Ekesode 32:5 - MUKANDA WA MYIDI MUKULU

⁵ Arone umvua nanku, kuasaye tshilambuilu kumpala kua lupingu lua kana ka ngombe, kuelaye diyi wamba ne: — Malaba netusanke mu dina dia Maweja-Nangila.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Hakamona Alona bualu ebu, Wakenza tshioshelu ku mpala kua luhingu, Alona wakela dî, wakamba ne, Makelela disanka dia Yehowa nedikaleku.

Ekesode 32:5 Referans Kwoze

2 Bakalenga 10:20

Ke muvuaye utuma diyi bua babikidishe bantu mu tshibilu tshinene tshia mvidie Baale. Kubikidishabu bantu mu tshibilu atshi.

Lewitiki 23:37

“Mu bibilu bionsu ebi, nudisange bua kuntendelela ne bua kundambula milambu mishilangane: ya kuosha, ya bia mu madimi, ya bobumue, ne ya maluvu. Nuyilambule bilondeshile meyi ne mikandu bia tshibilu tshionsu.

Lewitiki 23:2

amanyishe bena Izrayele mikenji idi ilonda eyi ne: “Panudi nungenzela tshibilu, nuikale muaba umue bua kuntendelela, bilondeshile dilondangana dia matuku a bibilu, dindi mumane kujadika.

1 Korente 5:8

Nanku tuenzayi tshibilu tshietu. Kadi katuena mua kutshienza, kudia mampa mela buanga bukulukulu, buanga bua bubi, ne bua malu a bundu. Tudie amu mampa kaayi mela buanga, mampa a bunonoke, ne a bulelela.

Osheya 8:14

Bena Efrayime mbase nzubu minene, bapue Mufuki wabu muoyi. Bena Yuda mbase bimenga bia bungi babikolesha ne bimana. Kadi meme Maweja-Nangila nengoshe bimenga abi. Kapia nekabutule nzubu yonsu mimpe ya mu bimenga abi.”

Osheya 8:11

Bena Efrayime bavua bavudije bilambuilu, kadi biobi abi bidi bibafikisha ku buenzayi bupite bungi. — Kia! Bilambuilu bidi bifikisha ku bubi! Ke bualu budi muntu mua kumvua anyi? —

2 Bakalenga 16:11

Mutuangaji Uriya kuenza tshilambuilu tshipiatshipia, bilondeshile luidi luvuabu bamutumine kudi Akaze. Uriya kujikija dibaka dia tshilambuilu, Akaze kayi muanji kupingana mu Yerushalayime, ufuma ku Damase to.

1 Bakalenga 21:9

Mu mikanda ayi, Yezabele uvua mufunde ne: ‘Mubikidishe bantu bonsu, nubafundile dituku dia kujilabu biakudia. Nuambile Nabote bua alombole tshisangilu atshi.

1 Samuele 14:35

Shawule kuashila Maweja-Nangila tshilambuilu. Ke tshilambuilu tshia kumpala tshivuaye pende mumuashile.

Lewitiki 23:21

Dituku mene adi, kanuenji mudimu to. Nudisangishe bua kuntendelela. Nulame mikenji eyi kashidi, miaba yonsu inudi nusomba.

Lewitiki 23:4

“Matuku makuabu a bibilu anudi mua kudisangisha mua kuntumbisha adi nenku:

Ekesode 32:4

Pashishe, Arone kuangata tukanu atu, kutuengululaye muiku, kututuaye mu tshinu, kuenzaye lupingu lua kana ka ngombe, ka tshiamu tshia mpawungi. Bena Izrayele kuamba ne: — Ke mvidie wetu uvua mutupatule mu Ejipitu ewu!

Ekesode 12:14

“Nuenu ne ndelanganyi yenu yonsu nuikale nuvuluka dituku edi. Nungenzele meme Maweja-Nangila tshibilu. Mukenji ewu ushale kashidi.”

Ekesode 10:9

Moshe kumuandamuna ne: — Tuyaya bonsu pamue: bansonga betu ne bantu bakulakaje, bana betu ba balume ne ba bakaji ne bimuna bietu bionsu, mikoku, ngombe ne mbuji. Bualu tuyaya kuenza tshibilu bua Maweja-Nangila.

Ekesode 32:6

Bena Izrayele kujuka mu dinda dionsu, kufilabu milambu ya kuosha ne ya ditua ndondu. Pashishe, kudiabu, kunuabu, kutuadijabu kunaya.

Ekesode 17:15

Ke Moshe kuashila Maweja-Nangila tshilambuilu, kutshinyika dina ne: “Maweja-Nangila ke dibendela dianyi.”