Ekesode 32:17 - MUKANDA WA MYIDI MUKULU

¹⁷ Nanku, Yoshuwa kumvua mutoyi wa bantu, kuambilaye Moshe ne: — Ndi ngunwua mutoyi mukole wa bantu, baluangana mvita mu mitanda!

Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Hakunvua Yoshua diyoyo dia bantu hakadibo bela mbila, yeye wakambila Mose ne, Au mmutoyi wa bantu badi baluangana nvita mu tshitudilu.

Ekesode 32:17 Referans Kwoze

Ekesode 24:13

Moshe kujuka ne Yoshuwa uvua umuambuluisha, kuambilaye bakulu ne:

Ekesode 17:9

Moshe kuambila Yoshuwa ne: — Sungula bantu ba bukole. Nuye kuluangana ne bena Amaleke. Kadi meme malaba nengimane pa katongobela ka mukuna, mukuate dikombu dia Mvidi Mukulu mu bianza.

Amosa 2:2

Nengoshe ditunga dia Mowabe. Kapia nekashidishe nzubu mimpe, idi mu tshimenga tshia Keriyote. Bena Mowabe nebabutuke mu tshimvundu tshia mvita. Baluishi babu nebele mbila, nebadidishe mpungi.

Amosa 1:14

Nengoshe tshimenga tshiabu tshia Raba. Kapia nekashidishe nzubu yatshi mimpe. Dituku adi, nebele mbila ya mvita, mikole bu tshiona tshia lupepele lua mvunde.

Yirmeya 51:14

Maweja-Nangila wa bukole buonsu mmuditshipe wamba ne: “Bu mundi Mvidi Mukulu mulelela, nentume bantu bapite bungi, bu mukongolu wa mpasu. Nebabuele mu ditunga diebe, nebele bibingu bia mvita.”

Misambu 47:1

Musambu wa mu mukanda wa mulombodi wa misambu. Wa mu mukanda wa misambu wa bena Kora.

Yobe 39:25

Diba didi mpungi udila, kadi kela muadi katshidi kule. Kakadi kumvua mupuya wa mvita, ne mbila idi balombodi ba mvita ne bantu babu bela.

1 Samuele 17:52

Bena mvita ba bena Izrayele ne ba bena Yuda kuela mbila ya mvita, kulondakaja bena Peleshete too ne mu mushiku wa tshimenga tshia Ngate, ne tshia Ekrone. Bitalu bia bena Peleshete bivua bitangalake panshi mu njila wa ku Sharayime, too ne ku tshimenga tshia Ngate ne tshia Ekrone.

1 Samuele 17:20

Butshia dinda, Davide kushiya mikoku yende kudi mulami mukuabu. Kuangataye bintu bivuaye ne bua kuya nabi. Kuyaye muvua tatuende Ishayi mumutumina diyi. Kufikaye mu mitanda diba divu bena mvita bela mualu wa mvita, bela mbila bua kuya ku mvita.

Balombodi 15:14

Bafike ku Leki, bena Peleshete kuya kubakidila, bela bibingu bia ditshimuna. Ke Mueyelu wa Maweja-Nangila kutulukila Shimeshone. Mionji ivuabu bamusuike ku maboku ne ku bianza, kukosekayi diakamue, anu bu buanda bua ndanda buosha mu kapia.

Yoshua 6:20

Batuangaji kuela mpungi. Bena Izrayele bumvue mpungi ayi, kuelabu bibingu bikole bia mvita. Bimana bia tshimenga kupukabi panshi mbuu. Diakamue bena Izrayele kubanda ku tshimenga. Muntu yonsu kuya buludi ne muaba uvuaye mululamangane nawu. Kukuatabu tshimenga.

Yoshua 6:16

Kadi musangu wa muanda mutekete, pavua batuangaji bela mpungi, Yoshuwa kuambila bena Izrayele ne: — Elayi bibingu bia mvita! Bualu Maweja-Nangila mmumane kunupa tshimenga etshi.

Yoshua 6:10

Kadi Yoshuwa uvua muambile bena Izrayele bua banji kupuwa amu kupuwa too ne pawaye ubambila bua kuela bibingu bia mvita.

Yoshua 6:5

Nanku diba didi mpungi udila amu kudila, bena Izrayele nebele bibingu bikole bia mvita. Diba adi bimana bia tshimenga nebiupuke. Nebabuele mu tshimenga, muntu yonsu uya anu buludi mutangile kumpala kuende.

Ekesode 32:18

Moshe kuandamuna ne: — Ki mmutoyi wa bantu batshimune mvita nansha babatshimune to, ndi ngumvua bantu bimba misambu ya bibilu.

Ekesode 32:6

Bena Izrayele kujuka mu dinda dionsu, kufilabu milambu ya kuosha ne ya ditua ndondu. Pashishe, kudiabu, kunuabu, kutuadijabu kunaya.

Ekesode 32:16

Mabue awu ne mikenji ivua mifundapu, bivua bienza amu kudi Mvidi Mukulu nkayende.

1 Kulondolola 7:27

Nune ne Yoshuwa.