Ekesode 31:13 - MUKANDA WA MYIDI MUKULU

¹³ Ambila bena Izrayele mikenji eyi ne: — Dituku dia Dikisha dishale tshivulukilu pankatshi petu nenu ne ndelanganyi yenu, bua nuenu kumanya ne: Meme, Maweja-Nangila ke udi munusungule.

Mukanda wa Nzambi Dihungila Dikulukulu ne Dihungila Dihia-dihia 2003

¹³ Wambile Bena Isalele kabidi ne, Nuenu nuvuluke matuku anyi a Lumingu dituku edi didi bu tshivulukidi hankatshi hetu ku bikondo bienu bionso bualu bua kunumanyisha ne, Meme ndi Yehowa wakunujidila.

Ekesode 31:13 Referans Kwoze

Yezekiyele 20:20

Nujidile dituku dianyi dia Dikisha bua kuleja mutudi batue nenu ndondu, ne bua nuenu kuvuluka ne: meme ndi Maweja-Nangila Mvidi Mukulu wenu.

Yezekiyele 20:12

Mvua muele diyi kabidi bua banemeke dituku dia Dikisha, bua kuleja diumvuangana didi pankatshi panyi nabu, bua kubavuluija kabidi ne: meme Maweja-Nangila ndi mubajidile bua bangenzele mudimu.

Lewitiki 19:30

Nuikishe dituku dia Dikisha, nunemeke muaba wanyi wa tshijila. Bualu meme ndi Maweja-Nangila.

1 Tesalonike 5:23

Mvidi Mukulu udi utupa bupole, anuambuluishe bua nuikale bantu bende menemene. Anulame ne mueyelu wenu, muoyi, ne mubidi, bua kanuikadi ne bubi, too ne dituku diafika Mfumu wetu Yezu Kristu.

Lewitiki 20:8

“Nulame mikenji yanyi bimpe. Bualu meme ndi Maweja-Nangila, uvua munusungule bua nuikale tshisamba tshia tshijila.

Ekesode 31:17

Dituku edi nedikale tshimanyinu tshia diumvuangana didi pankatshi panyi ne bena Izrayele. Bualu meme Maweja-Nangila mvua mufuke diulu ne buloba mu matuku asambombu, meme kuikisha dituku dia muanda mutekete.

Yowanane 17:17

Ubajidile mu bulelela, bua bikale bantu bebe wewe menemene. Muaku webe udi mulelela.

Lewitiki 19:3

“Muntu yonsu wa kunudi anemeke tatuende ne mamuende, kabidi anemeke dituku dia Dikisha. Bualu Meme ndi Maweja-Nangila Mvidi Mukulu wenu.

Yezekiyele 44:24

Mu bilumbu nebakose nsambu amu pa yoyi, bilondeshile mikenji yanyi. Nebenzeje bibilu amu bilondeshile meyi ne mikenji bimvua mufile. Nebambuluishe bantu bua banemeke bimpe dituku dia Dikisha, dikale dia tshijila.

Yezekiyele 37:28

Bisamba bikuabu nebimanye ne: ndi Maweja-Nangila, ndi mujidile bena Izrayele bua bangenzele mudimu. Bualu nzubu wanyi neikale munkatshi muenu kashidi.”

Nehemya 9:14

Wewe kubaleja mudi dituku dia Dikisha dikale dituku diebe wewe, dituku dia tshijila. Wewe kubamanyisha mikenji yebe mikuabu, mukana mua Moshe, muntu webe.

Lewitiki 26:2

“Nuikishe dituku dia Dikisha. Nunemeke muaba wanyi wa tshijila. Bualu ndi Maweja-Nangila.

Lewitiki 23:3

“Nuenze mudimu matuku asambombu, kadi dituku dia muanda mutekete dikale dituku dia Dikisha, dia tshijila. Nuikishe, nudisangishe bua kuntumbisha meme Maweja-Nangila, miaba yonsu inudi basombe. Kanuena ne bua kukuata mudimu dituku adi to.

Lewitiki 21:8

Nuenu bena Izrayele, numanye ne: batuangaji mbantu ba tshijila. Nubanemeke, bualu bobu ke badi bafikisha milambu yenu kundi meme, Mvidi Mukulu wenu. Muntu kena mua kunyanga tshijila tshiabu to. Bualu meme ndi Maweja-Nangila wa tshijila. Mvua musungule bena Izrayele bua bikale bantu ba tshijila.

Lewitiki 25:2

bua amanyishe bena Izrayele mikenji idi ilonda eyi ne: “Diba dinudi nubuela mu ditunga dindi munupeshe, nulekele kudima bikondu bikuabu mu dina dianyi, bua buloba buikishe.

Yuda 1:1

Meme Yuda, muena mudimu wa Yezu Kristu, ne muanabu ne Yakobe, ndi mfundila bonsu badi Mvidi Mukulu mubikile, badiye Yeye Tatu wetu unanga, badi Yezu ulama bimpe, mukanda ewu.

Yowanane 17:19

Ndi ndifila mujima kuudi bualu buabu, bua bobu kabidi bikale bebe menemene.

Matayi 23:17

Nudi bantu batshimbakane, bampofu! Tshidi ne mushinga mupite ntshinyi? Tshiamu tshia mpawungi, peshi nzubu wa Mvidi Mukulu, udi uvuija tshiamu tshia mpawungi etshi tshia tshijila?

Ekesode 31:12

Maweja-Nangila kuambila Moshe ne:

Dielulula 5:12

“Nuvuluke Dituku dia Dikisha, nudinemeke, bualu ndia tshijila, bu mumvua munuambile.

Yeshaya 56:2

Muntu udi wenza bindi ngamba, udi ulama bimpe mikenji yanyi, unemeka bimpe dituku dia Dikisha, kayi wenza bualu bubi nansha bumue, ngwa diakalenga!”

Yirmeya 17:22

Dituku adi kanuena mua kupatula bintu mu nzubu yenu. Kanuena mua kuenza mudimu. Bualu dituku adi ndianyi meme, bu mumvua muambile bankambua benu.

Amosa 8:5

Nudi nuebejangana ne: “Bibilu bia ngondu mupiamupia nebijike diba kaayi, bua tumone mua kupana tshiakabidi ntete yetu ya kuenza bukula! Dituku dia Dikisha ki ndijike anyi, bua tumone mua kukangula, biibi bia mayeba etu! Netukepeshe bipimu bia ntete, netubandishe mushinga. Netunyangakaje tshiamu tshia kupima natshi bua tumone mua kudinga bantu.”