Ekesode 32:32 - MUKANDA WA MYIDI MUKULU

³² Ndi nkusengelela bua ubafuile luse, bua tshilema etshi. Kadi pawabenga, ukupule dina dianyi mu mukanda wa muoyi, uudi mufunde mena a bantu bebe.

Mukanda wa Nzambi Dihungila Dikulukulu ne Dihungila Dihia-dihia 2003

³² Kadi katataka biwasua kubabuikidila bubi buabo, kadi biwikala kuyi musue, ndi nkusengelela ne, Unjimishe mu mukanda webe uwakufunda.

Ekesode 32:32 Referans Kwoze

Misambu 69:28

Badika malu mabi abu onsu, kubafuidi luse ku kalu nansha kamue.

Didimanyisha 21:27

Kadi tshintu nansha tshimue tshidi ne mikiya, katshiakubuela mu tshimenga etshi. Muntu udi wenza malu mabi, ushima, kakubuelamu. Amu badi ne mena abu mu mukanda wa muoyi, mukanda wa Muana wa mukoku, ke badi mua kubuelamu.

Filipe 4:3

Wewe kabidi, Sizikuse, muena mudimu nanyi wa diyi dimue, ndi nkulomba ne: ubambuluishe. Bualu bobu bavua bangambuluisha bikole bua kutangalaja Lumu lua Disanka, pamue ne Kleman, kabidi ne bena mudimu nanyi bakuabu bonsu. Mena abu adi mu mukanda wa muoyi.

Rome 9:3

Bualu ndi njinga bua Mvidi Mukulu antshipe meme, angumushe kudi Kristu, bu biobi mua kulengelela bana hetu, bena tshisamba tshianyi.

Danyele 12:1

“Mutumibue wa Mvidi Mukulu kungambila kabidi ne: ‘Tshikondu atshi nebafike kudi Mikayele, mfumu wa batumibue ba Mvidi Mukulu, mulami wa bantu bebe. Dituku adi nedikale dia dikenga, didi kadiyi dianji kumueka katshia bafuka bantu, too ne ku diba adi. Pashishe bana benu badi ne mena abu mafunda mu mukanda wa muoyi nebapande.

Didimanyisha 3:5

Badi batshimuna, nebavuale bilamba bitoke. Tshiakukupula mena abu mu mukanda wa muoyi to. Nenjadikile Tatu wanyi ne batumibue bende ne: bantu aba mbanyi.

Misambu 139:16

Uvua mummone ntshidi mu lukutu; mu mukanda webe, ukavua mufunde matuku onsu andi ndala panu, dimue dia kudiwu kadiyi dianji kubanga.

Misambu 56:8

Bantu bamane kuenza bibi nanku, mudibu mua kuenda tshianana, kabayi babanyoka mbishi? Mvidi Mukulu wanyi, baleja tshiji tshiebe, ubabutule!

Didimanyisha 17:8

Nyama uuvua mumone uvua ne muoyi kale, kadi kena kabidi nawu to. Udi ne bua kupatuka mu kandondu, kadi amu bua aye kubutuka. Bantu ba pa buloba badi kabayi ne dina difunda mu mukanda wa muoyi, katshia bafuka bantu, nebakeme pamonabu nyama. Bualu kale nyama awu uvua ne muoyi, kadi katshiena kabidi nawu. Dikuabu dituku neamueneke tshiakabidi.

Dielulula 29:20

Maweja-Nangila neamupeteshe diakabi, amumushe munkatshi mua bena Izrayele, bilondeshile manyoka adibu bafunde mu mukanda wa mikenji ya ndondu ewu.

Dielulula 25:19

Maweja-Nangila Mvidi Mukulu wenu neanufikishe mu ditunga didiye munupe. Neanupandishe ku baluishi bonsu badi nenu mutumba. Diba adi, nenubutule bena Amaleke, kabayi mua kubavuluka kabidi pa buloba to. Kanuena mua kupua bualu ebu muoyi to!

