulula 31:14

Maweja-Nangila kuambila Moshe ne: — Ukadi pa kufua. Bikila Yoshuwa. Nufike nende kumpala kua ntenta wa kusambakena, bua mmumanyishe mikenji yanyi. Moshe ne Yoshuwa kuya ku ntenta wa kusambakena.

Dielulula 31:15

Maweja-Nangila kubamuenekela mu divuba dia muinshi, divua mu mushiku wa ntenta wa kusambakena.

Dibadika 7:89

Pavua Moshe ubuela mu ntenta wa kusambakena bua kuyukila ne Maweja-Nangila, uvua umvua diyi dia Maweja-Nangila, difumina pankatshi pa Bakerubine babidi, bavua pa tshibuikidiji tshia mushete wa ndondu. Diba adi Maweja-Nangila uvua uyukila ne Moshe.