Ekesode 31:18 - MUKANDA WA MYIDI MUKULU

¹⁸ Nanku, Maweja-Nangila mumane kujikija diyuki ne Moshe ku mukuna wa Sinayi, kupeshaye Moshe mabue abidi ne mikenji ivuaye mudifundile nkayende.

Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Hakashikisha Yehowa kusomba ne Mose ha mukuna wa Sinai, yeye wakamuha mabue abidi akadi ne mikenji mifundahu ne munu wa Nzambi.

Ekesode 31:18 Referans Kwoze

Dielulula 4:13

Kunumanyishaye ndondu wenu nende. Uvua munuambile bua nunemeke ndondu, nukumbaje mikenji dikumi ivuaye mufunde pa mabue abidi.

Dielulula 5:22

Mikenji eyi, ke ivua Maweja-Nangila muakule ne diyi dikole, wambila bena Izrayele ku mukuna wa Sinayi. Uvua ubamanyishayi munkatshi mua kapia ne divuba dia muinshi. Uvua muyifunde pa mabue abidi, avuaye mumpeshe meme Moshe, kayi musakidileku mikenji mikuabu to.

Ekesode 24:12

Maweja-Nangila kuambila Moshe ne: — Banda ku mukuna kundi eku usombaku. Nenkupeshe mabue adi ne mikenji indi mufunde bua uyilongeshe bantu.

2 Korente 3:3

Eyowa, nuenu nudi mukanda uvua Kristu mufundishishe kutudi. Kena muufundishishe ne mayi a mukanda, kadi amu ku bukole bua Mueyelu wa Mvidi Mukulu udi ne muoyi. Kena muufundishishe pa mabue, kadi amu mu mioyi ya bantu.

Ekesode 8:19

Dikenga dindi nkuatshisha bantu bebe kadiakukuata banyi meme. Nengenze tshishima etshi malaba.”

Luke 11:20

Kadi meme ndi ngipata mikishi mibi amu ku bukole bua Mvidi Mukulu. Ke bidi bileja ne: Bukalenga bua Mvidi Mukulu mbumane kufika kunudi.

Matayi 12:28

Bulelela, ndi ngipata mikishi mibi ku bukole bua Mueyelu wa Mvidi Mukulu. Ke bidi bileja ne: Bukalenga bua Mvidi Mukulu bukadi bufike kunudi.

Yirmeya 31:33

Kadi Maweja-Nangila udi wamba ne: ndondu indi ntua ne bena Izrayele neikale nenku: Nemfunde mikenji yanyi mu muoyi wabu wa munda. Tshiena nyifunde kabidi pa mabue to. Nenyifunde munda muabu. Nengikale Mvidi Mukulu wabu, bobu nebikale bantu banyi.

Ekesode 24:18

Moshe kubuela munda mua divuba, kubanda kabidi pa mukuna, kushalaku matuku makumi anayi a munya ne a butuku.

Ebrewu 9:4

Muaba awu uvua tshilambuilu tshienza ne tshiamu tshia mpawungi tshivuabu boshela musenga wa manananshi. Muvua kabidi mushete wa ndondu mulamika mpawungi mubidi mujima. Munda mua mushete muvua dibungu dia mpawungi dikale ne mana, dikombu dia Arone disase bilongu, ne mabue avuabu bafundile mikenji ya ndondu.

2 Bakalenga 11:12

Ke, mutuangaji Yoyada kupatula Yowashe, kumuasa tshifulu tshia bukalenga, kumupesha mukanda wa ndondu! Pashishe, kuelabu Yowashe mafuta pa mutu bua kumujidila. Diakamue, bantu bonsu kumukumina bikashi, bela mbila, bamba ne: “Mukalenga Yowashe, akuate ku mundundu!”

Dielulula 10:4

Maweja-Nangila kufundulula mikenji dikumi pa mabue mapiamapia, bu muvuaye mufunde pa mabue a kumpala. Mikenji eyi, ke ivuaye munumanyishe munkatshi mua kapia, dituku dinuvua basangile kuinshi kua mukuna. Pashishe kumpeshaye mabue awu.