Ekesode 30:1 - MUKANDA WA MYIDI MUKULU

¹ “Nebase tshilambuilu ne mitshi ya ndunga, bua kundambuilapu manananshi.

Mukanda wa Nzambi Dihungila Dikulukulu ne Dihungila Dihia-dihia 2003

¹ Wewe newenze tshioshelu tshia musenga wa manananshi ne mutshi wa acacia.

Ekesode 30:1 Referans Kwoze

Didimanyisha 8:3

Mutumibue mukuabu kufika, kuimana ku tshilambuilu. Uvua ne mbabula muenza ne mpawungi, wa kuoshila manananshi. Kumupeshabu musenga wa manananshi wa bungi, wa kulambula pamue ne ditendelela dia bantu bonsu ba Mvidi Mukulu, pa tshilambuilu tshia mpawungi tshivua kumpala kua nkuasa wa butumbi.

Lewitiki 4:7

Alabe kabidi mashi awu ku matumba adi matalame ku tshilambuilu tshia kuoshila manananshi, tshidi muaba wa tshijila. Pashishe mashi onsu adi ashala, mutuangaji ayitshikije kuinshi kua tshilambuilu tshia milambu ya kuosha tshidi ku mushiku wa mbelu wa ntenta.

Ekesode 40:5

Bateke tshilambuilu tshia tshiamu tshia mpawungi bua kuosha manananshi. Utshiteke kumpala kua mushete wa ndondu. Ulembeleje tshilamba mu mushiku wa mbelu wa nzubu wa tshijila.

2 Kulondolola 26:16

Kadi, lumu luende luvua lumupeshe ditambisha dia bungi. Ditambisha edi kumufikisha ku kabutu. Kavua kabidi muitabe Mvidi Mukulu wende to. Dituku dikuabu, Uziya kubuela mu nzubu wa Mvidi Mukulu, bua kulambula musenga wa kamonya pa tshilambuilu tshia manananshi.

1 Bakalenga 6:20

Tshibambalu etshi, tshivua ne metre dikumi mu butshiama, ne metre dikumi mu butumbuke ne mu bule. Bavua batshilamika tshiamu tshia mpawungi, bu muvuabu balamika munda mua nzubu wa Mvidi Mukulu muonsu. Kumpala kua mushiku wa mbelu wa tshibambalu etshi, bavua bololaku lukanu lua tshiamu tshia mpawungi. Bavua batekaku tshilambuilu tshienza ne mitshi ya sedre, milamika tshiamu tshia mpawungi.

Lewitiki 4:18

Alabe kabidi mashi awu ku matumba adi matalame ku tshilambuilu tshia kuoshila manananshi tshidi muaba wa tshijila. Pashishe mashi onsu adi mashale, mutuangaji ayitshikije kuinshi kua tshilambuilu tshia milambu ya kuosha, tshidi ku mushiku wa mbelu wa ntenta.

Ekesode 30:10

Ku tshidimu tshionsu, Arone ikale utshikobolola, umiamine mashi a nyama ku nsengu inayi idi ku tshilambuilu, bua kukobolola bantu. Mukenji ewu, bikale bawenzulula ku tshidimu tshionsu kudi ndelanganyi yenu yonsu. Tshilambuilu etshi netshikale tshijidila, tshikale muaba wa tshijila menemene.”

Ebrewu 9:4

Muaba awu uvua tshilambuilu tshienza ne tshiamu tshia mpawungi tshivuabu boshela musenga wa manananshi. Muvua kabidi mushete wa ndondu mulamika mpawungi mubidi mujima. Munda mua mushete muvua dibungu dia mpawungi dikale ne mana, dikombu dia Arone disase bilongu, ne mabue avuabu bafundile mikenji ya ndondu.

Ekesode 30:2

Tshilambuilu atshi, tshikale ne santimetre makumi atanu nseke yonsu, butumbuke buatshi buikale bua metre umue. Tshilambuilu ne nsengu idi ku matumba anayi, bikale bionsu bilamakane.

Ekesode 35:15

Benze tshilambuilu tshia manananshi, ne mitshi ya kuelaku; mafuta a kuela pa mutu, ne manananshi a kuosha; tshilamba tshia mu mushiku wa mbelu wa nzubu wa tshijila;

Dibadika 3:31

Bena tshisamba etshi bavua ne mudimu wa kulama bimpe mushete wa ndondu, mesa a tshijila, tshitekelu tshia miendu, bilambuilu, malongu adibu benza nawu mudimu muaba wa tshijila, kabidi ne tshilamba tshidibu balembeleja munda mua nzubu wa tshijila.

1 Bakalenga 6:22

Nanku, nzubu wa Mvidi Mukulu mujima uvua mulamika tshiamu tshia mpawungi, too ne ku tshilambuilu tshivua pabuipi ne mushiku wa tshibambalu tshivua ne mushete wa ndondu.

1 Bakalenga 7:48

Shelomu kuenzeja kabidi bintu bia tshiamu tshia mpawungi, bia kuteka mu nzubu wa Maweja-Nangila: tshilambuilu tshia manananshi tahia tshiamu; mesa a tshiamu tshia mpawungi a kutekela mampa a kulambula Mvidi Mukulu;

1 Kulondolola 6:49

Bena Izrayele bavua bapesha ndelanganyi ya bena Levi bimenga ebi ne mpata ya kudishila bimuna biabu.

1 Kulondolola 28:18

Kulejaye bujitu bua mpawungi menemene, bua tshilambuilu tshia mulambu wa manananshi. Pashishe kumupeshaye dibeji divuaye muzole bua kuleja nuwuaye mua kufula ditempu dia tshijila, ne bakerubine benza ne tshiamu tshia mpawungi, badi babuikila mushete wa ndondu wa Maweja-Nangila ne mapuapua abu.

Yezekiyele 41:22

ne tshilambuilu tshienza ne mabaya. Tshi vua ne bule bua metre umue ne tshitupa, butshiama bua metre umue. Tshivua ne matumba, kabidi ne tshitaku tshia mabaya. Ku nseke yonsu inayi, kuvua anu mabaya. Muntu kungambila ne: — Ke mesa adibu bateke kumpala kua Maweja-Nangila.

Ekesode 31:8

mesa a kulambuila mampa ne bintu bionsu bidiku, tshitaku tshia muendu tshia tshiamu tshia mpawungi nkayatshi, ne bintu bionsu bidiku, tshilambuilu tshia musenga wa manananshi,

Ekesode 39:38

— tshilambuilu tshia tshiamu tshia mpawungi, mafuta a kulaba nawu, manananshi a kuosha; — tshilamba tshia mu mushiku wa mbelu wa ntenta;

Dibadika 4:11

Ku tshilambuilu tshia tshiamu tshia mpawungi, nebabuikileku tshilamba tshifikuluke. Nebateke tshiseba tshikole tshia nyama wa nkonga pa mutu pa bionsu. Pashishe nebabueje milonda ku tshilambuilu aku bua kutshiambuilaku.