Dielulula 9:14

Kunkandiki to. Ndekela, mbanyoke. Ndi musue kubabutula, kabayi mua kubatela kabidi pa buloba. Pashishe nenkuambuluishe bua ulele bana ba bungi, benze tshisamba tshinene, tshidi tshipita bena Izrayele ku bukole ne ku bungi!”

Dibadika 14:19

Nanku, ndi nkusengelela ne: fuila bena Izrayele luse bu muuvua mubenzele pavuabu bapatuke mu Ejipitu.

Ekesode 32:10

Nanku ndi ne tshiji, wewe Moshe undekele, mbutule tshisamba etshi, bualu bantu aba badi ne tshitunu. Pashishe wewe neutante, wikale tshisamba tshinene.

Luke 23:34

Ke Yezu kuamba ne: — Tatu, ubumvuile luse, bualu kabena bamanye tshidibu benza. Kuabanyanganabu bilamba bia Yezu, batshinka udi mua kubiangata.

Amosa 7:2

Ke mpasu kudia bisosa ne bisaala bionsu bivua mu ditunga. Nanku meme kuamba ne: “Maweja-Nangila Mvidi Mukulu, ndi nkusengelela: fuila bantu bebe luse. Tshianana, nebashale ne muoyi bishi? Bualu badi amu bakese, batekete kabidi.”

Yezekiyele 13:9

“Bambi badi bambila bantu malu a dishima adi afuma amu ku lungenyi luabu nkayabu, nembaleje bukole buanyi. Kabakuikala ne muaba mu tshipangu tshia bantu banyi. Kabena babafunda mu mukanda udi ne mena a bena Izrayele. Kabakupingana mu ditunga diabu. Nanku nebajadike ne: meme ndi Maweja-Nangila Mvidi Mukulu.

Didimanyisha 22:19

Kadi pikala muntu mumbushe umue wa ku miaku ya muambi ya mu mukanda ewu, Mvidi Mukulu neamumbushile tshiende tshitupa tshia tshimuma tshia mutshi wa muoyi, ne tshiende tshitupa tshia tshimenga tshia tshijila, mudibu babifunde mu mukanda ewu.

Luke 10:20

Kadi kanusanki nangananga bualu mikishi mibi idi inutumikila. Nusanke amu, bualu mbamane kufunda mena enu mu diulu.

Dibadika 11:15

Paudi musue kunkengesha nanku, mbimpe unshipe. Ke muudi mua kumfuila luse, tshiyi mmona kabidi dikenga dindi nadi edi to!

Yeshaya 4:3

Nenku bonsu bavua bapanduke mu Yerushalayime, basombe pa mikuna mu Siyone, nebabinyike ne: “Bantu ba Tshijila ba Maweja-Nangila.” Bantu aba ke bavua Maweja-Nangila mufunde mu mukanda wende, bua kusombabu mu Yerushalayime.

Malaki 3:16

Pashishe bantu bonsu bavua banemeka Maweja-Nangila, kuelanganabu pabu meji. Maweja-Nangila uvua mubateleje, mumvue bivuabu bamba. Kufundabu mena a bonsu bavua bamutshina, bamunemeka mu mukanda, yeye mutangile.

Malaki 3:17

Pashishe Maweja-Nangila wa bukole buonsu kuamba ne: — Dituku dindi ndeja bukole buanyi, bantu aba nebikale bantu banyi. Nembafuile luse, bu mudi tatu ufuila muanende udi umuenzela mudimu luse.

Dibadika 11:25

Maweja-Nangila kupueka mu divuba bua kuyukila ne Moshe. Kuabanyinaye bakulu ba bena Izrayele abu, tshitupa tshia bukole bua Mueyelu wende, buvuaye mupeshe Moshe. Bakulu bamane kupeta Mueyelu wa Mvidi Mukulu, kutuadijabu kuakula bu bambi. Kadi kabivua bitungunuka to.