Ekesode 32:3 - MUKANDA WA MYIDI MUKULU

³ Bena Izrayele kukopolabu tukanu tua tshiamu tshia mpawungi tuvua ku matshi abu, kututuadila Arone.

Mukanda wa Nzambi Dihungila Dikulukulu ne Dihungila Dihia-dihia 2003

³ Bantu bonso bakakuohola nkanu ya or yakadi ku matshu abo, bakalua nʼai kudi Alona.

Ekesode 32:3 Referans Kwoze

Yirmeya 10:9

Mpingu eyi, mbayilamike tshiamu tshitoke tshia mushinga mukole tshia ku Tarshishe, nansha tshiamu tshia mpawungi, tshiaku Ufaze. Muntu ke udi musonge mpingu ayi. Nsenda wa tshiamu tshia mpawungi ke udi muyilengeje. Badi bayivuadika bilamba bimpe, bikunze ne bifikuluke. Mpingu yonsu eyi, idi anu mienza kudi muntu udi mumanye mudimu wende bilenga.

Yeshaya 46:6

Bantu badi batula mpetu yabu yonsu. Badi bapima nkanu mitoke ya mushinga mukole, ne biamu bia mpawungi. Badi bangata nsenda wa mpawungi ku mudimu, bua abafudile mvidie, udibu batendelela, udibu bakukuila.

Genese 24:22

Nsongakaji mumane kunuisha tumelu tuonsu mayi, muena mudimu kumupa kakanu ka mpawungi kikale ne bujitu bu bua gramme isambombu. Kumupa kabidi bikanu bibidi bia ku maboku, tshikanu tshionsu tshivua ne bujitu bupite pa gramme lukama.

Genese 35:4

Nanku bantu bonsu kumupesha mpingu yonsu ivua ileja mvidie ya bisamba bikuabu ivuabu nayi, kumupesha kabidi ne tukanu tua ku matshi tavuabu natu. Yakobe kubijika bionsu muinshi mua mutshi wa lusanga udi pabuipi ne tshimenga tshia Shekeme.

Ekesode 32:2

Arone kubambila ne: — Umushayi tukanu tua tshiamu tshia mpawungi tudi ku matshi a bakaji benu, ne a bana benu ba balume ne ba bakaji, nutuntuadile.

Ekesode 32:4

Pashishe, Arone kuangata tukanu atu, kutuengululaye muiku, kututuaye mu tshinu, kuenzaye lupingu lua kana ka ngombe, ka tshiamu tshia mpawungi. Bena Izrayele kuamba ne: — Ke mvidie wetu uvua mutupatule mu Ejipitu ewu!

Ekesode 33:6

Ke muakadikengesha bena Izrayele nanku, kumushabu bilenga bionsu bivuabu bavuale, bituadije ku mukuna wa Sinayi.

Yeshaya 3:19

tukanu tua ku matshi, bikupa bia ku maboku, ne bitambala bia ku mutu;