Ekesode 33:17 - MUKANDA WA MYIDI MUKULU

¹⁷ Pashishe, Maweja-Nangila kuambila Moshe ne: — Nenkumbaje bionsu biudi mungambile ebi, bualu ndi mumanye dina diebe, kabidi udi unsankisha.

Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Yehowa wakambila Mose ne, Nengenze bualu ebu buwakuamba bualu bua wewe wakasangana luse ku mesu kuanyi, meme ndi mumanye Hina diebe.

Ekesode 33:17 Referans Kwoze

Yeshaya 65:24

Kabayi banji kumbikila, meme nembitabe. Kabayi banji kujikija dindomba, meme nkadi mumane kumvua.

Ekesode 33:12

Moshe kuambila Maweja-Nangila ne: — Maweja-Nangila unteleje. Wewe udi muntume bua meme kulombola bena Izrayele, kadi kuena mumpeshe muntu mukuabu udi mua kungambuluisha to. Wewe udi munsungule, mungendeshe diakalenga bu muuvua mumane kuamba.

Genese 19:21

Mutumibue wa Mvidi Mukulu kuitaba ne: — Mbimpe, ndi nganyisha kabidi biudi wamba. Tshiena mbutula kasoku aka to.

Yakobe 5:16

Tondelanganayi mibi yenu. Nulombelangane kudi Mfumu, nanku nenupande. Ditendelela dia muntu udi wenza mudi Mvidi Mukulu musue, didi ne bukole bua bungi.

Yowanane 16:23

Pafika dituku adi, kanuakunkonka kabidi bualu to. Ndi nnujadikila ne: Tatu neanupeshe tshionsu tshinuamulomba mu dina dianyi.

Genese 6:8

Kadi Nowa uvua muena diakalenga kudi Maweja-Nangila.

Genese 19:19

Ukadi mumane kumfuila luse, nangananga paudi mumpatule mu tshimenga etshi bua kumpandisha. Kadi meme tshiena mua kufika ku mukuna, diakabi adi kadiyi dianji kunkuata, bualu kuaka nkupite bule. Ndi mua kufuila mu njila.

Genese 18:32

Abrahame ne: — Ndi ngakula musangu wa ndekelu, kufiki munda. Kadi wewe musangane bantu bakane anu dikumi? Maweja-Nangila kuandamuna ne: — Meme musangane bantu bakane anu dikumi, tshiakubutula tshimenga to.

Yeshaya 45:3

Ndi nkupesha lupetu, ne biuma bivuabu basokoke. Nenku neumanye mundi Maweja-Nangila. Meme Mvidi Mukulu wa bena Izrayele, ndi nkuangata bu muena mudimu wanyi.

Dielulula 9:19

Mvua ntshina, nzakela tshiji tshikole tshivua Maweja-Nangila natshi. Ukavua musue kunubutula. Kadi kuitabaye kabidi dilomba dianyi musangu ewu.