Ekesode 33:14 - MUKANDA WA MYIDI MUKULU

¹⁴ Maweja-Nangila kuandamuna Moshe ne: — Meme nkayanyi nenkulombole; neutshimune.

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Yehowa wakamba ne, Mpala wanyi neaye nʼebe, ne meme nenkuhe dikisha.

Ekesode 33:14 Referans Kwoze

Yoshua 21:44

Maweja-Nangila kubapesha ditalala ku mikalu yabu yonsu, bu muvuaye mumane kulaya bankambua babu. Bobu kutshimuna baluishi babu bonsu ku bukole bua Maweja-Nangila. Kakuvua muntu nansha umue uvua mua kupita bena Izrayele ku bukole to.

Yoshua 1:5

Matuku onsu autshidi panu ne muoyi aa, muntu kena mua kukupita bukole to. Meme nengikale nebe, bu mumvua ne Moshe. Kashidi tshiendelele tshiena nkulekela. Nenkuambuluishe misangu yonsu.

Matayi 11:28

Vuayi kundi, nuenu bonsu badi bapungile ne bujitu bunudi nuambula. Meme nelumpeteshe dikisha.

Yeshaya 63:9

Mu makenga abu onsu, kena mutume muntu mukuabu bua kubambuluisha. Kadi uvua mubasungidile amu yeye mene. Yeye uvua muangate bualu buabu ne manza abidi, bualu uvua mubanange, ubumvuila luse. Yeye ke uvua mudiangatshile malu abu, mubambule mu maboku ende, ku tshikondu ne ku tshikondu.

Misambu 95:11

Nenku ke meme kuditshipa ne tshiji ne: kabena babuela mu buloba, bumvua mubalongoluele bua kuikishabu nansha.”

Yoshua 22:4

Mpindiewu, Maweja-Nangila Mvidi Mukulu wenu mmumane kuitaba bua bana benu basombe mu buloba buabu, bu muvuaye mumane kubalaya. Nanku nuenu nudi mua kupingana kuenu. Nuye kusomba muaba uvua Moshe, muntu wa Maweja-Nangila, munuabanyine, luseke ludi diba dipatukila lua Yardene.

Matayi 28:20

Nubalongesha kabidi mua kukumbaja bionsu bimvua munuambile. Manyayi ne: Meme nengikale nenu matuku onsu, too ne ku ndekelu kua bidimu.

Yirmeya 6:16

Maweja-Nangila udi wamba ne: Anji imanayi mu njila. Nuele meji a bivua binuenzekele kale. Nukonke bankambua benu. Nanku nusungule njila muimpe. Nulonde njila awu bua nupete dikisha. Kadi kubengabu bamba ne: “Katuena tulonda njila muimpe to.”

Ekesode 13:21

Mu munya, Mvidi Mukulu uvua mu divuba kumpala kua bena Izrayele bua kubaleja njila. Kadi butuku uvua mu tshimunyi tshia kapia bua kutokeshila bena Izrayele njila. Ke muvuabu mua kuenda butuku ne munya.

Yoshua 23:1

Matuku a bungi awa apita, pavua Maweja-Nangila mumane kupesha bena Izrayele ditalala, mubasungidile kudi baluishi babu bavua nabu mutumba. Yoshuwa ukavua mumane kukola mukulakaje.

Dielulula 3:20

Nanku nuambuluishe bena Izrayele bakuabu, too ne pikala Maweja-Nangila mubafikishe mu ditunga didiye ubapesha didi dishiya, luseke ludi diba dibuelela lua musulu wa Yardene, bua kupetabu dikisha bu munudi bapete nuenu. Pashishe muntu yonsu wa kunudi neapingane kuende mu ditunga dindi mumupeshe.”

Ekesode 3:12

Mvidi Mukulu kumuandamuna ne: — Meme ndi nebe. Ndi nkupa tshimanyinu tshidi tshileja ne: Meme ke udi mukutume. Wewe mumane kupatula bena Izrayele mu ditunga dia Ejipitu, nenuntendelele pa mukuna wa Sinayi ewu.

Dielulula 4:37

Maweja-Nangila uvua wenza bionsu ebi, bualu uvua unanga bankambua benu. Kabidi uvua munusungule nuenu ndelanganyi yabu. Kunupatulaye mu Ejipitu ku bukole buende.

Dielulula 12:10

Kadi nenusabuke musulu wa Yardene, bua kusomba mu ditunga adi ne ditalala. Yeye neanulame bimpe. Baluishi benu bonsu, bena mutumba, kabakunuenzela bualu.

Dielulula 25:19

Maweja-Nangila Mvidi Mukulu wenu neanufikishe mu ditunga didiye munupe. Neanupandishe ku baluishi bonsu badi nenu mutumba. Diba adi, nenubutule bena Amaleke, kabayi mua kubavuluka kabidi pa buloba to. Kanuena mua kupua bualu ebu muoyi to!

Dielulula 31:8

Maweja-Nangila neende kumpala kuebe, neikale nebe, kayi ukulekela. Nanku kutshinyi, kuzakadi to, kutekeshi mu maboku.

Yirmeya 31:2

Maweja-Nangila udi wamba ne: Meme ndi mfuila bantu banyi luse. Nensangishe mu tshipele bonsu bavua muele kauyi mushipe. Nanku bena Izrayele nebapingane kuabu, basombe mu bupole.

Yobe 34:29

Kadi padi Mvidi Mukulu kayi unyoka muntu, udi mua kumupisha nnganyi? Yeye musue kusokoma, udi mua kumumona nnganyi?

Danyele 12:13

Kadi wewe Daniyele, unanukile too ne ku nshikidilu. Nenku newikishe pashishe. Neujuke bua kuangata difutu diebe ku nshikidilu kua bidimu.’ ”