Ekesode 3:21 - MUKANDA WA MYIDI MUKULU

²¹ Meme nensake bena Ejipitu bua banunemeke nuenu bena Izrayele. Nanku panumuka mu Ejipitu, kanuakuikala bianza bitupu to.

Mukanda wa Nzambi Dihungila Dikulukulu ne Dihungila Dihia-dihia 2003

²¹ Nempe bantu aba dikasa dimpe kudi Bena Ejipitu, ne hayabo, kabena baye ne bianza bituhu.

Ekesode 3:21 Referans Kwoze

Ekesode 12:36

Maweja-Nangila kuambuluisha bena Izrayele. Kubanemekabu kudi bena Ejipitu, kupetabu bintu bivuabu balomba bena Ejipitu. Ke muvua bena Izrayele bapawule bintu bionsu bivua bena Ejipitu nabi.

Misambu 105:37

Kupatulaye bantu bende ne biamu bitoke bia mushinga mukole, ne biamu bia mpawungi, kakuvua muntu wa ku bisamba biabu nansha umue uvua ne dikasa dibi.

Ekesode 11:3

Maweja-Nangila kuambuluisha bena Izrayele. Kupetabu diakalenga kudi bena Ejipitu. Kabidi Moshe uvua ne lumu lunene mu ditunga dia Ejipitu. Bavua bamunemeke bikole kudi balombodi ba mu bukalenga ne kudi bena Ejipitu bakuabu bonsu.

Nsumuinu 16:7

Padi Maweja-Nangila muanyishe nsombelu wa muntu, udi ubueja diumvuangana pankatshi pende ne baluishi bende.

Misambu 106:46

Kutekaye muoyi wa luse munda mua bantu bonsu, bavua babakuate ku bupika.

Genese 39:21

Maweja-Nangila uvua mulame Yozefe bimpe, uvua mumutokele ku muoyi nansha muaba awu. Uvua umututshisha dikasa dimpe kudi mulombodi ba balami ba bena lukanu.

Bienzedi 7:10

Kumusungidilaye ku makenga ende onsu. Kumuambuluishaye bua mukalenga wa bena Ejipitu, amunange, anyishe meji ende. Ke mukalenga awu kumuteka mulombodi wa ditunga dia Ejipitu, ne wa nzubu wende mujima wa bukalenga.

Nehemya 1:11

Maweja-Nangila, ndi nkusengelela ne: utelejeku mundi nutendelela, kabidi mudibu bakutendelela kudi bantu bebe bakuabu, badi ne disanka dia kukutumbisha. Wewe, ungendeshe diakalenga mu bionsu bindi musue kuenza lelu. Ungambuluishe bua mukalenga wa bakalenga angandamune bimpe. Tshikondu atshi, meme Nehemya mvua ntangila bantu bavua balongolola maluvu a mukalenga wa bakalenga.

Ekesode 12:35

Bena Izrayele kulomba bena Ejipitu bilamba ne bintu bienza ne tshiamu tshia mpawungi nansha ne tshiamu tshitoke tshia mushinga mukole bu muvua Moshe mumane kubambila.

1 Bakalenga 8:50

Ubafuile luse bua malu mabi onsu adibu bakuenzela, ne mudibu bakutombokela. Witabe bua baluishi babu babenzele bimpe.

Genese 15:14

Kadi, meme nennyoke tshisamba tshikale tshiyikuata ku bupika atshi. Ndelanganyi yebe neyipatuke mu bupika ne biuma bia bungi.

Ekesode 11:2

Wambile bena Izrayele bonsu ne: Bangabanga ne kumuka mu ditunga dia Ejipitu, nuenu bonsu balume ne bakaji, nulombe kudi bena mutumba nenu, bintu bienza ne mpawungi nansha ne tshiamu tshitoke tshia mushinga mukole.

Dielulula 15:13

Kumulekedi uya, kayi ne tshintu.